Որակազրկված շախմատիստ Սերգեյ Կարյակինը FIDE-ին այլընտրանք կստեղծի

© Sputnik / Евгений Одиноков / Անցնել ֆոտոբանկԳրոսմայստեր Սերգեյ Կարյակինը շախմատի հավակնորդների մրցաշարի վերսկսման վերաբերյալ մամուլի ասուլիսից առաջ (13 ապրիլի, 2021թ)․ Մոսկվա
Գրոսմայստեր Սերգեյ Կարյակինը շախմատի հավակնորդների մրցաշարի վերսկսման վերաբերյալ մամուլի ասուլիսից առաջ (13 ապրիլի, 2021թ)․ Մոսկվա - Sputnik Արմենիա, 1920, 22.03.2022
Բաժանորդագրվեք
Yandex newsTelegram
Նոր կազմակերպության ծրագրերում է լինելու մրցաշարերի ու աշխարհի առաջնությունների անցկացումը։
ԵՐԵՎԱՆ, 22 մարտի - Sputnik. Ռուսաստանցի գրոսմայստեր, ՖԻԴԵ-ի աշխարհի գավաթակիր Սերգեյ Կարյակինը մտադիր է իր կազմակերպությունը ստեղծել որպես Շախմատի միջազգային ֆեդերացիայի (FIDE) այլընտրանք։ Տեղեկությունը հայտնում է ՌԻԱ Նովոստին:
«Ես այս իրադարձություններից հետո հաստատ որոշում եմ կայացրել, որ առավելագույնս կաշխատեմ իմ ընկերների, գործընկերների, համախոհների հետ ստեղծել նոր կազմակերպություն՝ որպես FIDE-ի այլընտրանք։ Քանի որ այն, ինչ նրանք արել են ... նույնիսկ եթե հետո ներողություն խնդրեն, նույնիսկ եթե ինձ հետ վերցնեն հավակնորդների մրցաշար, ես կստեղծեմ իմ կազմակերպությունը: Հուսով եմ, որ ինձ կլսեն, որ ինձ կաջակցեն», - ասել է գրոսմայստերը Sputnik ռադիոյի եթերում։
Նրա խոսքով՝ ծրագրում են անցկացնել նոր կազմակերպության վարկածով մրցաշարեր ու աշխարհի առաջնություն:
Հիշեցնենք, որ մարտի 21-ին Սերգեյ Կարյակինը FIDE–ի էթիկայի հանձնաժողովի կողմից կես տարով որակազրկվել էր Ուկրաինայում ռուսական հատուկ գործողությանն աջակցելու պատճառով: Ռուս շախմատիստի նկատմամբ պատժամիջոցները նրան զրկում են 2022 թվականի հունիս-հուլիս ամիսներին Մադրիդում կայանալիք հավակնորդների մրցաշարին մասնակցելու հնարավորությունից:
Լրահոս
0