Ուկրաինային զենքի մատակարարումները հղի են անկանխատեսելի հետևանքներով. Զախարովա

© Sputnik / пресс-служба МИД РФՌուսաստանի ԱԳՆ պաշտոնական ներկայացուցիչ Մարիա Զախարովան ճեպազրույցի ժամանակ (3 մարտի, 2022թ)․ Մոսկվա
Ռուսաստանի ԱԳՆ պաշտոնական ներկայացուցիչ Մարիա Զախարովան ճեպազրույցի ժամանակ (3 մարտի, 2022թ)․ Մոսկվա - Sputnik Արմենիա, 1920, 24.03.2022
Բաժանորդագրվեք
Yandex newsTelegram
ՌԴ ԱԳՆ–ում ընդգծել են` Ռուսաստանը կարծում է, որ Ուկրաինայի հետ հնարավոր է պայմանավորվել։
ԵՐԵՎԱՆ, 24 մարտի – Sputnik. Ուկրաինային ՆԱՏՕ–ի երկրների կողմից սպառազինության մատակարարումները հղի են անկանխատեսելի հետևանքներով։ Այս մասին այսօր հրավիրված ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«ՆԱՏՕ–ի անդամպետությունները շարունակում են ամենաակտիվ ձևով զինել Ուկրաինան։ Դա ոչ միայն հանգեցնում է մարտական գործողությունների երկարաձգմանը, այլև հղի է անկանխատեսելի հետևանքներով», – ասել է Զախարովան։
Նա հավելել է, որ «դա սպառնում է խաղաղ բնակչության անվտանգությանը` հաշվի առնելով, որ ուկրաինացի ազգայնականները նրանց օգտագործում են որպես կենդանի վահան»։
ՆԱՏՕ-ն կավելացնի Ուկրաինային տրամադրվող օգնությունը. գլխավոր քարտուղար
«Նման մատակարարումներ իրականացնելով` արևմտյան երկրները կոպտորեն խախտում են զենքի չտարածման և անվտանգ պահպանման հետ կապված սեփական պարտավորությունները», – ընդգծել է դիվանագետը։
Զախարովան հավելել է` Ռուսաստանը կարծում է, որ Ուկրաինայի հետ հնարավոր է պայմանավորվել։
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։ Ռուսաստանցիներին ուղղված հեռուստաուղերձում նա ասաց, որ հանգամանքները վճռական և անհապաղ գործողություններ են պահանջում։
Ուկրաինայում մարտական գործողություններն ընթանում են արդեն 29–րդ օրը։
Մեծ Բրիտանիան ՌԴ-ի նկատմամբ պատժամիջոցների ցուցակում ավելացրել է 33 մարդու
Լրահոս
0