https://arm.sputniknews.ru/20220321/rdn-hrazharvum-e-tshapvoniaji-het-khaghaghutjan-pajmanagri-shurj-banakcutjunneric-40017353.html
ՌԴ–ն հրաժարվում է Ճապոնիայի հետ խաղաղության պայմանագրի շուրջ բանակցություններից
ՌԴ–ն հրաժարվում է Ճապոնիայի հետ խաղաղության պայմանագրի շուրջ բանակցություններից
Sputnik Արմենիա
Ռուսաստանի արտաքին քաղաքական գերատեսչությունը հայտարարություն է տարածել։ 21.03.2022, Sputnik Արմենիա
2022-03-21T19:56+0400
2022-03-21T19:56+0400
2022-03-21T20:14+0400
ռուսաստան
ճապոնիա
պայմանագիր
https://cdn.am.sputniknews.ru/img/838/14/8381454_0:0:2979:1677_1920x0_80_0_0_86925ccb751bc9f7556177b96d118ab7.jpg
ԵՐԵՎԱՆ, 21 մարտի – Sputnik. Ռուսաստանը մտադիր չէ խաղաղության պայմանագրի շուրջ բանակցություններ վարել Ճապոնիայի հետ։ Այս մասին ասված է Ռուսաստանի ԱԳՆ-ի հայտարարության մեջ։Որոշվել է նաև դադարեցնել Ճապոնիայի քաղաքացիների համար առանց մուտքի արտոնագրի ճանապարհորդելու կարգը։ Բացի այդ, ռուսական կողմը դադարեցնում է հարավային Կուրիլյան կղզիներում համատեղ տնտեսական գործունեություն ծավալելու շուրջ երկխոսությունը։Նշվում է, որ ՌԴ-ն արգելափակում է Ճապոնիայի՝ Սևծովյան տնտեսական համագործակցության կազմակերպության գործընկերոջ կարգավիճակի երկարաձգումը:«Երկկողմ փոխգործակցությունն ու հենց Ճապոնիայի շահերը վնասելու ողջ պատասխանատվությունն ընկնում է պաշտոնական Տոկիոյի վրա, որը գիտակցված ընտրություն է կատարել հօգուտ հակառուսական ուղղության՝ փոխշահավետ համագործակցությունն ու բարիդրացիական հարաբերությունները զարգացնելու փոխարեն»,- ասված է Ռուսաստանի ԱԳՆ հայտարարության մեջ:Ավելի վաղ Ճապոնիայի վարչապետը հայտարարել էր, որ Ուկրաինայի իրադրության պատճառով Տոկիոն ուժեղացնում է Մոսկվայի դեմ պատժամիջոցները, որոնք ենթադրում են կապիտալի սառեցում, մասնավոր անձանց և կազմակերպություններին վիզաներ տրամադրելու արգելք, Ռուսաստանի ֆինանսական կազմակերպությունների ակտիվների սառեցում։Հիշեցնենք, որ փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։ Ռուսաստանցիներին ուղղված հեռուստաուղերձում նա ասաց, որ հանգամանքները վճռական և անհապաղ գործողություններ են պահանջում։Փետրվարի 21–ից սկսած, երբ Վլադիմիր Պուտինը հայտարարեց ԼԺՀ–ն ու ԴԺՀ–ն ճանաչելու որոշման մասին, ԱՄՆ–ն, Եվրամիությունն ու Արևմուտքի շատ երկրներ պատժամիջոցների շարք սկսեցին Ռուսաստանի դեմ։Պատժամիջոցներն առնչվում են բանկային ոլորտին, ավիացիային, տնտեսության տարբեր ճյուղերին, կապի ոլորտին և անգամ մշակույթին ու սպորտին։Ուկրաինայում մարտական գործողություններն ընթանում են արդեն 26–րդ օրը։
ճապոնիա
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
ռուսաստան, ճապոնիա, պայմանագիր
ռուսաստան, ճապոնիա, պայմանագիր
ՌԴ–ն հրաժարվում է Ճապոնիայի հետ խաղաղության պայմանագրի շուրջ բանակցություններից
19:56 21.03.2022 (Թարմացված է: 20:14 21.03.2022) Ռուսաստանի արտաքին քաղաքական գերատեսչությունը հայտարարություն է տարածել։
ԵՐԵՎԱՆ, 21 մարտի – Sputnik. Ռուսաստանը մտադիր չէ խաղաղության պայմանագրի շուրջ բանակցություններ վարել Ճապոնիայի հետ։ Այս մասին ասված է Ռուսաստանի ԱԳՆ-ի հայտարարության մեջ։
«Ներկա պայմաններում ռուսական կողմը մտադիր չէ շարունակել Ճապոնիայի հետ խաղաղության պայմանագրի շուրջ բանակցությունները՝ հաշվի առնելով երկկողմ հարաբերությունների մասին հիմնարար փաստաթղթի ստորագրումը քննարկելու անհնարինությունը այն պետության հետ, որը բացահայտ ոչ բարեկամական դիրքորոշում ունի և ձգտում է վնաս հասցնել մեր երկրի շահերին», - ասված է հայտարարության մեջ, որը հրապարակվել է ՌԴ ԱԳՆ կայքում:
Որոշվել է նաև դադարեցնել Ճապոնիայի քաղաքացիների համար առանց մուտքի արտոնագրի ճանապարհորդելու կարգը։ Բացի այդ, ռուսական կողմը դադարեցնում է հարավային Կուրիլյան կղզիներում համատեղ տնտեսական գործունեություն ծավալելու շուրջ երկխոսությունը։
Նշվում է, որ ՌԴ-ն արգելափակում է Ճապոնիայի՝ Սևծովյան տնտեսական համագործակցության կազմակերպության գործընկերոջ կարգավիճակի երկարաձգումը:
«Երկկողմ փոխգործակցությունն ու հենց Ճապոնիայի շահերը վնասելու ողջ պատասխանատվությունն ընկնում է պաշտոնական Տոկիոյի վրա, որը գիտակցված ընտրություն է կատարել հօգուտ հակառուսական ուղղության՝ փոխշահավետ համագործակցությունն ու բարիդրացիական հարաբերությունները զարգացնելու փոխարեն»,- ասված է Ռուսաստանի ԱԳՆ հայտարարության մեջ:
Ավելի վաղ Ճապոնիայի վարչապետը հայտարարել էր, որ Ուկրաինայի իրադրության պատճառով Տոկիոն ուժեղացնում է Մոսկվայի դեմ պատժամիջոցները, որոնք ենթադրում են կապիտալի սառեցում, մասնավոր անձանց և կազմակերպություններին վիզաներ տրամադրելու արգելք, Ռուսաստանի ֆինանսական կազմակերպությունների ակտիվների սառեցում։
Հիշեցնենք, որ փետրվարի 24-ի վաղ առավոտյան
Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։ Ռուսաստանցիներին ուղղված հեռուստաուղերձում նա ասաց, որ հանգամանքները վճռական և անհապաղ գործողություններ են պահանջում։
Փետրվարի 21–ից սկսած, երբ Վլադիմիր Պուտինը
հայտարարեց ԼԺՀ–ն ու ԴԺՀ–ն ճանաչելու որոշման մասին, ԱՄՆ–ն, Եվրամիությունն ու Արևմուտքի շատ երկրներ պատժամիջոցների շարք սկսեցին Ռուսաստանի դեմ։
Պատժամիջոցներն առնչվում են բանկային ոլորտին, ավիացիային, տնտեսության տարբեր ճյուղերին, կապի ոլորտին և անգամ մշակույթին ու սպորտին։
Ուկրաինայում մարտական գործողություններն ընթանում են արդեն 26–րդ օրը։
