Ադրբեջանը գնդակոծել է Նախիջևանիկը. վնասվել է կայանված տրակտորը

Վնասված տրակտոր, արխիվային լուսանկար - Sputnik Արմենիա, 1920, 10.03.2022
Վնասված տրակտոր, արխիվային լուսանկար
Բաժանորդագրվեք
НовостиTelegram
Միջոցներ են ձեռնարկվում գյուղատնտեսական տեխնիկան դեպքի վայրի վտանգավոր հատվածից հեռացնելու ուղղությամբ։
ԵՐԵՎԱՆ, 10 մարտի – Sputnik. Ադրբեջանական ԶՈւ–ն գնդակոծել է Նախիջևանիկ համայնքի վարչական տարածքում կայանված գյուղատնտեսական տեխնիկան։ Տեղեկությունը հայտնում է Արցախի դատախազությունը։
«2022թ․ մարտի 9-ի երեկոյան ժամերից մինչև 10-ի առավոտն ընկած ժամանակահատվածում Ադրբեջանի զինված ուժերի կողմից գնդակոծվել ու հետևանքով վնասվել է Արցախի Հանրապետության Ասկերանի շրջանի Նախիջևանիկ համայնքի վարչական տարածքում գտնվող այգում գյուղատնտեսական աշխատանքներ կատարելուց հետո հողօգտագործողի կողմից դաշտում կայանված տրակտորը»,– նշված է հաղորդագրության մեջ։
Այս պահին միջոցներ են ձեռնարկվում գյուղատնտեսական տեխնիկան դեպքի վայրի վտանգավոր հատվածից հեռացնելու ուղղությամբ։
Ադրբեջանական կրակոցները կասեցնում են գյուղատնտեսական աշխատանքները. Արցախի դատախազություն
Հիշեցնենք` վերջին օրերին Ադրբեջանի զինված ուժերը տարբեր տրամաչափի զինատեսակներից, այդ թվում ականանետների կիրառմամբ ակտիվ կրակ են վարում Ասկերանի շրջանի Խրամորթ և Նախիջևանիկ, Մարտունու շրջանի Խնուշինակ և Կարմիր շուկա համայնքների վարչական տարածքների, ճանապարհների ուղղությամբ։
Որևէ խաղաղապահ դուրս չի բերվում Արցախից. ԱԽ–ն հերքում է ադրբեջանական կողմի լուրերը
Լրահոս
0