Ուկրաինայի ԶՈւ-ն ֆոսֆորային զինամթերք է կիրառում. ՌԴ ՊՆ տվյալները

© AP Photo / Vadim GhirdaՈւկրաինական բանակի զինվորներ
Ուկրաինական բանակի զինվորներ - Sputnik Արմենիա, 1920, 27.02.2022
Ուկրաինական բանակի զինվորներ. Արխիվային լուսանկար
Բաժանորդագրվեք
НовостиTelegram
Ռուսաստանի պաշտպանության նախարարությունը Ուկրաինայի իրավիճակի մասին թարմացված տվյալներ է ներկայացրել։
ԵՐԵՎԱՆ, 27 փետրվարի - Sputnik. Ուկրաինայի զինված ուժերը զանգվածաբար միջազգային կոնվենցիաներով արգելված ֆոսֆորային զինամթերք են օգտագործում ռուսական բանակի դեմ Կիևի արվարձաններում՝ «Գոստոմել» օդանավակայանի մերձակայքում:
Ռուսաստանի ՊՆ պաշտոնական ներկայացուցիչ Իգոր Կոնաշենկովն այսօր հայտնել է, որ ուկրաինական ուժերը Դ-30 հաուբիցների նկատմամբ 122 միլիմետրանոց արկ ու դեռ խորհրդային արտադրության «Գրադ» ԲՄ-21-ի կայանքների ռեակտիվ արկեր են կիրառում:
Կոնաշենկովը հիշեցրել է, որ նման զինամթերքի օգտագործումն արգելված է ՄԱԿ-ի 1980 թվականի «անմարդկային» զենքի մասին կոնվենցիայի երրորդ արձանագրությամբ:

ՊՆ-ից նաև հայտնում են, որ Մարիուպոլում Լվովի մարզից ժամանած «Աջ սեկտորի» գրոհային ջոկատներն ահաբեկում են խաղաղ բնակիչներին, զրահատեխնիկա ու հրետանի են տեղադրում բնակելի թաղամասերում՝ տեղի բնակչությանը որպես «կենդանի վահան» օգտագործելով։

ՌԴ ՊՆ-ում նշել են, որ Լուգանսկի մարզի Սևերոդոնեցկում ազգայնականները, գործելով որպես պատնեշային ջոկատներ, հրամանատարների գնդակահարության սպառնալիքի տակ փորձում են կասեցնել ստորաբաժանումների նահանջը, 4 սպա է սպանվել։
Փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ որոշում է կայացրել Ուկրաինայի նկատմամբ հատուկ ռազմական գործողության մասին, քանի որ ԼԺՀ-ի և ԴԺՀ-ն դիմել են օգնության խնդրանքով։ Ռուսաստանցիներին ուղղված հեռուստաուղերձում նա ասաց, որ հանգամանքները պահանջում են վճռական և անհապաղ գործողություններ։
Ավելի ուշ ՌԴ ՊՆ-ն ընդգծեց, որ Ռուսաստանի զինված ուժերը ոչ մի հրթիռային, ավիացիոն կամ հրետանային հարված չեն հասցնում Ուկրաինայի քաղաքներին. խոցման բարձր ճշգրտության միջոցներով շարքից դուրս են բերվում ռազմական ենթակառուցվածքները, ՀՕՊ օբյեկտները, ռազմական օդանավակայանները և ավիացիան:
Պուտինը հանձնարարել է զսպման ուժերը բերել մարտական հերթապահության հատուկ ռեժիմի
Լրահոս
0