Արայիկ Հարությունյանը որոշել է այլևս չառաջադրվել նախագահի պաշտոնում. «Հրապարակ»

© Photo : Edgar Kamalyan / official site of the Parliament of ArtsakhԱրցախի նախագահ Արայիկ Հարությունյանը ԱՀ Ազգային ժողովի հերթական նիստին (23 դեկտեմբերի, 2021թ)․ Ստեփանակերտ
Արցախի նախագահ Արայիկ Հարությունյանը ԱՀ Ազգային ժողովի հերթական նիստին (23 դեկտեմբերի, 2021թ)․ Ստեփանակերտ  - Sputnik Արմենիա, 1920, 04.03.2022
Արցախի նախագահ Արայիկ Հարությունյանը ԱՀ Ազգային ժողովի հերթական նիստին (23 դեկտեմբերի, 2021թ)․ Ստեփանակերտ . Արխիվային լուսանկար
Բաժանորդագրվեք
Yandex newsTelegram
Արցախում ներկայում սահմանադրական բարեփոխումների ուղղությամբ աշխատանքներ են տարվում, նախատեսվում է պետության ղեկի փոխանցման մեխանիզմներ ներդնել։
ԵՐԵՎԱՆ, 4 մարտի – Sputnik. Արցախի նախագահ Արայիկ Հարությունյանը որոշում է կայացրել հաջորդ ընտրություններում չառաջադրվել նախագահի պաշտոնում։ Տեղեկությունը հայտնում է «Հրապարակ» օրաթերթը։
Այս մասին նա հայտարարել է դեռ հունվար ամսին` իր կուսակցության հավաքի ժամանակ։
Թերթը գրում է, որ այժմ Արցախում սահմանադրական բարեփոխումների ուղղությամբ աշխատանքներ են տարվում, իսկ Սահմանադրության մեջ ուզում են մեխանիզմներ դնել, որ նախագահի չլինելու պարագայում երկիրն «անգլուխ» չմնա` մտավախություններ ունեն, որ մի օր կարող են պետության ղեկավարի «գլուխն ուտել»։ Նշվում է, որ Արցախում նախատեսում են պետության ղեկի փոխանցման մեխանիզմներ ներդնել Սահմանադրության մեջ:
«Նախագահ ընտրելուց առաջ, սկզբում կկայանան խորհրդարանի ընտրությունները` 2023-ի սկզբին, և կուրվագծվի, թե որ քաղաքական ուժն է երկրի բնակչության վստահությունը վայելում, ապա դրանից հետո՝ նոր նախագահի ընտրություններ: Խորհրդարանում մեծամասնություն գրաված քաղաքական ուժերն էլ նախագահ կառաջադրեն, բնականաբար, Ռուսաստանի հետ համաձայնեցված»,– գրում է «Հրապարակը»:
Հայտնում են` այս պահի դրությամբ Արցախում ծանրակշիռ են համարվում Դաշնակցությունը, նախկին նախագահների հետ կապ ունեցող անձինք և ուժերը, Արայիկ Հարությունյանի «Ազատ հայրենիքը», բայց մինչև ընտրությունները դեռ բավականին ժամանակ կա նոր դասավորումների համար։
ՌԴ–Արևմուտք դիմակայությունից ՀՀ–ի ու Արցախի գլխին նոր վտանգներ են կախվում. ընդդիմություն
Լրահոս
0