https://arm.sputniknews.ru/20220303/voch-miajn-estetika-ajlev-tuny-drakht-dardznelu-gvortsyntac-majql-arami-jurorinak-arvesty-39314625.html
Ոչ միայն էսթետիկա, այլև տունը դրախտ դարձնելու գործընթաց. Մայքլ Արամի յուրօրինակ արվեստը
Ոչ միայն էսթետիկա, այլև տունը դրախտ դարձնելու գործընթաց. Մայքլ Արամի յուրօրինակ արվեստը
Sputnik Արմենիա
Հայաստանում ամերիկացի դիզայները հայտնի է նախ և առաջ որպես փոքրիկ Նոյյան տապանի հեղինակ, որը նվիրել են Հռոմի պապ Ֆրանցիսկոսին 2016 թվականին Հայաստան կատարած... 03.03.2022, Sputnik Արմենիա
2022-03-03T08:58+0400
2022-03-03T08:58+0400
2022-03-03T08:58+0400
նկարիչ
հայ
ամսագիր
հռոմի սրբազան քահանայապետ ֆրանցիսկոս պապ
մայքլ արամ
https://cdn.am.sputniknews.ru/img/07e6/03/02/39309018_0:726:1600:1626_1920x0_80_0_0_8f01cbf9c7701bca156ddd5adcd38875.jpg
ԵՐԵՎԱՆ, 3 մարտի - Sputnik. Մայքլ Արամն աշխարհի ամենավառ նկարիչ-դիզայներներից է, որն աշխատում է հիմնականում մետաղով։ Հայ փախստականների ժառանգի եզակի արվեստի մասին գրել է Ֆլորիդայի հեղինակավոր The Boca Raton Observer ամսագիրը։«Ինտերիերի զարդարումը հատուկ նշանակություն ունեցող դեկորի պարագաներով ոչ միայն էսթետիկա է, այլև սեփական տունը դրախտ դարձնելու գործընթաց։ Այս արվեստին քչերն են նկարիչ Մայքլ Արամից լավ տիրապետում»,- գրում է հոդվածի հեղինակ Լինդա Չիլդերսը։59-ամյա դիզայներն իր ընտանիքի հետ երկու տարի առաջ Նյու Յորքից տեղափոխվել է Ֆլորիդայի հարավ, որտեղ մշտապես ոգեշնչման նոր աղբյուրներ է գտնում:Մայքլ Արամ Վոլոհոջյանը ծնվել և մեծացել է Ռոդ Այլենդում` հայերի ընտանիքում։ Նրա դիզայներական աշխատանքները ներծծված են նրա ընտանիքի մշակույթով ու սովորույթներով:«Հիշում եմ, թե ինչպես ես` փոքրիկ տղաս, հիացա հայկական գորգերի գույներով, նախշերով ու խորհրդանիշներով։ Դեռ մանուկ հասակում ինձ դուր էր գալիս սեփական ձեռքերով ինչ-որ բան պատրաստելը»,-պատմում է դիզայները։Արամը հաճելի հիշողություններ ունի գեղեցիկ սեղանի շուրջ ընտանեկան ընթրիքների մասին։ Այսօր նրա մետաղական աքսեսուարներից շատերը զարդարված են հայկական մշակույթում գտնված խորհրդանիշներով, այդ թվում՝ նռով, խաղողի վազով, կենաց ծառով։Նյու Յորքում կերպարվեստի ուսուցումից հետո Մայքլ Արամը 25 տարեկանում ճակատագրական ուղևորություն կատարեց Հնդկաստան։ Դելիի փողոցներում նա տեսել է վարպետներին, որոնք պատրաստել են կենցաղային իրեր, և ապշել մետաղից դեկորատիվ իրեր ստեղծելու` հնդկական հնագույն ավանդույթներից:Մայքլը ծանոթացավ արհեստավոր վարպետների հետ և նրանց մեջ իրական նկարիչների տեսնելով` հրավիրեց իրենց սեփական դիզայնի աշխատանքները պատրաստել։ Սկզբում մի քանի իր հայտնվեց, ապա խոշոր միջազգային պատվերներ եղան, ի վերջո, ծնվեց Michael Aram ապրանքանիշը.Այսօր Դելիի նրա սեփական ստուդիայում մոտ 200 տեղացի արհեստավոր են աշխատում, ևս հարյուր վարպետներ աշխատում են Նահանգներում։ Michael Aram-ի հավաքածուներն առանձնանում են ոճի յուրահատկությամբ, բնական մոտիվների օգտագործմամբ ու ամբողջությամբ ձեռքի աշխատանք լինելով:2015 թվականին Արամին հանձնարարվեց Հայոց ցեղասպանության 100-րդ տարելիցին նվիրված հուշարձան ստեղծել։ Նրա «Միգրացիա» քանդակը պատկերում է Հայաստանի քարտեզի վրա ծածանվող ճեղքից թռչող բրոնզե թռչունների երամները։ Այս թռչունները խորհրդանշում են հայերին, որոնք ստիպված են լքել իրենց հայրենիքը և փախչել այլ երկրներ։16 ֆուտ բարձրությամբ քանդակը գտնվում է Նյու Յորքի երկրորդ պողոտայի հայկական եկեղեցու մոտ։ Արամի համար, որի տատն ու պապը փրկվել են 1915 թվականի Ցեղասպանությունից, քանդակն առանձնահատուկ նշանակություն ունի։Իսկ 2016 թվականին դիզայները նախագծել է Նոյյան տապանի մանրակերտը Ֆրանցիսկոս Պապի համար, նա Հայաստան կատարած այցի ժամանակ նվիրել է քանդակը պապին։ Այժմ այդ աշխատանքը պատվավոր տեղ է զբաղեցնում Վատիկանում։Այս աշնանը Մետրոպոլիտենի թանգարանում, որտեղ Արամը մի ժամանակ աշխատում էր, կներկայացվեն նրա հինգ-վեց ստեղծագործությունները։
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
նկարիչ, հայ, ամսագիր, հռոմի սրբազան քահանայապետ ֆրանցիսկոս պապ, մայքլ արամ
նկարիչ, հայ, ամսագիր, հռոմի սրբազան քահանայապետ ֆրանցիսկոս պապ, մայքլ արամ
Ոչ միայն էսթետիկա, այլև տունը դրախտ դարձնելու գործընթաց. Մայքլ Արամի յուրօրինակ արվեստը
Հայաստանում ամերիկացի դիզայները հայտնի է նախ և առաջ որպես փոքրիկ Նոյյան տապանի հեղինակ, որը նվիրել են Հռոմի պապ Ֆրանցիսկոսին 2016 թվականին Հայաստան կատարած այցի ժամանակ:
ԵՐԵՎԱՆ, 3 մարտի - Sputnik. Մայքլ Արամն աշխարհի ամենավառ նկարիչ-դիզայներներից է, որն աշխատում է հիմնականում մետաղով։ Հայ փախստականների ժառանգի եզակի արվեստի մասին գրել է Ֆլորիդայի հեղինակավոր
The Boca Raton Observer ամսագիրը։
«Ինտերիերի զարդարումը հատուկ նշանակություն ունեցող դեկորի պարագաներով ոչ միայն էսթետիկա է, այլև սեփական տունը դրախտ դարձնելու գործընթաց։ Այս արվեստին քչերն են նկարիչ Մայքլ Արամից լավ տիրապետում»,- գրում է հոդվածի հեղինակ Լինդա Չիլդերսը։
59-ամյա դիզայներն իր ընտանիքի հետ երկու տարի առաջ Նյու Յորքից տեղափոխվել է Ֆլորիդայի հարավ, որտեղ մշտապես ոգեշնչման նոր աղբյուրներ է գտնում:
«Ինձ դուր է գալիս Ֆլորիդայի գեղեցկությունը, այստեղի թեթևության զգացողությունը։ Ես արդեն պատկերացնում եմ ապագա նախագծերը, որոնք ոգեշնչված են արմավենու ծառերով և ծովային խաղողի տերևներով»,-խոստովանում է նկարիչը։
Մայքլ Արամ Վոլոհոջյանը ծնվել և մեծացել է Ռոդ Այլենդում` հայերի ընտանիքում։ Նրա դիզայներական աշխատանքները ներծծված են նրա ընտանիքի մշակույթով ու սովորույթներով:
«Հիշում եմ, թե ինչպես ես` փոքրիկ տղաս, հիացա հայկական գորգերի գույներով, նախշերով ու խորհրդանիշներով։ Դեռ մանուկ հասակում ինձ դուր էր գալիս սեփական ձեռքերով ինչ-որ բան պատրաստելը»,-պատմում է դիզայները։
Արամը հաճելի հիշողություններ ունի գեղեցիկ սեղանի շուրջ ընտանեկան ընթրիքների մասին։ Այսօր նրա մետաղական աքսեսուարներից շատերը զարդարված են հայկական մշակույթում գտնված խորհրդանիշներով, այդ թվում՝ նռով, խաղողի վազով, կենաց ծառով։
Նյու Յորքում կերպարվեստի ուսուցումից հետո Մայքլ Արամը 25 տարեկանում ճակատագրական ուղևորություն կատարեց Հնդկաստան։ Դելիի փողոցներում նա տեսել է վարպետներին, որոնք պատրաստել են կենցաղային իրեր, և ապշել մետաղից դեկորատիվ իրեր ստեղծելու` հնդկական հնագույն ավանդույթներից:
Մայքլը ծանոթացավ արհեստավոր վարպետների հետ և նրանց մեջ իրական նկարիչների տեսնելով` հրավիրեց իրենց սեփական դիզայնի աշխատանքները պատրաստել։ Սկզբում մի քանի իր հայտնվեց, ապա խոշոր միջազգային պատվերներ եղան, ի վերջո, ծնվեց
Michael Aram ապրանքանիշը.
Այսօր Դելիի նրա սեփական ստուդիայում մոտ 200 տեղացի արհեստավոր են աշխատում, ևս հարյուր վարպետներ աշխատում են Նահանգներում։ Michael Aram-ի հավաքածուներն առանձնանում են ոճի յուրահատկությամբ, բնական մոտիվների օգտագործմամբ ու ամբողջությամբ ձեռքի աշխատանք լինելով:
2015 թվականին Արամին հանձնարարվեց Հայոց ցեղասպանության 100-րդ տարելիցին նվիրված հուշարձան ստեղծել։ Նրա «Միգրացիա» քանդակը պատկերում է Հայաստանի քարտեզի վրա ծածանվող ճեղքից թռչող բրոնզե թռչունների երամները։ Այս թռչունները խորհրդանշում են հայերին, որոնք ստիպված են լքել իրենց հայրենիքը և փախչել այլ երկրներ։
16 ֆուտ բարձրությամբ քանդակը գտնվում է Նյու Յորքի երկրորդ պողոտայի հայկական եկեղեցու մոտ։ Արամի համար, որի տատն ու պապը փրկվել են 1915 թվականի Ցեղասպանությունից, քանդակն առանձնահատուկ նշանակություն ունի։
Իսկ 2016 թվականին դիզայները նախագծել է Նոյյան տապանի մանրակերտը Ֆրանցիսկոս Պապի համար, նա Հայաստան կատարած այցի ժամանակ նվիրել է քանդակը պապին։ Այժմ այդ աշխատանքը պատվավոր տեղ է զբաղեցնում Վատիկանում։
Այս աշնանը Մետրոպոլիտենի թանգարանում, որտեղ Արամը մի ժամանակ աշխատում էր, կներկայացվեն նրա հինգ-վեց ստեղծագործությունները։
