Շփման գծին մոտ իրականացվող միջոցառումները դիրքային զիջումներ չեն. Ասկերանի վարչակազմ

© Sputnik / Aram NersesyanԶինվորներ
Զինվորներ - Sputnik Արմենիա, 1920, 20.03.2022
Բաժանորդագրվեք
Yandex newsTelegram
Ասկերանի շրջանի վարչակազմը հայտարարություն է տարածել` վստահեցնելով, որ ռուս խաղաղապահների հետ համատեղ աշխատանքը չի նշանակում, որ շփման գծին մոտ գտնվող բնակավայրերից տարհանում է իրականացվում։
ԵՐԵՎԱՆ, 20 մարտի – Sputnik. Ռուս խաղաղապահների հետ Արցախի ԶՈւ-ի` այս օրերին շփման գծին մոտ գտնվող մի շարք գյուղերում լրացուցիչ միջոցառումների իրականացումը միտված է այդ բնակավայրերի անվտանգության մակարդակի բարձրացմանը. նման հայտարարություն է տարածել Ասկերանի շրջանի վարչակազմը։
Նշվում է, որ այս օրերին շփման գծին մոտ գտնվող մի շարք գյուղերում Արցախի զինված ուժերն Արցախում տեղակայված ՌԴ խաղաղապահ զորակազմի հետ համատեղ լրացուցիչ միջոցառումներ են իրականացնում տեղի խաղաղ բնակչության լիարժեք անվտանգությունն ապահովելու ուղղությամբ։
«Այդ միջոցառումները որևէ կերպ չեն նշանակում դիրքային զիջումներ ու բնակավայրերի տարհանում»,–ասվում է հայտարարության մեջ։
Միաժամանակ, հորդորում են զերծ մնալ անհիմն պնդումներից ու շահարկումներից՝ հանրության շրջանում խուճապային տրամադրություններ չհրահրելու համար։
Հիշեցնենք, որ մարտի 15-ին Արցախի տեղեկատվական շտաբը հայտնել էր, որ վերջին օրերին Ադրբեջանի զինված ուժերի կողմից իրականացվող սադրանքների պատճառով Ասկերանի շրջանի Խրամորթ համայնքից ժամանակավորապես այլ բնակավայրեր են տեղափոխվել գյուղի կանայք և երեխաները։
Մարտի 9-ին և 10-ին Ադրբեջանի զինված ուժերը մեծ տրամաչափի հրաձգային զինատեսակներից թիրախավորել էին Մարտունու շրջանի Խնուշինակ և Կարմիր շուկա, Ասկերանի շրջանի Խրամորթ գյուղերի խաղաղ բնակչությանը։
Իրենց տան բակում գյուղատնտեսական աշխատանքներ կատարելու ժամանակ հակառակորդի արձակած ականանետի կրակոցից մեջքի շրջանում բեկորային վիրավորում է ստացել Խրամորթի բնակիչ, 1971թ. ծնված Սուրեն Բաղրյանը։
Մարտի 11–ին Ադրբեջանի զինուժը ականանետ է կիրառել Խնապատ գյուղի ուղղությամբ, իսկ Թաղավարդում բարձրախոսով գյուղը լքելու կոչեր են հնչեցրել:
Լրահոս
0