Արցախ մտնող գազատարի վերանորոգման համար բանակցությունները շարունակվում են

© Sputnik / Алексей Витвицкий / Անցնել ֆոտոբանկԳազատար
Գազատար - Sputnik Արմենիա, 1920, 10.03.2022
Գազատար. Արխիվային լուսանկար
Բաժանորդագրվեք
Yandex newsTelegram
Ադրբեջանցիների հետ բանակցություններին ներգրավված են Արցախում տեղակայված ՌԴ խաղաղապահ ուժերի ներկայացուցիչները և անվտանգության խորհրդի գրասենյակի աշխատակիցները։
ԵՐԵՎԱՆ, 10 մարտի – Sputnik. ՀՀ–ից Արցախ մտնող գազատարի վերանորոգման համար բանակցություններն ադրբեջանցիների հետ շարունակվում են։ Նման տեղեկություն է տարածել Արցախի անվտանգության խորհուրդը։
Արդեն հայտնել ենք, որ Հայաստանի Հանրապետությունից Արցախ եկող գազատարի վնասման հետևանքով Արցախի ամբողջ տարածքը զրկված է գազամատակարարումից։ Գազատարի վնասված հատվածը գտնվում է ադրբեջանական զինված ուժերի վերահսկողության տակ։
««Արցախգազ» ՓԲԸ-ի մասնագետների կողմից վերանորոգման աշխատանքներ իրականացնելու համար ադրբեջանական կողմի հետ տարվում են բանակցություններ, որոնց ներգրավված են Արցախում տեղակայված ՌԴ խաղաղապահ ուժերի ներկայացուցիչներ և անվտանգության խորհրդի գրասենյակի աշխատակիցներ»,–ասվում է հաղորդագրության մեջ։
Բանակցություններն ընթացքի մասին ԱԽ–ն լրացուցիչ տեղեկություններ է խոստանում տրամադրել։
Չի բացառվում, որ ՀՀ–ից Արցախ մուտք գործող գազատարն Ադրբեջանն է պայթեցրել. Աբրահամյան
Լրահոս
0