Փաշինյանը հաստատել է Սահմանադրական բարեփոխումների մասնագիտական հանձնաժողովի կազմը

© Photo : press office of the Government of RAՆիկոլ Փաշինյան
Նիկոլ Փաշինյան - Sputnik Արմենիա, 1920, 29.03.2022
Բաժանորդագրվեք
Yandex newsTelegram
5 անդամներից 4-ը իրավաբանական գիտությունների թեկնածուներ են, 1-ը` իրավագիտության մագիստրոս։
ԵՐԵՎԱՆ, 29 մարտի – Sputnik. ՀՀ վարչապետ Նիկոլ Փաշինյանի որոշմամբ այսօր հաստատվել է Սահմանադրական բարեփոխումների մասնագիտական հանձնաժողովի անհատական կազմը։ Դրանում ներառվել են իրավաբանական գիտությունների թեկնածուներ Ա. Մանասյանը, Դ. Հակոբյանը, Ռ. Գրիգորյանը, Ա. Գեղամյանը և իրավագիտության մագիստրոս Լ. Հակոբյանը։
Ընտրվել են Սահմանադրական բարեփոխումների մասնագիտական հանձնաժողովի 5 թեկնածուները
Հիշեցնենք` մինչ այս արդեն հաստատվել էր Սահմանադրական բարեփոխումների խորհրդի կազմը, դրա նախագահը ՀՀ արդարադատության նախարար Կարեն Անդրեասյանն է, տեղակալը` միջազգային իրավական հարցերով Հայաստանի ներկայացուցիչ Եղիշե Կիրակոսյանը։ Խորհրդի անդամների շարքում են նաև ԱԺ պետաիրավական հանձնաժողովի նախագահ Վլադիմիր Վարդանյանը, մարդու իրավունքների պաշտպան Քրիստինե Գրիգորյանը:
Խորհրդի կազմում են նաև ԱԺ «Քաղաքացիական պայմանագիր» խմբակցության, ինչպես նաև արտախորհրադարանական «Լուսավոր Հայաստան» ու «Հանրապետություն» կուսակցությունների ներկայացուցիչներ։
Խորհրդարանական ընդդիմությունը հրաժարվել է մասնակցել Սահմանադրական բարեփոխումների մարմինների աշխատանքներին։
ՀՀ հասարակական կազմակերպությունները խորհրդում ներկայացնում են «Հելսինկյան քաղաքացիական ասամբլեայի Վանաձորի գրասենյակ» ՀԿ-ից Արթուր Սաքունցը, «Իրազեկ քաղաքացիների միավորում» ՀԿ-ից Դանիել Իոաննիսյանն ու «Իրավունքի Եվրոպա» ՀԿ-ից Տիգրան Եգորյանը:
Հիշեցնենք նաև, որ 2021–ի դեկտեմբերին ՀՀ վարչապետ Նիկոլ Փաշինյանը հրամանագիր էր ստորագրել 2020 թվականի փետրվարի 12-ին ստեղծված Սահմանադրական բարեփոխումների մասնագիտական հանձնաժողովը լուծարելու և Սահմանադրական բարեփոխումների նոր խորհուրդ ստեղծելու մասին։
Լրահոս
0