Պատմական այց. Բորդովը պատմել է ռուս ուղղափառ եկեղեցու եպիսկոպոսի արցախյան այցի մասին
13:57 08.03.2022 (Թարմացված է: 14:09 08.03.2022)
© Photo : "Русская книга"
Բաժանորդագրվել
Արցախում ռուսական համայնքի ղեկավար Ալեքսանդր Բորդովը նշել է, որ ուղղափառ եպիսկոպոսի հետ հանդիպումը հավատացյալներին խաղաղության պահպանման հույս է ներշնչել։
ԵՐԵՎԱՆ, 8 մարտի — Sputnik. Մոսկվայի և Համայն Ռուսիո պատրիարքի փոխանորդ, զինված ուժերի և իրավապահ մարմինների հետ փոխգործակցության Սինոդալ բաժնի նախագահ, Բրոնիցկի եպիսկոպոս Սավատիի այցն Արցախ այս տարվա փետրվարին կարելի է իրավամբ պատմական համարել: Նման կարծիք է հայտնել Արցախի ռուսական համայնքի ղեկավար Ալեքսանդր Բորդովը։
Բորդովն ընդգծել է, որ սա ռուս ուղղափառ եկեղեցու հոգևորականի առաջին այցն է Արցախ։
Նրա խոսքով՝ Բրոննիցկի եպիսկոպոս Սավատիյը, որը ժամանել էր փետրվարի 23-ին՝ Հայրենիքի պաշտպանի օրը, օրհնել է ռուս խաղաղապահ զորակազմի զինծառայողներին ու Արցախի ռուսական համայնքի ներկայացուցիչներին:
Մոսկվայի և Համայն Ռուսիո պատրիարքի փոխանորդ, զինված ուժերի և իրավապահ մարմինների հետ փոխգործակցության Սինոդալ բաժնի նախագահ, Բրոնիցկի եպիսկոպոս Սավատիի այցն Արցախ
© Photo : "Русская книга"
Ռուսական ուղղափառ Սուրբ Ծննդյան եկեղեցում, որը գտնվում է Արցախում ՌԴ խաղաղապահ ուժերի տեղակայման տարածքում, Սուրբ պատարագ է մատուցվել: Տաճարը լիքն էր։ Աղոթելու էին եկել ինչպես հավատացյալ զինծառայողները, այնպես էլ տեղի ուղղափառները՝ ռուսական համայնքի ներկայացուցիչները։
«Բրոննիցկի եպիսկոպոս Սավատիի այցը մեզ համար մեծ և լուսավոր իրադարձություն է. ոչ միայն ուղղափառների, այլև անցած պատերազմից, կորուստներից տանջված բոլոր ղարաբաղցիների համար։ Մենք սրբորեն հավատում ենք, որ Տիրոջ օրհնությունը խաղաղություն և հանգստություն կբերի մեզ, կհամախմբի և կառաջնորդի դեպի ճշմարիտը»,-ասել է Բորդովը:
Բորդովը հիշեցրել է, որ Սուրբ Ծննդյան ռուսական ուղղափառ եկեղեցին 100-ից ավելի տարի անց առաջին անգամ վերջերս է հայտնվել ղարաբաղյան հողում։ Եվ հիմա այնտեղ այցելում են ոչ միայն ՌԴ խաղաղապահ ուժերի զինծառայողները, այլև Արցախի ռուսական համայնքի ներկայացուցիչները։
Մոսկվայի և Համայն Ռուսիո պատրիարքի փոխանորդ, զինված ուժերի և իրավապահ մարմինների հետ փոխգործակցության Սինոդալ բաժնի նախագահ, Բրոնիցկի եպիսկոպոս Սավատիի այցն Արցախ
© Photo : "Русская книга"
Ամեն կիրակի տաճարում Սուրբ պատարագ է անցկացվում, դրանից հետո հավատացյալները մնում են եկեղեցում կիրակնօրյա եկեղեցական դպրոցի դասերին մասնակցելու։
«Կարելի է ասել, որ այս տաճարի հայտնվելը տարածաշրջանում ուղղափառության վերածննդի մեկնակետն է։ Եվ, իհարկե, Բրոննիցկի եպիսկոպոսի այցը մեզ համար մեծ տոն էր. չնայած սահմանափակումներին, համավարակին, մարդիկ հավաքվել էին (մոտ 100 մարդ՝ ռուսական համայնքի ներկայացուցիչներ) նրա օրհնությունը ստանալու համար», – ասել է Արցախի ռուսական համայնքի ղեկավարը։
Նա ավելացրել է, որ եպիսկոպոսի այցն Արցախ հույս է ներշնչել հավատացյալներին, որ այդ հողի վրա կպահպանվի խաղաղությունը, որն իրենց հետ բերել են ՌԴ խաղաղապահ ուժերը:
