Նիկոլ Փաշինյանը ՀՀ ԱԻՆ նախարարին երկշաբաթյա հանգստի է ուղարկում

© Sputnik / Aram NersesyanՀՀ արտակարգ իրավիճակների նախարար Անդրանիկ Փիլոյան
ՀՀ արտակարգ իրավիճակների նախարար Անդրանիկ Փիլոյան - Sputnik Արմենիա, 1920, 28.03.2022
ՀՀ արտակարգ իրավիճակների նախարար Անդրանիկ Փիլոյան. Արխիվային լուսանկար
Բաժանորդագրվեք
Yandex newsTelegram
Sputnik Արմենիայի տեղեկություններով` ՀՀ ազգային անվտանգության ծառայությունն այսօր խուզարկություն է իրականացրել ԱԻՆ–ում։
ԵՐԵՎԱՆ, 28 մարտի – Sputnik. ՀՀ վարչապետ Նիկոլ Փաշինյանը արտակարգ իրավիճակների նախարար Անդրանիկ Փիլոյանին 14 աշխատանքային օր տևողությամբ արձակուրդ է տրամադրում։ Տեղեկությունը հրապարակված է ՀՀ կառավարության e-gov հարթակում։
«Հայաստանի Հանրապետության արտակարգ իրավիճակների նախարար Անդրանիկ Փիլոյանին տրամադրել 2020-2021 թվականների աշխատանքային տարվա ամենամյա արձակուրդը՝ 14 աշխատանքային օր տևողությամբ՝ 2022 թվականի մարտի 28-ից ապրիլի 14-ը ներառյալ»,– նշված է որոշման մեջ:
Փիլոյանին այդ ընթացքում կփոխարինի նրա առաջին տեղակալ Արմեն Փամբուխչյանը։
Հիշեցնենք, որ Sputnik Արմենիայի աղբյուրներն այսօր հաստատել էին այն լուրը, թե մարտի 28-ին ԱԻՆ–ում ազգային անվտանգության ծառայությունը խուզարկություն է իրականացրել։
«Հրապարակ» օրաթերթն էլ գրել էր, որ խուզարկություն է իրականացվում նախարար Անդրանիկ Փիլոյանի խորհրդական Աշոտ Հակոբյանի աշխատասենյակում։ Նշվում էր, որ թիրախում նախարարն է, սակայն այս պահին դեռևս գործողություններ են կատարվում նրա խորհրդականի աշխատասենյակում ։
Լրահոս
0