Կիևն արևմուտքից շրջափակված է. ՌԴ ՊՆ
17:07 25.02.2022 (Թարմացված է: 17:16 25.02.2022)
© Sputnik / Константин Михальчевский
/ Բաժանորդագրվել
Բազմաթիվ դեպքեր են գրանցվել, երբ ազգայնականները անձնակազմին վախեցնելու համար հաշվեհարդար են տեսել այն ժամկետային զինծառայողների հետ, որոնք չեն ուզեցել կռվել։
ԵՐԵՎԱՆ, 25 փետրվարի – Sputnik. ՌԴ պաշտպանության նախարարությունը ներկայացրել է Ուկրաինայի նկատմամբ հատուկ ռազմական գործողության արդյունքներն այսօր կեսօրի դրությամբ։ Եվ այսպես`
Օդադեսանտային զորքերի հիմնական ուժերը միավորվել են ռուսական դեսանտի ստորաբաժանումների հետ Գոստոմելում՝ ապահովելով Կիևի շրջափակումն արևմուտքից։
Օդանավակայանի գրավման ժամանակ Ուկրաինայի հատուկ ստորաբաժանումների կազմից ավելի քան 200 ազգայնականներ են ոչնչացվել։ ՌԴ ԶՈւ-ն կորուստներ չունի։ Գործողությանը մասնակցել են ավելի քան 200 ռուսական ուղղաթիռներ։ Դեսանտի հաջողությունն ապահովվել է վայրէջքի շրջանում ՀՕՊ-ի ամբողջ համակարգի ճնշմամբ, օդից մարտական գործողությունների շրջանի մեկուսացմամբ ու ռադիոէլեկտրոնային պայքարի ակտիվ գործարկմամբ:
Ռուսաստանի զինված ուժերի ստորաբաժանումները շարունակում են խնդիրներ կատարել Կիևի և այլ քաղաքների շրջանում: Ռուս զինվորականները Կիևի բնակելի թաղամասերին հարվածներ չեն հասցնի։
Ուկրաինական ուժերի հաստիքային զորամասերում Ուկրաինայի Անվտանգության ծառայության կողմից նախապես ներդրվել են 25-30 հոգանոց ազգայնականների խմբեր, որոնք հատուկ պատրաստություն են անցել:
ԼԺՀ-ի ստորաբաժանումները Սևերոդոնեցկի ուղղությամբ արագ տեմպերով մինչև 12 կիլոմետր խորությամբ առաջ են գնացել։
ԴԺՀ-ի զորքերի խմբավորումը 11 կմ առաջ է գնացել է դեպի Վոլնովախիի ուղղությամբ ազգայնական գումարտակների պաշտպանության խորքը։
Նախարարությունը հայտնում է, որ ազգայնականները բացահայտում են անհուսալի ուկրաինացի զինվորներին, իսկ զբաղեցրած սահմանագծերից դուրս գալու մասին հրամանատարի որոշման դեպքում գործում են որպես արգելակող ջոկատներ: Առանձին ուղղություններով նրանք իրենց զորամասերի հեռացումը բացառելու համար պայթեցնում են կամուրջները։
Նշվում է, որ դատաստանի բազմաթիվ դեպքեր են գրանցվել, երբ ազգայնականները անձնակազմին վախեցնելու համար հաշվեհարդար են տեսել ժամկետային զինծառայողների հետ, որոնք չեն ուզեցել կռվել։ Այդ մասին են վկայում զենքը վայր դրած ուկրաինացի զինվորները։
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ որոշում է կայացրել Ուկրաինայի նկատմամբ հատուկ ռազմական գործողության մասին, քանի որ ԼԺՀ-ի և ԴԺՀ-ն դիմել են օգնության խնդրանքով։ Ռուսաստանցիներին ուղղված հեռուստաուղերձում նա ասաց, որ հանգամանքները պահանջում են վճռական և անհապաղ գործողություններ։
Ավելի ուշ ՌԴ ՊՆ-ն ընդգծեց, որ Ռուսաստանի զինված ուժերը ոչ մի հրթիռային, ավիացիոն կամ հրետանային հարված չեն հասցնում Ուկրաինայի քաղաքներին. խոցման բարձր ճշգրտության միջոցներով շարքից դուրս են բերվում ռազմական ենթակառուցվածքները, ՀՕՊ օբյեկտները, ռազմական օդանավակայանները և ավիացիան:
Նախարարությունից վստահեցրին, որ քաղաքացիական բնակչությանը ոչինչ չի սպառնում։
