Եվրամիությունը Կիևին արբանյակից գաղտնի տվյալներ կտրամադրի

© AFP 2022 / PATRICK HERTZOGՍտրասբուրգ
Ստրասբուրգ - Sputnik Արմենիա, 1920, 23.03.2022
Բաժանորդագրվեք
Yandex newsTelegram
Եվրամիությունը համակողմանի օգնություն է ցուցաբերում Ուկրաինային։
ԵՐԵՎԱՆ, 23 մարտի - Sputnik. Եվրամիությունը հավանություն է տվել Ուկրաինայի հետ համաձայնագրին, որը թույլ կտա Կիևին գաղտնի տվյալներ, այդ թվում՝ արբանյակային լուսանկարներ տրամադրել։ Տեղեկությունը հայտնում է Bloomberg գործակալությունը:
Նշվում է, որ համաձայնագիրը կնքվում է նախնական մեկ տարով՝ երկարաձգելու հնարավորությամբ: Գործակալությունը հայտնում է, որ ԵՄ երկրների մշտական ներկայացուցիչները համաձայնության մասին տեղեկացվել են երեկ կայացած հանդիպման ընթացքում:
Ավելի վաղ եվրոպական դիվանագիտության ղեկավարը հայտարարել էր, որ Եվրամիությունը դիմել է Մադրիդի իր արբանյակային կենտրոնին՝ խնդրելով Ուկրաինային հետախուզական տվյալներ տրամադրել ռուսական զորքերի տեղաշարժի մասին:
Հիշեցնենք, որ ԵՄ-ն Ուկրաինային 500 մլն եվրոյի չափով համատեղ ռազմական օգնություն է տրամադրել՝ ներառյալ վառելիքի ու պաշտպանական սպառազինության մատակարարումները:
Փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։ Ռուսաստանցիներին ուղղված հեռուստաուղերձում նա ասաց, որ հանգամանքները վճռական և անհապաղ գործողություններ են պահանջում։
Ուկրաինայում մարտական գործողություններն ընթանում են արդեն 28–րդ օրը։
Լրահոս
0