https://arm.sputniknews.ru/20220330/ukrainan-yst-eutjan-hamadzajnel-e-rdi-skzbunqajin-pahanjnerin-medinski-40356756.html
Ուկրաինան, ըստ էության, համաձայնել է ՌԴ–ի սկզբունքային պահանջներին. Մեդինսկի
Ուկրաինան, ըստ էության, համաձայնել է ՌԴ–ի սկզբունքային պահանջներին. Մեդինսկի
Sputnik Արմենիա
Վլադիմիր Մեդինսկու խոսքով`Ուկրաինան փոխանցել է ապագա հնարավոր համաձայնագրի սկզբունքները։ 30.03.2022, Sputnik Արմենիա
2022-03-30T18:07+0400
2022-03-30T18:07+0400
2022-03-30T18:10+0400
ուկրաինա
ռուսաստան
վլադիմիր մեդինսկի
https://cdn.am.sputniknews.ru/img/07e6/02/1c/39193786_0:30:1601:930_1920x0_80_0_0_ba41be80933eb6d88d22c12946b01a7e.jpg
ԵՐԵՎԱՆ, 30 մարտի – Sputnik. Ուկրաինան, ըստ էության, համաձայնել է ՆԱՏՕ-ին չանդամակցելու և օտարերկրյա ռազմակայանների տեղակայումից հրաժարվելու մասին Ռուսաստանի սկզբունքային պահանջներին: Այս մասին «Ռոսիա 24» հեռուստաալիքի եթերում ասել է Ուկրաինայի հետ բանակցություններում ռուսական պատվիրակության ղեկավար, ՌԴ նախագահի օգնական Վլադիմիր Մեդինսկին։Նրա խոսքով՝ Ուկրաինան փոխանցել է թղթի վրա ամրագրված հնարավոր ապագա համաձայնագրի սկզբունքները, որոնք նախատեսում են ՆԱՏՕ-ի անդամակցությունից հրաժարում, Ուկրաինայի արտադաշինքային կարգավիճակի ամրագրում, միջուկային զենքից, ինչպես նաև զանգվածային ոչնչացման այլ զինատեսակների տիրապետումից, ձեռքբերումից և մշակումից հրաժարում, օտարերկրյա ռազմակայանների և զորակազմերի տեղակայումից հրաժարում:Ռուսական պատվիրակության ղեկավարն ընդգծել է` եթե պարտավորությունները կատարվեն, ապա Ուկրաինայի տարածքում ՆԱՏՕ-ի պլացդարմի ստեղծման սպառնալիքը կվերացվի։Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։ Ռուսաստանցիներին ուղղված հեռուստաուղերձում նա ասաց, որ հանգամանքները վճռական և անհապաղ գործողություններ են պահանջում։Փետրվարի 21–ից սկսած, երբ Վլադիմիր Պուտինը հայտարարեց ԼԺՀ–ն ու ԴԺՀ–ն ճանաչելու որոշման մասին, ԱՄՆ–ն, Եվրամիությունն ու Արևմուտքի շատ երկրներ պատժամիջոցների շարք սկսեցին Ռուսաստանի դեմ։Պատժամիջոցներն առնչվում են բանկային ոլորտին, ավիացիային, տնտեսության տարբեր ճյուղերին, կապի ոլորտին և անգամ մշակույթին ու սպորտին։Ուկրաինայում մարտական գործողություններն ընթանում են արդեն 35–րդ օրը։Մարտի 29–ին Ստամբուլում կայացավ ՌԴ–ի և Ուկրաինայի պատվիրակությունների բանակցությունների նոր փուլը, հանդիպումն անցկացվեց Դոլմաբահչեի պալատում մամուլի համար փակ ռեժիմում և տևեց շուրջ 3 ժամ։
ուկրաինա
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
ուկրաինա, ռուսաստան, վլադիմիր մեդինսկի
ուկրաինա, ռուսաստան, վլադիմիր մեդինսկի
Ուկրաինան, ըստ էության, համաձայնել է ՌԴ–ի սկզբունքային պահանջներին. Մեդինսկի
18:07 30.03.2022 (Թարմացված է: 18:10 30.03.2022) Վլադիմիր Մեդինսկու խոսքով`Ուկրաինան փոխանցել է ապագա հնարավոր համաձայնագրի սկզբունքները։
ԵՐԵՎԱՆ, 30 մարտի – Sputnik. Ուկրաինան, ըստ էության, համաձայնել է ՆԱՏՕ-ին չանդամակցելու և օտարերկրյա ռազմակայանների տեղակայումից հրաժարվելու մասին Ռուսաստանի սկզբունքային պահանջներին: Այս մասին «Ռոսիա 24» հեռուստաալիքի եթերում ասել է Ուկրաինայի հետ բանակցություններում ռուսական պատվիրակության ղեկավար, ՌԴ նախագահի օգնական Վլադիմիր Մեդինսկին։
Նրա խոսքով՝ Ուկրաինան փոխանցել է թղթի վրա ամրագրված հնարավոր ապագա համաձայնագրի սկզբունքները, որոնք նախատեսում են ՆԱՏՕ-ի անդամակցությունից հրաժարում, Ուկրաինայի արտադաշինքային կարգավիճակի ամրագրում, միջուկային զենքից, ինչպես նաև զանգվածային ոչնչացման այլ զինատեսակների տիրապետումից, ձեռքբերումից և մշակումից հրաժարում, օտարերկրյա ռազմակայանների և զորակազմերի տեղակայումից հրաժարում:
«Այսինքն` Ուկրաինան հայտարարել է, որ պատրաստակամ է կատարել այն սկզբունքային պահանջները, որոնք վերջին տարիներին պնդում էր Ռուսաստանը»,–ասել է Մեդինսկին։
Ռուսական պատվիրակության ղեկավարն ընդգծել է` եթե պարտավորությունները կատարվեն, ապա Ուկրաինայի տարածքում ՆԱՏՕ-ի պլացդարմի ստեղծման սպառնալիքը կվերացվի։
Հիշեցնենք` փետրվարի 24-ի վաղ առավոտյան
Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։ Ռուսաստանցիներին ուղղված հեռուստաուղերձում նա ասաց, որ հանգամանքները վճռական և անհապաղ գործողություններ են պահանջում։
Փետրվարի 21–ից սկսած, երբ Վլադիմիր Պուտինը
հայտարարեց ԼԺՀ–ն ու ԴԺՀ–ն ճանաչելու որոշման մասին, ԱՄՆ–ն, Եվրամիությունն ու Արևմուտքի շատ երկրներ պատժամիջոցների շարք սկսեցին Ռուսաստանի դեմ։
Պատժամիջոցներն առնչվում են բանկային ոլորտին, ավիացիային, տնտեսության տարբեր ճյուղերին, կապի ոլորտին և անգամ մշակույթին ու սպորտին։
Ուկրաինայում մարտական գործողություններն ընթանում են արդեն 35–րդ օրը։
Մարտի 29–ին Ստամբուլում կայացավ ՌԴ–ի և Ուկրաինայի պատվիրակությունների բանակցությունների նոր փուլը, հանդիպումն անցկացվեց Դոլմաբահչեի պալատում մամուլի համար փակ ռեժիմում և տևեց շուրջ 3 ժամ։
