ՌԴ-ն փակել է իր օդային տարածքը 36 երկրի ավիաընկերությունների համար
18:07 28.02.2022 (Թարմացված է: 18:10 28.02.2022)
Բաժանորդագրվել
Հատուկ դեպքերում Ռոսավիացիան կամ ԱԳՆ-ն կարող են նշված պետություններին թռիչքների հատուկ թույլտվություն տրամադրել։
ԵՐԵՎԱՆ, 28 փետրվարի – Sputnik. Ռուսաստանն արգելել է իր օդային տարածքն օգտագործել այն երկրների ավիաընկերություններին, որոնք փակել են երկինքը պատժամիջոցների նոր փաթեթի պատճառով։ Տեղեկությունը հայտնում է ՌԻԱ Նովոստին՝ վկայակոչելով Ռոսավիացիան:
«Միջազգային իրավունքի նորմերին համապատասխան՝ որպես պատասխան միջոց, որ ռուսական ավիափոխադրողների կողմից շահագործվող և/կամ ՌԴ—ում գրանցված քաղաքացիական օդանավերի թռիչքների նկատմամբ եվրոպական պետություններն արգելք են սահմանել, 36 պետության ավիափոխադրողների համար փակվել է ՌԴ օդային տարածքը»,- ասված է գերատեսչության մամուլի հաղորդագրությունում:
Սահմանափակումները վերաբերելու են Ավստրիայի, Ալբանիայի, Անգլիայի, Բելգիայի, Բուլղարիայի, Բրիտանական Վիրջինյան կղզիների, Մեծ Բրիտանիայի, Հունգարիայի, Գերմանիայի, Ջիբրալթարի, Հունաստանի, Դանիայի (+Գրենլանդիա, Ֆարերյան կղզիներ, Տարածքային ծով), Իռլանդիայի, Իսլանդիայի, Իսպանիայի, Իտալիայի, Կանադայի, Կիպրոսի, Լատվիայի, Լիտվայի, Լյուքսեմբուրգի, Մալթայի, Նիդեռլանդների, Նորվեգիայի, Լեհաստանի, Պորտուգալիայի, Ռումինիան, Սլովակիան, Սլովենիան, Ֆինլանդիան, Ֆրանսիայի, Խորվաթիայի, Չեխիայի, Շվեդիայի, Էստոնիայի ավիաընկերությունների թռիչքներին:
Հատուկ դեպքերում Ռոսավիացիան կամ ԱԳՆ-ն կարող են նշված պետություններին թռիչքների հատուկ թույլտվություն տրամադրել։
Ավելի վաղ Եվրամիության երկրների արտգործնախարարները Ուկրաինայում ռազմական հատուկ գործողության պատճառով հաստատել էին Մոսկվայի դեմ պատժամիջոցների հերթական փաթեթը՝ ռուսական ինքնաթիռներին արգելելով ԵՄ օդային տարածք մտնել:
