Կառավարությունը սուբսիդավորում է գյուղատնտեսական պարարտանյութերի գները

© Pixabay / schauhiՏրակտորը պարարտանյութը տարածում է դաշտում
Տրակտորը պարարտանյութը տարածում է դաշտում - Sputnik Արմենիա, 1920, 03.03.2022
Բաժանորդագրվեք
НовостиTelegram
Քերոբյանը հայտնեց, որ Հայաստանում նախատեսվում է բնական պարարտանյութերի` կենսահումուսի գործարան բացել։
ԵՐԵՎԱՆ, 3 մարտի – Sputnik. Գյուղատնտեսական պարարտանյութերի գները 2022թ–ի հունվար–փետրվար ամիսներին աճել են 2-3 անգամ։ Այս մասին այսօր ՀՀ կառավարության նիստում հայտարարեց ՀՀ Էկոնոմիկայի նախարար Վահան Քերոբյանը` ներկայացնելով հողօգտագործողներին մատչելի գներով ազոտական, ֆոսֆորական և կալիումական պարարտանյութեր տրամադրելու նախագիծը։
Կառավարության աջակցությունը, նախարարի խոսքով, նախաեսվում է միայն փոքր` մինչև 3 հա հողատարածք մշակող տնտեսությունների համար։
Կառավարությունը կսուբսիդավորի պարարտանյութի գնի 50 տոկոսը, բայց ոչ ավելի քան 9000 դրամի չափով։
«3 հա–ի սահմանափակումը դրել ենք այն պատճառով, որ ավելի խոշոր հողօգտագործողներն իրենց արտադրողականության հաշվին արդեն նվազեցնում են պարարտանյութի գնի ազդեցությունը, և, հետևաբար, աջակցության կարիք ունեն միայն փոքր ֆերմերային տնտեսությունները»,– ասաց Քերոբյանը։
Այդուհանդերձ, նախարարը հիշեցրեց, որ ազոտական պարարտանյութերն աշխարհում ավելի ու ավելի քիչ են սկսում օգտագործել։ Համաշխարհային գյուղատնտեսությունը նախընտրում է բնական պաարտանյութերը, քանի որ դրանք, ի տարբերություն քիմիականի, չեն վնասում հողը։
«Կարտոֆիլի թանկացումը հենց էնպես չի». ի՞նչ իրավիճակ է մեծածախ շուկայում
Քերոբյանը հայտնեց, որ Հայաստանում նախատեսվում է բնական պարարտանյութերի` կենսահումուսի գործարան բացել, ինչը, ըստ նրա, ՀՀ–ն կդարձնի պարարտանյութերի ինքնաբավ երկիր։
Լրահոս
0