Լրացուցիչ ռիսկեր չենք ստեղծի. կառավարությունը չի պատրաստվում կրճատել պարգևավճարները

© Sputnik / Asatur YesayantsՏիգրան Խաչատրյան
Տիգրան Խաչատրյան - Sputnik Արմենիա, 1920, 28.03.2022
Տիգրան Խաչատրյան
Բաժանորդագրվեք
Yandex newsTelegram
Ֆինանսների նախարարի խոսքով` հիմա կառավարությունը հակաճգնաժամային բազմաթիվ միջոցառումներ է քննարկում և դրանց իրականացման համար միջոցներ է հատկացնում։
ԵՐԵՎԱՆ, 28 մարտի – Sputnik. ՀՀ կառավարությունում պարգևավճարներից հրաժարվելու անհրաժեշտություն չեն տեսնում։ Այսօր ԱԺ տնտեսական հարցերի մշտական հանձնաժողովի արտահերթ նիստում ասաց ՀՀ ֆինանսների նախարար Տիգրան Խաչատրյանը` խոսելով նոր աշխարհաքաղաքական ու տնտեսական նոր իրողությունների պայմաններում ՀՀ իշխանության հնարավոր քայլերի մասին։
Ֆինանսների նախարարը շեշտեց, որ պետական ծախսերի վերանայման անհրաժեշտություն այս պահին կառավարությունում չեն տեսնում։
«Կառավարությունը հակաճգնաժամային բազմաթիվ միջոցառումներ է քննարկում հիմա և դրանց իրականացման համար միջոցներ է հատկացնում, և դա կատարում է ծախսերի վերաբաշխման որոշումներ կայացնելով, այդ թվում` ընթացիկ։ Եթե գա այնպիսի պահ, որ պետք է վերանայվեն նաև պարգևավճարներին տրվող որոշակի գումարները, որպեսզի որոշակի առաջնահերթ կարևոր ծախսեր կատարվեն, բնականաբար, կլինեն նաև այդ որոշումները»,– ասաց Խաչատրյանը։
Ֆինանսների նախարարը միաժամանակ նաև շեշտեց, որ ծախսերի նվազեցումը կարող է հանգեցնել տնտեսական ակտիվության զսպման, մինչդեռ մակրոտնտեսական տեսանկյունից ծախսերի ընդհանուր չափը երկրի տնտեսության համար կարևոր է։
«Ուզում եմ շեշտել, որ ծախսերը նվազեցնելու արդյունքում չենք ստեղծի այնպիսի ռիսկեր, որ տնտեսական ակտիվությունը լրացուցիչ զսպող նշանակություն ունենա»,– ասաց նա։
Մեզ մոտ անպայման կլինեն կարճաժամկետ շոկեր. նախարարը հույս ունի, որ դա երկար չի տևի
Նշենք, որ պետական պաշտոն և պետական ծառայության պաշտոն զբաղեցնող անձանց պարգևատրումը կարող է իրականացվել ՀՀ պետական բյուջեով նախատեսված պարգևատրման ֆոնդից, աշխատավարձի ֆոնդի տնտեսված միջոցներից, տվյալ մարմնի աշխատանքների փորձարարական կազմակերպման համար օպտիմալացված միջոցներից, ինչպես նաև օրենքով չարգելված այլ աղբյուրներից:
Արձակուրդ չտալու դեպքում գործատուն կտուգանվի. օրենքում փոփոխություններ են նախատեսվում
Լրահոս
0