Երևանի կենդանաբանական այգին տնօրենի նոր ժամանակավոր պաշտոնակատար ունի
18:10 29.03.2022 (Թարմացված է: 18:11 29.03.2022)
© Photo : press office of Yerevan municipalityԵրևանի քաղաքապետը Կենդանաբանական այգու աշխատակազմին է ներկայացրել տնօրենի ժ/պ Էդմոն Ղազարյանին
Երևանի քաղաքապետը Կենդանաբանական այգու աշխատակազմին է ներկայացրել տնօրենի ժ/պ Էդմոն Ղազարյանին
© Photo : press office of Yerevan municipality
Բաժանորդագրվել
Երևանի քաղաքապետը ներկայացրել է այգու տնօրենի ժամանակավոր պաշտոնակատարին։
ԵՐԵՎԱՆ, 29 մարտի – Sputnik. Երևանի կենդանաբանական այգին տնօրենի նոր ժամանակավոր պաշտոնակատար ունի։ Երևանի քաղաքապետարանի պաշտոնական կայքից տեղեկանում ենք, որ Երևանի քաղաքապետը Կենդանաբանական այգու աշխատակազմին է ներկայացրել տնօրենի ժ/պ Էդմոն Ղազարյանին:
Անդրադառնալով այգու առկա խնդիրներին՝ Հրաչյա Սարգսյանն ընդգծել է, որ ոլորտը կանոնակարգելու համար այգին առաջին հերթին պետք է լավ կառավարիչ ունենա:
© Photo : press office of Yerevan municipalityԵրևանի քաղաքապետը Կենդանաբանական այգու աշխատակազմին է ներկայացրել տնօրենի ժ/պ Էդմոն Ղազարյանին
Երևանի քաղաքապետը Կենդանաբանական այգու աշխատակազմին է ներկայացրել տնօրենի ժ/պ Էդմոն Ղազարյանին
© Photo : press office of Yerevan municipality
«Այն խնդիրները, որոնք այսօր առկա են այգում, պահանջում են արդյունավետ կառավարում, ամենօրյա վերահսկողություն ու հետևողական աշխատանք: Ինչ վերաբերում է մասնագիտական հարցերին, ապա առաջիկայում այգին կունենա նաև նոր փոխտնօրեն և ձևավորված կառավարման խորհրդի հետ համատեղ, համոզված եմ, կգտնենք արդյունավետ լուծումներ»,-ասել է քաղաքապետը։
Ի դեպ, այգու տնօրենի ԺՊ–ն Երևանի Նորք–Մարաշ վարչական շրջանի նախկին ղեկավարն է։
Մարտի 25-ին հայտնի դարձավ, որ այգու տնօրենի ժամանակավոր պաշտոնակատար Արևիկ Մկրտչյանն ազատվել է աշխատանքից։
© Photo : press office of Yerevan municipalityԵրևանի քաղաքապետը Կենդանաբանական այգու աշխատակազմին է ներկայացրել տնօրենի ժ/պ Էդմոն Ղազարյանին
Երևանի քաղաքապետը Կենդանաբանական այգու աշխատակազմին է ներկայացրել տնօրենի ժ/պ Էդմոն Ղազարյանին
© Photo : press office of Yerevan municipality
Հիշեցնենք, որ 2019-ի նոյեմբերին` այգու նախկին տնօրեն Ռուբեն Խաչատրյանի աշխատանքից ազատվելուց հետո ԺՊ նշանակվեց Վլադիմիր Սիմոնյանը, ապա Արևիկ Մկրտչյանը։
Հավելենք, որ կենդանիների անկման տարօրինակ դեպքերի հետ կապված` 2018 թվականից այգու աշխատակիցները ժամանակ առ ժամանակ բողոքի ցույցեր են անցկացնում։
Վերջին անկման դեպքը գրանցվել էր փետրվարի 15-ին։ Կենդանաբանական այգու յագուարի սատկելու լուրը հայտնել էր անձամբ տնօրենի ԺՊ–ն։