Фон для радио  - Sputnik Արմենիա, 1920
ՌԱԴԻՈ

Բաքվին ու Անկարային թվում է՝ ՌԴ-ն Ուկրաինայում խնդիր ունի, առիթից օգտվում են․ քաղաքագետ

Բաքվին ու Անկարային թվում է՝ ՌԴ-ն Ուկրաինայում խնդիր ունի, առիթից օգտվում են․ քաղաքագետ
Բաժանորդագրվեք
Yandex newsTelegram
«Ոսկանապատ» վերլուծական կենտրոնի ղեկավար, քաղաքագետ Հրանտ Մելիք–Շահնազարյանը կարծում է, որ թուրք-ադրբեջանական դաշինքը սխալ հաշվարկեր է արել։
Բաքվում ու Անկարայում որոշել են, որ Ռուսաստանն Ուկրաինայում չի կարողանում լուծել իր համար կարևորագույն աշխարհաքաղաքական խնդիրները և դա որպես առիթ են օգտագործում մեր տարածաշրջանում իրենց դիրքերը մի քիչ ավելի ամրապնդելու և Ռուսաստանի հետ նոր առևտուր սկսելու համար։ Sputnik Արմենիայի եթերում նման կարծիք հայտնեց քաղաքագետ Հրանտ Մելիք-Շահնազարյանը՝ խոսելով Արցախում Ադրբեջանի վերջին սադրանքների հնարավոր դրդապատճառների մասին։
«Թուրք-ադրբեջանական դաշինքի հաշվարկները բավական սխալ են, բայց ամեն դեպքում այս պահին մենք գործ ունենք հենց այդ իրավիճակի հետ։ Նրանք Ռուսաստանի համար Ուկրաինայում խնդիր են տեսնում, փորձում են պահը բաց չթողնել, փորձում են Ղարաբաղում իրենց մարտական դիրքերը մի քիչ ամրապնդել»,-ասաց քաղաքագետը։
Մելիք-Շահնազարյանը վստահ է՝ Ադրբեջանն իր գործողություններում աշխատում է Թուրքիայի հետ, իսկ Թուրքիան էլ Ուկրաինայի հարցում այնպես չէ, որ չեզոք դիրք ունի։ Թուրքիայի խաղը, ըստ քաղաքագետի, հակառուսական բազում տարրեր ունի։
«Թուրքիան աջակցում է Ուկրաինային ռազմականապես, քաղաքականապես, պաշտպանում է Ուկրաինայի տարածքային ամբողջականությունը և մշտապես ակտիվ է պահում նույնիսկ Ղրիմի հարցը, ընդունում է Ղրիմի թաթարների ներկայացուցիչներին։ Այլ հարց է, որ Թուրքիան չի անցնում այն սահմանը, որից հետո ինքը կարող է տուժել տնտեսապես, ռազմականապես և այլն»,-նշեց Մելիք-Շահնազարյանը։
Քաղաքագետի խոսքով՝ Թուրքիան փորձում է օգտվել այն առիթից, որ հիմա գրեթե ամբողջ աշխարհը Ռուսաստանի դեմ է համախմբված ու օգտագործել դա Մերձավոր Արևելքում, Հարավային Կովկասում և Սև ծովի ավազանում խնդիրներ լուծելու համար։
Հիշեցնենք` Ադրբեջանի զինված ուժերը մարտի 24-ին` ժամը 16։00-ին, ԼՂ Ասկերանի շրջանի Փառուխ գյուղի ուղղությամբ խախտել են շփման գիծը։ Անվտանգության նկատառումներից ելնելով` տարհանվել են հարևան Խրամորթ գյուղի կանայք և երեխաները։
Sputnik Արմենիայի աղբյուրը տեղեկացրել էր, որ ադրբեջանական զինուժը առաջ է անցել իր դիրքերից և մտել Փառուխ գյուղ։ Դա տեղի է ունեցել դիրքերից պաշտպանության բանակի ստորաբաժանումների պլանային դուրսբերման ժամանակ։
Այսօր առավոտյան Արցախի ՊՆ–ն հայտնեց, որ ադրբեջանական ստորաբաժանումները մարտի 25-ի գիշերը կրակ են բացել ՊԲ ստորաբաժանումների վրա՝ կիրառելով ինչպես տարբեր տրամաչափի հրաձգային զինատեսակներ, այնպես էլ հարվածային ԱԹՍ
Ավելի ուշ Արցախի տեղեկատվական շտաբը տեղեկացրեց, որ ադրբեջանական ԶՈւ ստորաբաժանումների հրահրած փոխհրաձգության հետևանքով հայկական կողմը 5 վիրավոր ունի, բոլորը պայմանագրայիններ են։
Մարտի 25-ի կեսօրից Ադրբեջանի ԶՈւ ստորաբաժանումները, բացի հրաձգային զինատեսակներից, կիրառել են նաև հարվածային անօդաչու թռչող սարքեր, այդ թվում` «Bayraktar TB-2»: Հայկական կողմից զոհվել են ՊԲ երկու պայմանագրային զինծառայող, վիրավորների թիվը ճշտվում է:
Լրահոս
0