ՌԴ Պետդումայում պաշտպանել են Միխայիլ Դելյագինին` Ադրբեջանին կոչ անելով հանդարտվել

© Sputnik / Владимир ТрефиловՏնտեսական գիտությունների դոկտոր Միխայիլ Դելյագինը մամուլի ասուլիսի ժամանակ (27 դեկտեմբերմ 2018թ)․ Մոսկվա
Տնտեսական գիտությունների դոկտոր Միխայիլ Դելյագինը մամուլի ասուլիսի ժամանակ (27 դեկտեմբերմ 2018թ)․ Մոսկվա - Sputnik Արմենիա, 1920, 30.03.2022
Բաժանորդագրվեք
Yandex newsTelegram
Ավելի վաղ պատգամավոր Միխայիլ Դելյագինը կոչ էր արել հարվածներ հասցնել Ադրբեջանի նավթային ենթակառուցվածքին` Արցախում իրավիճակի սրման պատճառով։
ԵՐԵՎԱՆ, 30 մարտի – Sputnik. Պետդումայում արձագանքել են Ադրբեջանի դատախազության՝ քրեական գործ հարուցելու և պատգամավոր Միխայիլ Դելյագինի նկատմամբ հետախուզում հայտարարելու մասին որոշմանը:
Վերջինս ավելի վաղ Արցախում ադրբեջանական սադրանքների ֆոնին կոչ էր արել ոչնչացնել Ադրբեջանի էներգետիկ ենթակառուցվածքն ու նավթային արդյունաբերությունը։
Մեկնաբանելով քրեական գործի և ռուս պատգամավորի նկատմամբ հետախուզում հայտարարելու մասին Ադրբեջանի գլխավոր դատախազության հաղորդագրությունը` միջազգային գործերի հանձնաժողովի նախագահի առաջին տեղակալ Ալեքսեյ Չեպան ՌԻԱ Նովոստիին տված իր մեկնաբանության մեջ վերահսկող գերատեսչության գործողություններն անվանել է ոչ ճիշտ։
«Դա նյարդային, սխալ գործողություն է։ Մենք կարձագանքենք այդ հայտարարություններին, կփորձենք որոշակի քայլեր ձեռնարկել, որպեսզի հանգստացնենք մեր գործընկերներին։ Կարծում եմ` այդպիսի վերաբերմունք ունեն քննադատության հանդեպ մեր ադրբեջանցի գործընկերները»,–ասել է Չեպան։
Նա գտնում է, որ ադրբեջանական կողմը պետք է իրեն «մի քիչ ավելի հանգիստ» պահի։
«Դելյագինին նույնպես հարկավոր է մի քիչ ավելի զուսպ լինել և մի քիչ էլ կշռադատել սեփական բառերը։ Ես հասկանում եմ, որ հիմա նյարդային իրավիճակ է, և որ Ղարաբաղյան հակամարտության սրացում է եղել, բայց մենք պետք է ավելի զուսպ լինենք»,–ասել է Դումայի հանձնաժողովի փոխնախագահը։
Հիշեցնենք` Ադրբեջանի զինված ուժերը մարտի 24-ին` ժամը 16։00-ին, ԼՂ Ասկերանի շրջանի Փառուխ գյուղի ուղղությամբ խախտել են շփման գիծը։
Մարտի 25–ի գիշերը նրանք կրակ են բացել ՊԲ ստորաբաժանումների վրա, ծավալված փոխհրաձգության արդյունքում հակառակորդի կողմից զոհվել է առնվազն 5 զինծառայող։
Մարտի 25-ի կեսօրից Ադրբեջանի ԶՈւ ստորաբաժանումները, բացի հրաձգային զինատեսակներից, կիրառել են նաև հարվածային անօդաչու թռչող սարքեր, այդ թվում` «Bayraktar TB-2»: Հայկական կողմից զոհվել են ՊԲ 3 պայմանագրային զինծառայող, վիրավորները 14-ն են:
Մարտի 26–ի առավոտյան ադրբեջանցիները կրկին դիմել են ագրեսիվ գործողությունների` տարբեր տրամաչափի հրաձգային զինատեսակների կիրառմամբ փորձելով առաջխաղացում ապահովել Արցախի Հանրապետության արևելյան սահմանագոտու ուղղությամբ: Լարվածությունն օրվա ընթացքում պահպանվել է։
Մարտի 27–ին ՌԴ ՊՆ–ն հայտնեց, որ ադրբեջանական կողմը հետ է քաշել իր ստորաբաժանումներն Արցախի Փառուխ գյուղից։
Մարտի 28-ին Արցախի տեղակատվական շտաբը հայտնեց, որ ադրբեջանական զորքերը շարունակում են մնալ Քարագլխի մի հատվածում ամրացված դիրքերում։
Լրահոս
0