Фон для радио  - Sputnik Արմենիա, 1920
ՌԱԴԻՈ

Կան խթաններ, որոնք ստիպում են ԵԱՀԿ Մինսկի խմբի համանախագահներին ակտիվանալ

Կան խթաններ, որոնք ստիպում են ԵԱՀԿ Մինսկի խմբի համանախագահներին ակտիվանալ. Քեռյան
Բաժանորդագրվեք
Yandex newsTelegram
Քաղաքագետ, ԵՊՀ Միջազգային հարաբերությունների ֆակուլտետի քաղաքական ինստիտուտների և գործընթացների ամբիոնի վարիչ Գարիկ Քեռյանը Sputnik Արմենիայի եթերում անդրադարձել է ԵԱՀԿ Մինսկի խմբի շրջանակում հայ–ադրբեջանական բանակցությունների հեռանկարին։
ԵԱՀԿ Մինսկի խմբի գոյությունն այս պահին շատ վիճահարույց է, որովհետև հակառակի պես ցանկանում է ակտիվանալ այն ժամանակ, երբ ուկրաինական ճգնաժամի համատեքստում պատժամիջոցային քաղաքականության պատճառով ԵԱՀԿ Մինսկի խմբի երկու համանախագահող երկրներ Ֆրանսիան և ԱՄՆ–ն ՌԴ–ի կողմից ճանաչվել են ոչ բարեկամական պետություններ։ Sputnik Արմենիայի հետ զրույցում այս մասին ասաց քաղաքագետ Գարիկ Քեռյանը։
Ըստ նրա` գործնականում անհնար է պատկերացնել, թե նման միջպետական հարաբերությունների պարագայում համանախագահներն ինչպես են հարաբերվելու կամ միասին աշխատելու, որովհետև ՌԴ–ի նկատմամբ բացահայտ թշնամական վերաբերմունքն ու վերջինիս հակադարձումը լավատեսություն չեն ներշնչում։
«Դժվար է կռահել, թե այս պահին ԵԱՀԿ Մինսկի խմբի ակտիվացման մոտիվացիան որտեղից է գալիս։ Դատելով արևմտյան երկրների դիրքորոշումներից` նրանց համար մեր տարածաշրջանում երկրորդ ճակատի բացումը կարծես թե ավելի ձեռնտու պետք է լիներ, քան հակամարտության կարգավորումը կամ բանակցությունների վերսկսումը, մինչդեռ ՌԴ–ի դիրքորոշումը միանգամայն հասկանալի է, քանզի Թուրքիան և Ադրբեջանը կանգնել են Ուկրաինայի կողքին` հարուցելով ՌԴ–ի դժգոհությունն ու հակակրանքը։ Հնարավոր է, որ Մոսկվան ինչ–որ տեղ մտածում է նրանց պատժել նման վարքագծի համար, որովհետև բացահայտ նոնսենս է, երբ Ադրբեջանը ՌԴ–ի հետ ռազմավարական համաձայնագիր է ստորագրում, բայց հետո ակնհայտորեն աջակցում է Ուկրաինային»,– ասաց քաղաքագետը։
Քեռյանի դիտարկմամբ` եթե ԵԱՀԿ–ն ակտիվացել է, նշանակում է` կան խթաններ, որոնք ստիպում են համանախագահներին ակտիվանալ։ Ըստ նրա` Ադրբեջանն այժմ չի ընդունում այդ ձևաչափի գործունեությունը որպես հակամարտության կարգավորման մեխանիզմ, կառույցի նկատմամբ դժգոհություն կա նաև Հայաստանում, որովհետև նշված ձևաչափը լուռ էր 44-օրյա պատերազմի օրերին` անուղղակիորեն նպաստելով ադրբեջանական ագրեսիային և ուժի չկիրառման սկզբունքի խախտմանը, մինչդեռ կարող էին Ադրբեջանի նկատմամբ կիրառել պատժամիջոցներ։
Ադրբեջանը նպատակ ունի հայաթափել Արցախը. ՔՊ-ական պատգամավորը՝ ԵԱՀԿ ԽՎ պաշտոնյաներին
Քաղաքագետի կարծիքով`ԵԱՀԿ Մինսկի խմբի համանախագահների ակտիվությունը չպետք է մերժել, քանզի այլ ձևաչափ գոյություն չունի, ուստի Հայաստանը պետք է ամեն ինչ անի, որպեսզի հակամարտության կարգավորումը մտնի խաղաղ հուն, թեև ԵԱՀԿ համանախագահներն, ըստ նրա, բարոյական մեծ պատասխանատվություն ունեն հայ ժողովրդին ու Հայաստանին 44-օրյա պատերազմի ընթացքում լքելու համար։
Նշենք, որ ԵԱՀԿ գործող նախագահ, Լեհաստանի արտաքին գործերի նախարար Զբիգնև Ռաուն մարտի 29-ից ապրիլի 1-ը կայցելի Վրաստան, Ադրբեջան և Հայաստան:
Հայաստանում Ռաուն կհանդիպի նախագահ Վահագն Խաչատուրյանի, վարչապետ Նիկոլ Փաշինյանի և արտաքին գործերի նախարար Արարատ Միրզոյանի հետ:
Տարածաշրջանային այցի նպատակն է հարավկովկասյան տարածաշրջանում խթանելու խաղաղ համագործակցությունը, երկխոսությունը և կայունությունը:
Լրահոս
0