Բելառուսի ԱԳՆ-ից հայտնել են Մոսկվայի և Կիևի միջև բանակցությունների հաջորդ փուլի օրը

© Sputnik / Александр Кряжев / Անցնել ֆոտոբանկԲելառուսի արտգործնախարար Վլադիմիր Մակեյ
Բելառուսի արտգործնախարար Վլադիմիր Մակեյ - Sputnik Արմենիա, 1920, 28.02.2022
Բաժանորդագրվեք
Yandex newsTelegram
Գոմելի շրջանում ռուս-ուկրաինական բանակցություններից հետո լրագրողների հետ խոսել է Բելառուսի արտգործնախարար Վլադիմիր Մակեյը։
ԵՐԵՎԱՆ, 28 փետրվարի – Sputnik. Կիևի և Մոսկվայի միջև բանակցությունների հաջորդ փուլը կանցկացվի Բելառուսում երկու օր հետո։ Նման հայտարրարություն է արել Բելառուսի ԱԳՆ ղեկավար Վլադիմիր Մակեյը։

«Այն փաստը, մի քանի օրից բելառուսա-լեհական սահմանին հանդիպում կկայանա (հուսով եմ), ինքնին խոսուն է»,- Գոմելի շրջանում ռուս-ուկրաինական բանակցություններից հետո լրագրողներին ասել է Մակեյը։

Նշենք, որ Բելառուսի Գոմելի մարզում այսօր կայացավ ռուս-ուկրաինական բանակցությունների առաջին փուլը։
Բանակցություններում Մոսկվան ներկայացնում էին նախագահի օգնական Վլադիմիր Մեդինսկին, փոխարտգործնախարար Անդրեյ Ռուդենկոն, պաշտպանության փոխնախարար Ալեքսանդր Ֆոմինը, պետդումայի միջազգային հարաբերությունների հանձնաժողովի նախագահ Լեոնիդ Սլուցկին ու Բելառուսում Ռուսաստանի դեսպան Բորիս Գրիզլովը։
Կիևը ներկայացնում էին պաշտպանության նախարար Ալեքսեյ Ռեզնիկովը, խորհրդարանի «Ժողովրդի ծառա» խմբակցության Դավիթ Արախամիան, փոխարտգործնախարար Նիկոլայ Տոչիցկին, նախագահի գրասենյակի ղեկավարի խորհրդական Միխայիլ Պոդոլյակը, Գերագույն ռադայի պատգամավոր Ռուստեմ Ումերովը, Եռակողմ կոնտակտային խմբում Ուկրաինայի պատվիրակության ղեկավարի տեղակալ Անդրեյ Կոստինը։
Բանակցությունների անհրաժեշտության մասին Բելառուսի նախագահ Ալեքսանդր Լուկաշենկոն հայտնել էր դեռ փետրվարի 24-ին՝ միաժամանակ առաջարկելով դրանք անցկացնել Մինսկում։ Նույն օրվա երեկոյան Ուկրաինայի նախագահ Վլադիմիր Զելենսկին համաձայնություն հայտնեց բանակցել չեզոք կարգավիճակի վերաբերյալ, սակայն ավելի ուշ հրաժարվեց հանդիպումը Բելառուսում անցկացնելուց։
Դրան հաջորդեց Լուկաշենկոյի հեռախոսազրույցը Զելենսկու հետ, որից հետո Ուկրաինան այնուամենայնիվ համաձայնեց բանակցությունների համար ժամանել Գոմելի մարզ։
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։ Ռուսաստանցիներին ուղղված հեռուստաուղերձում նա ասաց, որ հանգամանքները վճռական և անհապաղ գործողություններ են պահանջում։
Լրահոս
0