https://arm.sputniknews.ru/20220317/ardzany-gishern-anhetanum-e-pashinjany-kvoch-arec-durs-gal-kisakatarutjan-rezhimic-39858758.html
Արձանը գիշերն անհետանում է. Փաշինյանը կոչ արեց դուրս գալ «կիսակատարության» ռեժիմից
Արձանը գիշերն անհետանում է. Փաշինյանը կոչ արեց դուրս գալ «կիսակատարության» ռեժիմից
Sputnik Արմենիա
«Ճանապարհաշինարարներ» արձանի վերականգնման համար հատկացված 175 մլն դրամը լուսավորության համար չի բավարարել։ Դրա համար այսօր լրացուցիչ գումար հատկացվեց։ 17.03.2022, Sputnik Արմենիա
2022-03-17T12:34+0400
2022-03-17T12:34+0400
2022-03-17T12:35+0400
արձան
լույս
նիկոլ փաշինյան
https://cdn.am.sputniknews.ru/img/07e4/0b/1a/25506661_0:0:1600:900_1920x0_80_0_0_dc02f255cf0d620159deaeaaa9b77350.jpg
ԵՐԵՎԱՆ, 17 մարտի – Sputnik. Երևան–Սևան ավտոճանապարհի Չարենցավան քաղաքի հատվածում գտնվող «Ճանապարհաշինարարներ» արձանի վերականգնման աշխատանքներն ավարտված են, բայց արձանը դեռ չի լուսավորվել։ Այսօր կառավարության նիստում տեղեկացրեց ՀՀ ԿԳՄՍ նախարար Վահրամ Դումանյանը` նշելով, որ արձանի տարածքի լուսավորման համար բյուջեից կհատկացվի 7 մլն 65 հազար դրամ։«Ինչպես գիտեք, անցյալ տարի ավելի քան 175 մլն դրամ էր հատկացվել «Ճանապարհաշինարարներ» արձանի վերականգնման համար։ Վարչապետի հանձնարարականով գիշերային ժամերին, արձանի լուսավորության բացակայությամբ պայմանավորված, շտապ միջոցներ ենք ձեռք առնվել, և այս 7 մլն-ը կուղղվի արձանի լուսավորության համակարգին, ինչը նաև շատ կարևոր է արձանի պահպանման և անվտանգության համար»,– ասաց Դումանյանը։Վարչապետ Նիկոլ Փաշինյանը ևս անդրադարձավ թեմային` արձանագրելով, որ կառավարությունը 175 մլն դրամ է տրամադրել արձանի վերականգնման համար, բայց պարզվել է, որ նախագիծը թերի է եղել, կամ, ինչպես ինքն ասաց` գիշերային ժամերին արձանն ուղղակի չկա «կամ դրա հետևում «զաբոր է քաշած»։Վարչապետը կառավարության անդամներին հրահանգեց դուրս գալ կիսակատարության ռեժիմից ու որևէ նախագիծ ներկայացնելիս ներկայացնել ամբողջական միջավայր նախատեսող աշխատանք։Հիշեցնենք` քանդակագործ Դավիթ Բեժանյանի «Հավերժության ժապավեն» կամ «Ճանապարհաշինարարներ» արձանի թալանվելու մասին կառավարության մակարդակով հայտարարվեց 2019թ–ին, երբ որոշվեց նաև այն վերակագնել պետության հաշվին։Տարիների թալանից հետո ճանապարհի եզրին երբեմնի արձանի մասին այդ ժամանակ հիշեցնում էր միայն պատվանդանի վրա մնացած մետաղական կոնստրուկցիան։2 տարի անց պարզվեց նաև, որ արձանի վերականգնման ընթացքում ևս պղնձի գողության դեպքեր են արձանագրվել։ Այս մասին 2021թ–ին հայտարարել էր վարչապետ Փաշինյանը` պատասխանատու մարմինների ուշադրությունը հրավիրելով խնդրի վրա։
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
արձան, լույս, նիկոլ փաշինյան
արձան, լույս, նիկոլ փաշինյան
Արձանը գիշերն անհետանում է. Փաշինյանը կոչ արեց դուրս գալ «կիսակատարության» ռեժիմից
12:34 17.03.2022 (Թարմացված է: 12:35 17.03.2022) «Ճանապարհաշինարարներ» արձանի վերականգնման համար հատկացված 175 մլն դրամը լուսավորության համար չի բավարարել։ Դրա համար այսօր լրացուցիչ գումար հատկացվեց։
ԵՐԵՎԱՆ, 17 մարտի – Sputnik. Երևան–Սևան ավտոճանապարհի Չարենցավան քաղաքի հատվածում գտնվող «Ճանապարհաշինարարներ» արձանի վերականգնման աշխատանքներն ավարտված են, բայց արձանը դեռ չի լուսավորվել։ Այսօր կառավարության նիստում տեղեկացրեց ՀՀ ԿԳՄՍ նախարար Վահրամ Դումանյանը` նշելով, որ արձանի տարածքի լուսավորման համար բյուջեից կհատկացվի 7 մլն 65 հազար դրամ։
«Ինչպես գիտեք, անցյալ տարի ավելի քան 175 մլն դրամ էր հատկացվել «Ճանապարհաշինարարներ» արձանի վերականգնման համար։ Վարչապետի հանձնարարականով գիշերային ժամերին, արձանի լուսավորության բացակայությամբ պայմանավորված, շտապ միջոցներ ենք ձեռք առնվել, և այս 7 մլն-ը կուղղվի արձանի լուսավորության համակարգին, ինչը նաև շատ կարևոր է արձանի պահպանման և անվտանգության համար»,– ասաց Դումանյանը։
Վարչապետ Նիկոլ Փաշինյանը ևս անդրադարձավ թեմային` արձանագրելով, որ կառավարությունը 175 մլն դրամ է տրամադրել արձանի վերականգնման համար, բայց պարզվել է, որ նախագիծը թերի է եղել, կամ, ինչպես ինքն ասաց` գիշերային ժամերին արձանն ուղղակի չկա «կամ դրա հետևում «զաբոր է քաշած»։
«Մենք տեսնում ենք, որ, այո՛, արձանը վերկանգնված է, բայց արձանն առանձին վերցված ինչ–որ կոմպոզիցիա չէ, այլ միջավայր է այնուամենայնիվ,– ասաց Փաշինյանը,– ի վերջո արձանն այդտեղ է և՛ ցերեկը, և՛ գիշերը, ուրեմն պետք է դա հաշվի առնվի նախագծում։ Մեր մեծագույն պրոբլեմը, որ ամեն քայլափոխի մեզ հետապնդում է, կիսակատարության կուլտուրան է, երբ որ մենք կառուցում ենք, հետո ևս 20 տարի շուշաբանդը, բալկոնը, էս առաջ տանում, էն առաջ տանում ու ի վերջո ստանում ենք տձև մի բան»։
Վարչապետը կառավարության անդամներին հրահանգեց դուրս գալ կիսակատարության ռեժիմից ու որևէ նախագիծ ներկայացնելիս ներկայացնել ամբողջական միջավայր նախատեսող աշխատանք։
Հիշեցնենք` քանդակագործ Դավիթ Բեժանյանի «Հավերժության ժապավեն» կամ «Ճանապարհաշինարարներ» արձանի թալանվելու մասին կառավարության մակարդակով հայտարարվեց 2019թ–ին, երբ որոշվեց նաև այն վերակագնել պետության հաշվին։
Տարիների թալանից հետո ճանապարհի եզրին երբեմնի արձանի մասին այդ ժամանակ հիշեցնում էր միայն պատվանդանի վրա մնացած մետաղական կոնստրուկցիան։
2 տարի անց պարզվեց նաև, որ արձանի վերականգնման ընթացքում ևս պղնձի գողության դեպքեր են արձանագրվել։ Այս մասին 2021թ–ին հայտարարել էր վարչապետ Փաշինյանը` պատասխանատու մարմինների ուշադրությունը հրավիրելով խնդրի վրա։
