ՀՀ–ում տղամարդիկ շարունակում են ավելի շատ պատվաստվել COVID-ի դեմ. ԱՆ տվյալները

Պատվաստանյութ և ներարկիչ - Sputnik Արմենիա, 1920, 14.03.2022
Բաժանորդագրվեք
НовостиTelegram
Հանրապետությունում համավարակի կանխարգելման համար պատվաստվածների մեծ մասը 35-64 տարեկաններն են։
ԵՐԵՎԱՆ, 14 մարտի – Sputnik. Հայաստանի Հանրապետության առողջապահության նախարարությունը ներկայացրել է մարտի 14-ի դրությամբ COVID-19-ի դեմ պատվաստումների սեռատարիքային ցուցանիշների համամասնությունը։
Նշենք, որ կորոնավիրուսի դեմ առաջին դեղաչափով պատվաստվել են 1 100 161, իսկ ամբողջապես պատվաստված է 947 156 մարդ։
Առաջին դեղաչափը ստացել է կանանց 46.9, տղամարդկանց` 53.1 տոկոսը։ Երկրորդ դեղաչափով պատվաստվել է կանանց 46 տոկոսը, իսկ տղամարդկանց` 54։
Հայտնել ենք, որ և՛ առաջին, և՛ երկրորդ դեղաչափ ստացած ամենաշատ պատվաստվածները 35-64 տարեկաններն են, շատ են պատվաստվել նաև 18-34 տարեկանները, այնուհետև 65+ տարիքի անձինք են, իսկ 12-17 տարեկան պատվաստվածները բավական քիչ տոկոս են կազմում։
Հիշեցնենք, որ մարտի 14-ի դրությամբ Հայաստանում կորոնավիրուսի դեմ կատարվել է 2 078 121 պատվաստում։
Ավելի քան 28 հազար մարդ էլ կորոնավիրուսի պատվաստման դեմ բուստեր դեղաչափ է ընդունել։
Լրահոս
0