Նեբենզյան կոչ է արել Եվրոպային մտածել Ուկրաինայից եկող կենսաբանական վարակի վտանգի մասին

© Sputnik / Нэнси Сисель / Անցնել ֆոտոբանկԱԿ-ում Ռուսաստանի մշտական ներկայացուցիչ Վասիլի Նեբենզյան
ԱԿ-ում Ռուսաստանի մշտական ներկայացուցիչ Վասիլի Նեբենզյան - Sputnik Արմենիա, 1920, 11.03.2022
ԱԿ-ում Ռուսաստանի մշտական ներկայացուցիչ Վասիլի Նեբենզյան. Արխիվային լուսանկար
Բաժանորդագրվեք
Yandex newsTelegram
Ռուսաստանի մշտական ներկայացուցիչն առանձին դիմել է եվրոպացի գործընկերներին՝ կոչ անելով նրանց լրջորեն խորհել։
ԵՐԵՎԱՆ, 11 մարտի — Sputnik. ՄԱԿ-ում Ռուսաստանի մշտական ներկայացուցիչ Վասիլի Նեբենզյան կոչ է արել եվրոպական երկրներին մտածել իրական կենսաբանական սպառնալիքի մասին, որը տարածվում է Ուկրաինայի կենսաբանական գործակալների միջոցով, հայտնում է ՌԻԱ Նովոստին:
ՄԱԿ-ի Անվտանգության խորհրդի նիստում, որը նվիրված է Ուկրաինայի տարածքում ԱՄՆ-ի ռազմակենսաբանական գործունեության հիմնախնդրին Նեբենզյան ասել է, որ Եվրամիության քթի տակ տարիներ շարունակ խիստ վտանգավոր կենսաբանական փորձարկումներ են եղել։
«Կոչ ենք անում մտածել Եվրոպայի բնակչության համար իրական կենսաբանական սպառնալիքի մասին, որը կարող է առաջանալ Ուկրաինայից կենսագործակալների անվերահսկելի տարածման միջոցով, որը, ինչպես ցույց տվեց COVID-19-ի փորձը, անհնար է կանգնեցնել: Նման սցենարի դեպքում ամբողջ Եվրոպան դրա ազդեցության տակ կհայտնվի», - ավելացրել է նա։
ՌԴ պաշտպանության նախարարությունն ավելի վաղ ներկայացրել էր մի ծրագիր, որից հետևում էր, որ ԱՄՆ-ն ավելի քան 200 մլն դոլար է ծախսել Ուկրաինայում կենսաբանական լաբորատորիաների աշխատանքի համար։ Դրանք մասնակցել են ամերիկյան ռազմակենսաբանական ծրագրին: Ռուսաստանի ԱԳՆ պաշտոնական ներկայացուցիչ Մարիա Զախարովան ասել է, որ ՌԴ-ն Ուկրաինայում ԱՄՆ-ի ռազմական կենսաբանական գործունեության փաստերի կապակցությամբ չի բացառում կենսաբանական և թունավոր զենքի արգելման մասին կոնվենցիայի շրջանակներում խորհրդատվությունների մեխանիզմի գործարկումը:
Չինաստանի ԱԳՆ պաշտոնական ներկայացուցիչ Չժաո Լիզցյանը, մեկնաբանելով Ուկրաինայում ԱՄՆ-ի կողմից ֆինանսավորվող կենսաբանական լաբորատորիաների մասին տեղեկատվությունը, կոչ է արել Վաշինգտոնին պարզաբանել երկրի ներսում և արտասահմանում կենսաբանական ռազմականացման իր գործունեությունը:
Չղջիկները` որպես կենսաբանական զենքի գործակալներ. ՌԴ ՊՆ–ն նոր տվյալներ է հրապարակել
Լրահոս
0