Եկել է ժամանակը, որ ռուս–ուկրաինական բանակցություններն արդյունք ունենան. Էրդողան

© REUTERS / FLORION GOGAԹուրքիայի նախագահ
Թուրքիայի նախագահ - Sputnik Արմենիա, 1920, 29.03.2022
Թուրքիայի նախագահ
Բաժանորդագրվեք
Yandex newsTelegram
Ռեջեփ Թայիփ Էրդողանը ողջունել է Ռուսաստանի և Ուկրաինայի պատվիրակություններին։
ԵՐԵՎԱՆ, 29 մարտի – Sputnik. Թուրքիան հուսով է, որ Ռուսաստանի և Ուկրաինայի միջև կայանալիք հանդիպումն օգուտ կբերի բանակցային գործընթացին։ ՏԱՍՍ–ը հայտնում է, որ այս մասին ասել է Թուրքիայի նախագահ Ռեջեփ Թայիփ Էրդողանը։
Նա հայտարարել է, որ Ուկրաինայում տիրող իրավիճակը շատ է մտահոգում և տխրեցնում Թուրքիային, որը Ռուսաստանի և Ուկրաինայի ընկերն ու հարևանն է։
Էրդողանը ՌԴ և Ուկրաինայի պատվիրակություններին դիմելիս կոչ է արել հրադադար հաստատել։ Թուրքիան պատրաստ է անհրաժեշտ աջակցություն ցուցաբերել ՌԴ–ի և Ուկրաինայի բանակցային պատվիրակությունների աշխատանքը հեշտացնելու համար։

«Եկել է ժամանակը, որ ռուս–ուկրաինական բանակցություններն արդյունք ունենան։ Մենք հավատում ենք, որ արդար աշխարհում պարտվողներ չեն լինի, կողմերը պետք է կանգնեցնեն այդ ողբերգությունը։ Բոլորը շահագրգռված են, որ հրադադարի ռեժիմը հնարավորինս շուտ հաստատվի։ Մենք կարծում ենք, որ մտել ենք մի շրջան, երբ բանակցություններից պետք է կոնկրետ արդյունքներ ստանանք։ Աշխարհը ձեզնից լավ նորություններ է սպասում։ Մենք պատրաստ ենք ցանկացած ներդրման, ինչը կհեշտացնի ձեր աշխատանքը»,– ասել է Էրդողանը և ավելացրել, որ Անկարան պատրաստ է կազմակերպել նաև ՌԴ նախագահ Վլադիմիր Պուտինի և Ուկրաինայի նախագահ Վլադիմիր Զելենսկու հանդիպումը։

Նշենք, որ ռուս–ուկրաինական բանակցությունները կմեկնարկեն Երևանի ժամանակով 11:30-ին և կանցկացվեն Դոլմաբահչեի նախագահական գրասենյակում: Հարակից տների տանիքներին հերթապահում են դիպուկահարները:
Ավելի վաղ Դոլմաբահչեի դղյակին է մոտեցել նաև Թուրքիայի ԱԳ նախարար Չավուշօղլուի ավտոշարասյունը։
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։ Ռուսաստանցիներին ուղղված հեռուստաուղերձում նա ասաց, որ հանգամանքները վճռական և անհապաղ գործողություններ են պահանջում։
Փետրվարի 21–ից սկսած, երբ Վլադիմիր Պուտինը հայտարարեց ԼԺՀ–ն ու ԴԺՀ–ն ճանաչելու որոշման մասին, ԱՄՆ–ն, Եվրամիությունն ու Արևմուտքի շատ երկրներ պատժամիջոցների շարք սկսեցին Ռուսաստանի դեմ։
Պատժամիջոցներն առնչվում են բանկային ոլորտին, ավիացիային, տնտեսության տարբեր ճյուղերին, կապի ոլորտին և անգամ մշակույթին ու սպորտին։
Ուկրաինայում մարտական գործողություններն ընթանում են արդեն 34–րդ օրը։
ՌԴ–ն ու Ուկրաինան բանակցությունների երեք փուլ են անցկացրել Բելառուսում։ Հետագա բանակցություններն անցկացվել են առցանց ձևաչափով։
Լրահոս
0