Տեղի է ունեցել ԱԶԲ-ի աջակցությամբ մշակված Հեռավար ուսուցման հարթակի շնորհանդեսը

© Photo : official site of MESCS of RA Ասիական զարգացման բանկի աջակցությամբ մշակված Հեռավար ուսուցման հարթակի շնորհանդեսը (18 մարտի, 2022թ). Երևան
Ասիական զարգացման բանկի աջակցությամբ մշակված Հեռավար ուսուցման հարթակի շնորհանդեսը (18 մարտի, 2022թ). Երևան - Sputnik Արմենիա, 1920, 18.03.2022
Բաժանորդագրվեք
Yandex newsTelegram
Հեռավար ուսուցման հարթակն ունի ուսուցիչների, աշակերտների, ծնողների և դպրոցի վարչական ղեկավարության համար նախատեսված բաժիններ:
ԵՐԵՎԱՆ, 18 մարտի – Sputnik. Հայաստանում Ասիական զարգացման բանկի (ԱԶԲ) աջակցությամբ մշակված հեռավար ուսուցման հարթակը հնարավորություն կտա էապես բարելավել կրթության ոլորտի զարգացման տեմպերը։
Տեղեկությունը հայտնում է ՀՀ կրթության, գիտության, մշակույթի և սպորտի նախարարության մամուլի ծառայությունը։
Այս մասին հարթակի շնորհանդեսի ժամանակ ասել է ՀՀ ԿԳՄՍ փոխնախարար Ժաննա Անդրեասյանը։
Փոխնախարարի խոսքով` կորոնավիրուսի համավարակի առաջնային փուլում ամբողջ աշխարհում ավելի քան 1.5 մլրդ երեխա տևական ժամանակ չի կարողացել կրթություն ստանալ: Հայաստանում 12 շաբաթով երեխաները դուրս են մնացել կրթական գործընթացից, այն դեպքում, երբ տնտեսական ավելի զարգացած համակարգեր ունեցող երկրներում ընդհատման ցուցանիշը հասել է ավելի քան 30 շաբաթի:
© Photo : official site of MESCS of RA Ասիական զարգացման բանկի աջակցությամբ մշակված Հեռավար ուսուցման հարթակի շնորհանդեսը (18 մարտի, 2022թ). Երևան
Ասիական զարգացման բանկի աջակցությամբ մշակված Հեռավար ուսուցման հարթակի շնորհանդեսը (18 մարտի, 2022թ). Երևան - Sputnik Արմենիա, 1920, 18.03.2022
Ասիական զարգացման բանկի աջակցությամբ մշակված Հեռավար ուսուցման հարթակի շնորհանդեսը (18 մարտի, 2022թ). Երևան
Անդրեասյանը նշել է նաև, որ մինչև համավարակը ԿԳՄՍ նախարարությունն արդեն իսկ նախաձեռնել էր հեռավար ուսուցման փորձնական ծրագիր` հեռավոր բնակավայրերի դպրոցներում մասնագետների պակասի պատճառով որոշ առարկաների դասավանդումն ապահովելու նպատակով: Այդ ընթացքում թվային գործիքների վերամշակման և արդյունավետ կիրառման առումով մի շարք խնդիրներ ի հայտ բերվեցին:
«Այսօր արդեն կարող ենք արձանագրել, որ էապես փոխվել են ուսուցիչների թվային հմտություններն ու տեխնոլոգիական կարողությունները: Եթե 2020 թվականի սկզբին հեռավար ուսուցման տեխնոլոգիաներից օգտվող ուսուցիչներ գրեթե չկային, այսօր ուսուցիչների զգալի մասը արդեն տիրապետում է անհրաժեշտ հմտությունների նվազագույն մակարդակին, որոնք բարելավման անհրաժեշտություն ունեն:
Եթե 2020 թվականի սկզբին հանրակրթության չափորոշչին համապատասխան հայալեզու էլեկտրոնային բովանդակությունը խիստ սակավ էր, այսօր արդեն մենք ունենք տարբեր առարկաներից հազարավոր տեսադասեր` նաև ժեստերի լեզվի թարգմանությամբ»,- նշել է փոխնախարարը։
Նրա խոսքով` հեռավար կրթության շնորհիվ այսօր ուսուցիչների պակաս ունեցող ավելի քան 50 դպրոցում ապահովվում է համապատասխան առարկաների դասավանդումը մենթոր դպրոցների ուսուցիչների միջոցով:
© Photo : official site of MESCS of RA Ասիական զարգացման բանկի աջակցությամբ մշակված Հեռավար ուսուցման հարթակի շնորհանդեսը (18 մարտի, 2022թ). Երևան
Ասիական զարգացման բանկի աջակցությամբ մշակված Հեռավար ուսուցման հարթակի շնորհանդեսը (18 մարտի, 2022թ). Երևան - Sputnik Արմենիա, 1920, 18.03.2022
Ասիական զարգացման բանկի աջակցությամբ մշակված Հեռավար ուսուցման հարթակի շնորհանդեսը (18 մարտի, 2022թ). Երևան
Թվայնացվել է նաև դպրոցների փաստաթղթաշրջանառությունը. այս տարվանից էլեկտրոնային եղանակով կտրամադրվեն նաև ավարտական փաստաթղթերը:
ԱԶԲ հայաստանյան գրասենյակի տնօրեն Պաոլո Սպանտիգատին շեշտել է` իրենք ուրախ են աջակցել Հայաստանի կառավարությանը՝ նորարար թվային տեխնոլոգիաների մշակման հարցում:
Այնուհետև «Ֆյուչր Սըլուշնս» ՀԿ-ի ներկայացուցիչները, ովքեր իրականացրել են նոր հարթակի էլեկտրոնային բովանդակային մշակման աշխատանքները, ներկայացրել են հարթակի գործունեությունը` իր բաժիններով:
Հեռավար ուսուցման հարթակն ունի ուսուցիչների, աշակերտների, ծնողների և դպրոցի վարչական ղեկավարության համար նախատեսված բաժիններ: Հարթակի մշակման շրջանակում կատարվել է նաև 7-9-րդ դասարանների «Քիմիա, «Ֆիզիկա», «Երկրաչափություն» և «Կենսաբանություն» առարկաների դասագրքերի թվայնացում:
Նոր հարթակի տեխնիկական սպասարկման իրականացումն Ասիական զարգացման բանկի կողմից կփոխանցվի ԿՏԱԿ-ին:
Լրահոս
0