Արարատի մարզում տրակտորն ընկել է ջրանցքը, 27–ամյա վարորդը մահացել է

© Sputnik / Andranik GhazaryanՏրակտոր
Տրակտոր - Sputnik Արմենիա, 1920, 24.02.2022
Տրակտոր. Արխիվային լուսանկար
Բաժանորդագրվեք
Yandex newsTelegram
Քաղաքացիներն իրենց ուժերով, վերամբարձ կռունկի միջոցով դուրս են բերել տրակտորը ջրանցքից, ապա ժամանած փրկարարներն այնտեղից դուրս են բերել երիտասարդ տղայի դին:
ԵՐԵՎԱՆ, 24 փետրվարի – Sputnik. Արարատի մարզում ողբերգական դեպք է տեղի ունեցել, որի հետևանքով 27–ամյա երիտասարդ է մահացել, գրում է Shamshyan.com–ը։
Նշվում է, որ այսօր` ժամը 19:50-ի սահմաններում արտակարգ իրավիճակների նախարարության փրկարար ծառայության 911 ճգնաժամային կառավարման կենտրոն ահազանգ է ստացվել, որ Սուրենավան գյուղի վարչական տարածքում գտնվող դաշտամիջյան հատվածում անցնող Կախանովի ջրանցքում «Բելառուս» մակնիշի տրակտոր է ընկել:

Մինչ փրկարարների դեպքի վայր հասնելը, քաղաքացիները իրենց ուժերով, վերամբարձ կռունկի օգնությամբ դուրս են բերել տրակտորը ջրանցքից, ապա ժամանած փրկարարները այնտեղից դուրս են բերել երիտասարդ տղայի դին:

Փաստի առթիվ Արարատի քննչական բաժնում նյութեր են նախապատրաստվում:
Ըստ կայքի տեղեկության` մահացածը Սուրենավան գյուղի բնակիչ, 27-ամյա Գագիկ Օհանյանն է։
Լրահոս
0