Ռուսաստանի դեմ պատժամիջոցները ծանր հետևանքներ են թողնում ԵՄ-ի քաղաքացիների վրա. Շոլց

© REUTERS / POOLԳերմանիայի կանցլեր Օլաֆ Շոլցը
Գերմանիայի կանցլեր Օլաֆ Շոլցը - Sputnik Արմենիա, 1920, 23.03.2022
Գերմանիայի կանցլեր Օլաֆ Շոլցը. Արխիվային լուսանկար
Բաժանորդագրվեք
Yandex newsTelegram
Գերմանիայի կանցլերի կարծիքով` պատժամիջոցներն աշխատում են` Ռուսաստանի տնտեսությունը խարխլվել է։
ԵՐԵՎԱՆ, 23 մարտի – Sputnik. Ռուսաստանի դեմ ընդունած պատժամիջոցները ծանր հետևանքներ են թողնում ԵՄ-ի քաղաքացիների վրա, սակայն Եվրամիությունը կշարունակի խստացնել Ռուսաստանի նկատմամբ կիրառվող պատժամիջոցները։ Բունդեսթագում նման հայտարարություն է արել Գերմանիայի կանցլեր Օլաֆ Շոլցը, փոխանցում է ՌԻԱ Նովոստին։
«Պատժամիջոցները ծանր են ազդում շատ քաղաքացիների վրա։ Պատժամիջոցները չպետք է եվրոպական երկրների վրա ավելի ուժեղ ազդեցություն ունենան, քան ռուսական իշխանություններին։ Դա մեր սկզբունքն է»,–ասել է նա։
Միաժամանակ, Գերմանիայի կանցլերի կարծիքով, պատժամիջոցներն աշխատում են` Ռուսաստանի տնտեսությունը խարխլվել է, տարադրամի փոխանակման կետերը զգալի չափով փակ են, արժույթը անկում է գրանցել, հարյուրավոր միջազգային ընկերություններ լքում են ՌԴ-ն։
«Բայց դա միայն սկիզբն է։ Շատ պատժամիջոցների հետևանքներն ի հայտ կգան հաջորդ շաբաթներին»,–հայտարարել է Շոլցը։
Արևմուտքի մի շարք երկրներ Ուկրաինայում տիրող պատճառով ՌԴ-ի դեմ նոր պատժամիջոցներ են սահմանել։ Ինչպես ավելի վաղ հայտարարել էին Կրեմլում, Արևմուտքի պատժամիջոցները բավականին լուրջ են, սակայն Ռուսաստանը պատրաստվում էր նախապես։
Հիշեցնենք, որ փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։ Ռուսաստանցիներին ուղղված հեռուստաուղերձում նա ասաց, որ հանգամանքները վճռական և անհապաղ գործողություններ են պահանջում։
Փետրվարի 21–ից սկսած, երբ Վլադիմիր Պուտինը հայտարարեց ԼԺՀ–ն ու ԴԺՀ–ն ճանաչելու որոշման մասին, ԱՄՆ–ն, Եվրամիությունն ու Արևմուտքի շատ երկրներ պատժամիջոցների շարք սկսեցին Ռուսաստանի դեմ։
Պատժամիջոցներն առնչվում են բանկային ոլորտին, ավիացիային, տնտեսության տարբեր ճյուղերին, կապի ոլորտին և անգամ մշակույթին ու սպորտին։
Ուկրաինայում մարտական գործողություններն ընթանում են արդեն 28–րդ օրը։
Լրահոս
0