8 բնակարան, 6 ավտոկայանատեղի Երևանում...ՊԵԿ նախկին աշխատակցի գույքը կբռնագանձվի

© Sputnik / Aram NersesyanՀյուսիսային պողոտա
Հյուսիսային պողոտա  - Sputnik Արմենիա, 1920, 29.03.2022
Բաժանորդագրվեք
Yandex newsTelegram
ՊԵԿ նախկին աշխատակից Վահրամ Գուրողլյանից և նրա հետ փոխկապակցված 3 անձանցից բռնագանձման ենթակա գումարը 2 միլիարդ 812 մլն դրամ է։
ԵՐԵՎԱՆ, 29 մարտի – Sputnik. Դատարանը վարույթ է ընդունել ապօրինի ծագում ունեցող գույքի բռնագանձման վերաբերյալ հեթական հայցադիմումը, որի շրջանակներում բռնագանձման դիմում է նեկայացվել 1 միլիարդ 601 միլիոն դրամի գույքի վերաբերյալ։ Տեղեկությունը հայտնում է ՀՀ գլխավոր դատախազությունը։
Նշվում է, որ դատախազության ապօրինի ծագում ունեցող գույքի բռնագանձման գործերով վարչությունը պահանջ է ներկայացրել դատարանին ՊԵԿ նախկին աշխատակից Վահրամ Գուրողլյանից և նրա հետ փոխկապակցված 3 անձանցից հօգուտ ՀՀ–ի բռնագանձել նրանց գույքը։ Մասնավորապես, խոսքը Երևանում գտնվող 8 բնակարանների և Հյուսիսային պողոտայում գտնվող 6 ավտոկայանատեղիների, 4 հասարակական նշանակության տարածքների, Կոտայքի մարզում գտնվող հանգստյան գոտու և 2 հողամասերի, ինչպես նաև 2 տրանսպորտային միջոցների մասին է։
Բացի այդ, բռնագանձման դիմումում նշված է նաև Ավստրիայում գտնվող 2 անշարժ գույքի ձեռքբերման համար վճարած դրամական միջոցները՝ ապօրինի դիտարկված 170 մլն դրամը, ինչպես նաև ևս 293 մլն դրամ` որպես ապօրինի դրամական միջոցների մնացորդ։
Ինչո՞ւ է խուզարկվում ԱԻՆ–ը. Հակակոռուպցիոն կոմիտեի պատասխանը
Դատախազությունը հայտնում է` կա նաև 748 մլն դրամի գույք, որի գումարը պետք է բռնագանձվի` հիմք ընդունելով ապօրինի ծագում ունեցող գույքի բռնագանձման մասին օրենքի 20-րդ հոդվածի 4-րդ մասը (եթե ապօրինի ծագում ունեցող գույքը փոխանցվել է բարեխիղճ ձեռքբերողի, կամ այն անհնար է նույնականացնել, առանձնացնել կամ բռնագանձել, ապա դատարանի որոշմամբ (համապատասխան պահանջի առկայության դեպքում)` պատասխանողից կարող է բռնագանձվել հայցի ներկայացման պահի դրությամբ ապօրինի ծագում ունեցող գույքի շուկայական արժեքի չափով գումար)։
ՀՀ գլխավոր դատախազությունում վերոնշյալ վարչության ձևավորումից հետո սա ապօրինի ծագում ունեցող գույքի բռնագանձման 5-րդ հայցադիմումն է, որ դատարանը վարույթ է ընդունել:
Լրահոս
0