ԱԺ մեծամասնությունը միաձայն մերժեց ընդդիմության` թոշակներն ամեն տարի վերանայելու առաջարկը

© Sputnik / Andranik GhazaryanՏարեց տղամարդ
Տարեց տղամարդ - Sputnik Արմենիա, 1920, 01.03.2022
Տարեց տղամարդ
Բաժանորդագրվեք
Yandex newsTelegram
Մինչ քվեարկությունը ԱԺ աշխատանքի և սոցիալական հարցերի հանձնաժողովի նախագահ Հերիքնազ Տիգրանյանն իր ելույթում գործընկերներին կոչ արեց դեմ քվեարկել նախագծին։
ԵՐԵՎԱՆ, 1 մարտի – Sputnik. ԱԺ–ի այսօրվա նիստում «Քաղաքացիական պայմանագիր» խմբակցությունը 62 դեմ ձայնով մերժեց ընդդիմադիր «Հայաստան» խմբակցության պատգամավոր Աղվան Վարդանյանի հեղինակած ` թոշակների ամենամյա ինդեքսավորման մասին նախագիծը ԱԺ օրակարգում ներառելու առաջարկը։
Մինչ քվեարկությունը հեղինակը, ներկայացնելով նախագիծը, հույս հայտնեց, որ թեև սոցիալական հարցերի մշտական հանձնաժողովը բացասական եզրակացություն է տվել օրենսդրական փոփոխությունների նախագծին, բայց մեծամասնությունը ներկայացնող պատգամավորները թույլ կտան, որ նախագիծն ընդգրկվի ԱԺ նիստի օրակարգում ու քննարկվի։
Հանձնաժողովի նախագահ Հերիքնազ Տիգրանյանն էլ հակառակը` իր ելույթում գործընկերներին կոչ արեց դեմ քվեարկել նախագծին, ինչը և տեղի ունեցավ։
Հիշեցնենք` հիշյալ նախագծով ԱԺ ընդդիմադիր «Հայաստան» խմբակցությունն իշխանությանն առաջարկում էր տարեկան առնվազն մեկ անգամ (ամեն տարվա փետրվարին) թոշակներն ու նպաստները գնաճին համապատասխան ինդեքսավորել թանկացումների բացասական հետևանքներից բնակչության խոցելի հատվածին զերծ պահելու համար։
Դատավորների, դատախազների ու քննիչների թոշակները կբարձրանան. Փաշինյան
Լրահոս
0