Չղջիկները` որպես կենսաբանական զենքի գործակալներ. ՌԴ ՊՆ–ն նոր տվյալներ է հրապարակել

© Sputnik / Владимир БарановՌԴ Պաշտպանության նախարարության շենքը Մոսկվայում
ՌԴ Պաշտպանության նախարարության շենքը Մոսկվայում - Sputnik Արմենիա, 1920, 10.03.2022
Բաժանորդագրվեք
НовостиTelegram
ԱՄՆ–ն զբաղվում էր Ուկրաինայում առանձին էթնիկ խմբերի դեմ կենսաբանական զենքի մշակմամբ։
ԵՐԵՎԱՆ, 10 մարտի – Sputnik. Ռուսաստանի պաշտպանության նախարարությունը նոր տվյալներ է հրապարակել ամերիկյան կենսաբանական լաբորատորիաների վերաբերյալ։
Տեղեկություններ են ստացվել Կիևի, Խարկովի և Օդեսայի լաբորատորիաներում ԱՄՆ-ի նախագծի մասին՝ չվող թռչունների կողմից վտանգավոր վարակների տարածումը ուսումնասիրելու մասին։ Այս մասին հայտնել է ՌԴ ԶՈւ ռադիացիոն, քիմիական և կենսաբանական պաշտպանության զորքերի պետ Իգոր Կիրիլովը։
Նրա խոսքով` հայտնաբերվել է չվող թռչունների առնվազն 2 տեսակ, որոնց երթուղիներն անցնում են հիմնականում Ռուսաստանի տարածքով։ Ամփոփվել է Արևելյան Եվրոպայի երկրներով միգրացիոն ուղիների մասին տեղեկատվությունը։
Ինչպես հետևում է Ռուսաստանի պաշտպանության նախարարության հրապարակած փաստաթղթից, օղակավորված թռչուններին, որոնք բաց են թողնվել Խերսոնի «Ասկանիա-Նովա» կենսոլորտային արգելոցի ռազմա-կենսաբանական ծրագրի շահերից ելնելով, որսացել են 2021 թվականի ապրիլին Ռուսաստանի Իվանովոյի և Վորոնեժի մարզերում:
P-781 USA նախագիծը, որը մշակվել է Ուկրաինայի լաբորատորիաներում, ուսումնասիրել է չղջիկներին որպես կենսաբանական զենքի «գործակալներ»։
Ուկրաինայի բիոլաբորատորիաներում մահացու հարուցիչների տարածման փորձեր են իրականացվել. ՌԴ ՊՆ
ԱՄՆ-ի և նրա դաշնակիցների խնդիրներից է կենսագործիչների ստեղծումը, որոնք կարող են ընտրողաբար ազդել բնակչության տարբեր էթնիկ խմբերի վրա։
Կիրիլովը նաև նշել է, որ ԱՄՆ-ի պետքարտուղարի տեղակալ Վիկտորյա Նուլանդի` Ուկրաինայում կենսաանվտանգության ուսումնասիրության համար կենսաբանական առարկաների մասին հայտարարությունը Ռուսաստանի ՊՆ–ն մեկնաբանում է որպես Ուկրաինայում ռազմակենսաբանական ծրագրերին Պենտագոնի մասնակցության անուղղակի հաստատում:
«Ըստ էության, Նուլանդն իր արտահայտությամբ անուղղակիորեն հաստատել է Պենտագոնի կողմից Ուկրաինայում ռազմակենսաբանական ծրագրի իրականացումը՝ շրջանցելով գործող միջազգային պայմանավորվածությունները»,- ասել է Կիրիլովը:
Նա հիշեցրել է, որ Նուլանդը մտահոգություն է հայտնել այդ կենսալաբորատորիաների և այնտեղ գտնվող նյութերի՝ ռուսական ԶՈւ հսկողության տակ անցնելու հնարավորության կապակցությամբ:
Առկա տեղեկատվության համաձայն՝ ամերիկացիներին արդեն հաջողվել է փաստաթղթերի մեծ մասը տեղափոխել Կիևի, Խարկովի և Օդեսայի լաբորատորիաներից, ներառյալ տվյալների բազաները, կենսանյութերն ու սարքավորումները, Լվովի համաճարակաբանության և հիգիենայի գիտահետազոտական ինստիտուտ ու Լվովում ամերիկյան հյուպատոսություն: Հնարավոր է, որ նյութերի մի մասը Ուկրաինայից տեղափոխվի Լեհաստան։
Լրահոս
0