Ադրբեջանի ԱԳ նախարարը հրաժարվել է նախանշված հանդիպումից. Միրզոյանը մանրամասներ հայտնեց

© Sputnik / МИД РФ / Անցնել ֆոտոբանկԱՊՀ ԱԳ նախարարների հանդիպում
ԱՊՀ ԱԳ նախարարների հանդիպում - Sputnik Արմենիա, 1920, 21.03.2022
ԱՊՀ ԱԳ նախարարների հանդիպում. Արխիվային լուսանկար
Բաժանորդագրվեք
Yandex newsTelegram
Հանդիպումից ժամեր առաջ ԵԱՀԿ ՄԽ համանախագահները հայկական կողմին առաջարկներ են փոխանցել Ադրբեջանի հետ խաղաղության համապարփակ պայմանագրի պարամետրերի հստակեցման, ինչպես նաև հումանիտար հարցերի շուրջ։
ԵՐԵՎԱՆ, 21 մարտի – Sputnik. Ադրբեջանի ԱԳ նախարար Ջեհյուն Բայրամովը Ստոկհոլմում հրաժարվել էր ՀՀ ԱԳ նախարար Արարատ Միրզոյանի հետ նախանշված հանդիպումից։ Այսօր ԱԺ արտաքին հարաբերությունների մշտական հանձնաժողովի նիստում հայտնեց նախարար Միրզոյանը` ներկայացնելով բանակցային գործընթացի ներկա վիճակը։
«Հավանաբար հիշում եք, որ Հայաստանի ու Ադրբեջանի ԱԳ նախարարների հերթական հանդիպումը ԵԱՀԿ ՄԽ համանախագահների ձևաչափով նախատեսված էր 2021թ–ի դեկտեմբերի 1-3–ը Ստոկհոլմում ԵԱՀԿ նախարարական ամենամյա վեհաժողովի շրջանակներում։ Սակայն, նախատեսված հանդիպումից ժամեր առաջ տեղեկացանք, որ Ադրբեջանի ԱԳ նախարարը հրաժարվել է մասնակցել այս հնգակողմ հանդիպմանը»,– ասաց Միրզոյանը։
Նախարարը նաև հայտնեց, որ հանդիպումից ժամեր առաջ ԵԱՀԿ ՄԽ–ն հայկական կողմին է փոխանցել առաջարկներ` Ադրբեջանի հետ խաղաղության համապարփակ պայմանագրի պարամետրերի հստակեցման, ինչպես նաև` հումանիտար հարցերի շուրջ։
Միրզոյանի այս հայտարարությունը հատկապես հետաքրքիր է այն տեսակետից, որ այն առաջինն է նախատեսված հանդիպման տապալման իրական պատճառի մասին։
Մինչ այդ Արարատ Միրզոյանի ու Ջեյհուն Բայրամովի տապալված հանդիպման մասին ՀՀ ԱԳՆ մամուլի քարտուղար Վահան Հունանյանը հայտնել էր միայն, որ այն չի կայացել ու ավելացրել. «Հայկական կողմը երբեք չի խուսափել ԵԱՀԿ Մինսկի խմբի համանախագահության մանդատի ներքո Լեռնային Ղարաբաղի հակամարտության կարգավորման գործընթացի շրջանակներում հանդիպումներից»։
Արցախահայության իրավունքների ու Արցախի կարգավիճակի հարցն առանցքային է. Միրզոյան
Հիշեցնենք` դեկտեմբերի 1-3-ը Միրզոյանն աշխատանքային այցով մեկնել էր Ստոկհոլմ` մասնակցելու ԵԱՀԿ նախարարական 28-րդ համաժողովին։Դեկտեմբերի 2-ին ՀՀ ԱԳՆ լրատվական ծառայությունից Sputnik Արմենիային հայտնել էին, որ Հայաստանի և Ադրբեջանի արտգործնախարարների հանդիպումը Ստոկհոլմում բացառված չէ։
Նշենք, որ ԵԱՀԿ ՄԽ համանախագահության միջնորդությամբ Հայաստանի և Ադրբեջանի ԱԳ նախարարները 2021թ–ի նոյեմբերին 2 հանդիպում էին ունեցել` Նյու Յորքում ու Փարիզում։ Ստոկհոլմյան հանդիպումը պետք է լիներ երրորդը։
Լրահոս
0