Կիևի մոտ թևավոր հրթիռով խոցվել է խոշոր նավթապահեստներից մեկը. ՌԴ ՊՆ ամփոփագիրը

© Пресс-служба Минобороны РФ / Անցնել ֆոտոբանկԻգոր Կոնաշենկով
Իգոր Կոնաշենկով - Sputnik Արմենիա, 1920, 25.03.2022
Բաժանորդագրվեք
Yandex newsTelegram
ՌԴ ինքնաթիռներն ու ուղղաթիռները գիշերվա ընթացքում ուկրաինական 51 ռազմական օբյեկտ են ոչնչացրել։
ԵՐԵՎԱՆ, 25 մարտի – Sputnik. ՌԴ ԶՈւ խմբավորումը զարգացնում է ուկրաինական զորքերի 25-րդ օդադեսանտային բրիգադի ստորաբաժանումների վրա հարձակումը, առաջ է անցել ևս 4 կմ և ազատագրել 5 բնակավայր։ Այս մասին այսօր ճեպազրույցի ժամանակ հայտարարել է ՌԴ ՊՆ պաշտոնական ներկայացուցիչ, գեներալ–մայոր Իգոր Կոնաշենկովը։
«ՌԴ ԶՈւ զորամիավորումը գիշերվա ընթացքում ևս 4 կմ առաջ է անցել և գրավել Բատմանկա, Միխայլովկա, Կրասնի Պարտիզան, Ստավկի և Տրոիցկոյե բնակավայրերը։ Ներկա պահին հարձակում է զարգացնում ուկրաինական զորքերի 25-րդ օդադեսանտային բրիգադի ստորաբաժանումների վրա», – նշել է նա։
ՊՆ–ի տվյալներով` հատուկ ռազմական գործողությունների մեկնարկից ի վեր ՌԴ ԶՈւ–ի կողմից ոչնչացվել է 261 ԱԹՍ, 204 ԶՀՀ, 1587 տանկ և այլ զրահամեքենա, 163 համազարկային կրակի ռեակտիվ համակարգ, 636 դաշտային հրետանու սարք և ականանետ, ինչպես նաև հատուկ ռազմական ավտոմոբիլային տեխնիկայի 1397 միավոր։
ՌԴ ինքնաթիռներն ու ուղղաթիռները գիշերվա ընթացքում ուկրաինական 51 ռազմական օբյեկտ են ոչնչացրել։
Խաբարովսկի բնակչին ձերբակալել են Ուկրաինային գաղտնի տեղեկություն վաճառելու փորձի համար
Գեներալը նշել է, որ ոչնչացվել են նաև «երկու հրամանատարային կետ, 3 ՀԿՌՀ, 2 «Բուկ Մ-1» ԶԶՀ և Ս-300 մեկ ռադիոլոկատոր Դնեպրոպետրովսկում, Դ-30 տեսակի 3 հրետանային զենք, հրթիռահրետանային սպառազինության և զինամթերքի 2 պահեստ, ինչպես նաև մարտական տեխնիկայի կենտրոնացման 26 շրջան»։
Բացի այդ` ՌԴ ԶՈւ–ն Կիևի մերձակայքում խոցել է ուկրաինական զորքին մատակարարող խոշոր նավթապահեստներից մեկը։
«Մարտի 24-ի երեկոյան ծովային տեղակայման բարձր ճշգրտության «Կալիբր» թևավոր հրթիռներով հարված է հասցվել Կիևի մերձակայքի Կալինովկա բնակավայրում գտնվող վառելիքի պահեստին։ Ոչնչացվել է Ուկրաինայի ԶՈւ–ի մոտ մնացած վառելիքային պահեստներից ամենամեծը, որից վառելիք էր մատակարարվում երկրի կենտրոնական հատվածում գտնվող զորամասին», – ասել է նա։
Հիշեցնենք, որ փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։ Ռուսաստանցիներին ուղղված հեռուստաուղերձում նա ասաց, որ հանգամանքները վճռական և անհապաղ գործողություններ են պահանջում։
Ուկրաինայում մարտական գործողություններն ընթանում են արդեն 30–րդ օրը։
Լրահոս
0