ԱՄՆ–ն հավանություն է տվել Գերմանիա լրացուցիչ զորքեր ուղարկելուն

© Sputnik / Stringer / Անցնել ֆոտոբանկԱմերիկյան ԶՈւ
Ամերիկյան ԶՈւ - Sputnik Արմենիա, 1920, 24.02.2022
Ամերիկյան ԶՈւ. Արխիվային լուսանկար
Բաժանորդագրվեք
Yandex newsTelegram
Ամերիկացիները նոր ստորաբաժանումներ կտեղափոխեն Գերմանիա, Ուկրաինա զորք ուղարկելու մասին խոսք չկա։
ԵՐԵՎԱՆ, 24 փետրվարի – Sputnik. ԱՄՆ նախագահ Ջո Բայդենը հայտարարել է, որ թույլատրել է ավելի շատ զորքեր ուղարկել Գերմանիա։ Այս մասին նա ասել է ամերիկացիներին ուղղված իր ուղերձում՝ կապված Ուկրաինայի շուրջ ստեղծված իրավիճակի հետ։ Ամերիկայի առաջնորդը միաժամանակ ընդգծել է, որ Վաշինգտոնը մտադիր չէ իր զորքերն ուղարկել Ուկրաինա։

Փետրվարի 24-ին, վաղ առավոտյան Ռուսաստանի նախագահ Վլադիմիր Պուտինը հայտարարել է, որ որոշում է կայացրել Ուկրաինայի նկատմամբ հատուկ ռազմական գործողության մասին: Ռուսաստանցիներին ուղղված հեռուստաուղերձում նա հայտարարել է, որ հանգամանքները պահանջում են վճռական և անհապաղ գործողություններ, Դոնբասի Ժողովրդական Հանրապետությունը դիմել է Ռուսաստանին` օգնության խնդրանքով:

Ռուսաստանի նախագահի խոսքով՝ արյունահեղության ողջ պատասխանատվությունը կրելու է Ուկրաինայում իշխող ռեժիմը: Նա կոչ է արել ուկրաինացի զինվորականներին չկատարել ուկրաինական իշխանությունների հանցավոր հրամանները, վայր դնել զենքը և գնալ տուն:
Ավելի ուշ ՌԴ ՊՆ-ն ընդգծել է, որ Ռուսաստանի Զինված ուժերը ոչ մի հրթիռային, ավիացիոն կամ հրետանային հարվածներ չեն հասցնում Ուկրաինայի քաղաքներին. խոցման բարձր ճշգրտության միջոցներով շարքից դուրս են բերվում ռազմական ենթակառուցվածքները, ՀՕՊ օբյեկտները, ռազմական օդանավակայանները և ավիացիան: Նախարարությունում վստահեցրել են, որ քաղաքացիական բնակչությանը ոչինչ չի սպառնում։
Կանադան և Մեծ Բրիտանիան նոր պատժամիջոցներ են սահմանել Ռուսաստանի դեմ
Լրահոս
0