Վախ, էսօրվանից սիրում եմ քեզ. Սուրենյանը ՀՀ–ում կլիմայական գարուն է ազդարարել

© Sputnik / Asatur YesayantsԳագիկ Սուրենյան
Գագիկ Սուրենյան - Sputnik Արմենիա, 1920, 29.03.2022
Գագիկ Սուրենյան. Արխիվային լուսանկար
Բաժանորդագրվեք
Yandex newsTelegram
Օգտատերերն ուրախացել են պայծառ եղանակի համար և ջերմ մեկնաբանություններ թողել Սուրենյանի գրառման տակ։
ԵՐԵՎԱՆ, 29 մարտի – Sputnik. Հայաստանի Հանրապետության տարածքում այսօրվանից կլիմայական գարուն է։
Այս մասին «Ֆեյսբուք»–ի իր էջում գրել է Հիդրոօդերևութաբանության և մոնիտորինգի կենտրոնի պետի տեղակալ Գագիկ Սուրենյանը։
«Թող այն խաղաղություն և բերրիություն բերի մեր երկրին և աշխարհին»,– նշել է Սուրենյանը։
Օգատերերը Սուրենյանի գրառման տակ մեկնաբանություններում իրենց ուրախությունն են հայտնել պայծառ եղանակի վերաբերյալ։
«Ուռա՜», «Բարև գարուն», «Օ, ամենափրկիչ Սուրենյան, խեր խաբարում մնաս», «Կլիմայական գարնան հետ,մարդկանց հոգիներում էլ թող գարուն գա», «Վախ, էսօրվանից սիրում եմ քեզ, Սուրենյան»,- գրել են օգտատերերը։
Հիշեցնենք, որ Հիդրոօդերևութաբանության և մոնիտորինգի կենտրոնը տեղեկացրել է, որ այսօր և վաղը Հայաստանում տեղումներ չեն գրանցվի։ Առանձին շրջաններում տեղումներ են սպասվում մարտի 31-ի գիշերը, առավոտյան և ցերեկային ժամերին։
Օդի ջերմաստիճանը մարտի 29-31-ն, ապրիլի 1-2-ն աստիճանաբար կբարձրանա 13-16 աստիճանով։
Լրահոս
0