Հայաստանի հավաքականը Չեռնոգորիայի հետ խաղից առաջ նոր կորուստ ունի

© Sputnik / Asatur YesayantsՍարգիս Ադամյան
Սարգիս Ադամյան - Sputnik Արմենիա, 1920, 21.03.2022
Սարգիս Ադամյան. Արխիվային լուսանկար
Բաժանորդագրվեք
Yandex newsTelegram
Հայաստանի հավաքականը պատրաստվում է Չեռնոգորիայի և Նորվեգիայի հավաքականների հետ ընկերական հանդիպումներին:
ԵՐԵՎԱՆ, 21 մարտի – Sputnik. Բելգիական «Բրյուգեի» հարձակվող Սարգիս Ադամյանը չի կարողանա միանալ Հայաստանի հավաքականին ընկերական խաղերի նախօրեին։ Տեղեկությունը հաղորդում է երկրի ֆուտբոլի ֆեդերացիան:
Նշվում է, որ Ադամյանը վնասվածք է ստացել Բելգիայի առաջնության վերջին տուրում: Նրա փոխարեն հավաքական է հրավիրվել «Ուրարտուի» հարձակվող Արթուր Միրանյանը։
Վնասվածքի պատճառով հավաքականի մարզաշապիկով խաղադաշտ դուրս չի գա նաև ամերիկյան «Կոլամբուսի» խաղացող Լուկաս Սելարայանը։
Ավելի վաղ հայտնել էինք, որ պաշտպան Հովհաննես Համբարձումյանը նույնպես չի միանա ազգային թիմին: Նրա կորոնավիրուսի թեստը դրական է։
Մարտի 21-ին Խոակին Կապառոսի սաները սկսել են նախապատրաստվել Չեռնոգորիայի և Նորվեգիայի հավաքականների հետ ընկերական հանդիպումներին: Դրանք տեղի կունենան համապատասխանաբար մարտի 24-ին և 29-ին Երևանում և Օսլոյում։
Լրահոս
0