ԵՄ-ն ծրագրում է փակել նավահանգիստները ՌԴ–ի համար և արգելել էներգակիրների ներմուծումը

© AP Photo / Virginia MayoԵվրամիության դրոշներ
Եվրամիության դրոշներ - Sputnik Արմենիա, 1920, 21.03.2022
Եվրամիության դրոշներ
Բաժանորդագրվեք
Yandex newsTelegram
ԵՄ արտգործնախարարների խորհրդի գլխավոր թեման կլինի Ուկրաինայի իրադրությունը և Ռուսաստանի հատուկ գործողությունը:
ԵՐԵՎԱՆ, 21 մարտի – Sputnik. Սլովենիայի արտաքին գործերի նախարար Անժե Լոգարը հայտարարել է, որ ԵՄ արտգործնախարարները ռուսական նավերի համար նավահանգիստները փակելու և Ռուսաստանից էներգակիրների ներմուծումն արգելելու որոշում կկայացնեն: Նրա խոսքը մեջբերում է ՌԻԱ Նովոստին։
Բրյուսելում ԵՄ արտգործնախարարների խորհրդի նիստի մեկնարկից առաջ նա հայտարարել է, որ նիստի գլխավոր թեման կլինի Ուկրաինայում տիրող իրավիճակն ու Ռուսաստանի հատուկ գործողությունը:
«Տնտեսական ոլորտում պատասխանը պետք է ընդհանուր լինի։ Այդ պատճառով մենք կուժեղացնենք պատժամիջոցները, կփակենք նավահանգիստները։ Նաև կարգելենք էներգակիրների ներմուծումը։ Մենք նաև եվրոպական հստակ հեռանկար ցույց կտանք Ուկրաինային», - հայտարարել է Լոգարը։
Նրա խոսքով՝ Սլովենիան նաև իր ներկայացուցչին կուղարկի Կիև:
Հիշեցնենք, որ փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։ Ռուսաստանցիներին ուղղված հեռուստաուղերձում նա ասաց, որ հանգամանքները վճռական և անհապաղ գործողություններ են պահանջում։
Փետրվարի 21–ից սկսած, երբ Վլադիմիր Պուտինը հայտարարեց ԼԺՀ–ն ու ԴԺՀ–ն ճանաչելու որոշման մասին, ԱՄՆ–ն, Եվրամիությունն ու Արևմուտքի շատ երկրներ պատժամիջոցների շարք սկսեցին Ռուսաստանի դեմ։
Պատժամիջոցներն առնչվում են բանկային ոլորտին, ավիացիային, տնտեսության տարբեր ճյուղերին, կապի ոլորտին և անգամ մշակույթին ու սպորտին։
Ուկրաինայում մարտական գործողություններն ընթանում են արդեն 26–րդ օրը։
Լրահոս
0