Կիևում 5 լաբորատորիա է գործ ունեցել ժանտախտի և սիբիրյան խոցի բակտերիաների հետ. ՌԴ ՊՆ

© Sputnik / Наталья СеливерстоваՌուսաստանի Դաշնության պաշտպանության նախարարության շենքը Մոսկվայում
Ռուսաստանի Դաշնության պաշտպանության նախարարության շենքը Մոսկվայում - Sputnik Արմենիա, 1920, 31.03.2022
Ռուսաստանի Դաշնության պաշտպանության նախարարության շենքը Մոսկվայում
Բաժանորդագրվեք
НовостиTelegram
ՌԴ ԶՈՒ ռադիացիոն, քիմիական և կենսաբանական պաշտպանության զորքերի պետը չի բացառել, որ հետազոտության պաշտոնական ծրագիրը միայն «այսբերգի տեսանելի մասն է»։
ԵՐԵՎԱՆ, 31 մարտի – Sputnik. Կիևում հինգ լաբորատորիաներ աշխատանքներ են տարել սիբիրյան խոցի, տուլարեմիայի, բրուցելոզի, խոլերայի, լեպտոսպիրոզի, խոզերի աֆրիկյան ժանտախտի հարուցիչների հետ։ Այս տեղեկությունն այսօր ճեպազրույցի ժամանակ հայտնել է ՌԴ ԶՈւ ռադիացիոն, քիմիական և կենսաբանական պաշտպանության զորքերի պետ Իգոր Կիրիլովը։
Նրա խոսքով՝ արդեն հաստատված փաստեր կան, որ այս լաբորատորիաներն աշխատանքները կատարել են Պենտագոնի պատվերով։
Կիրիլովը նշել է` ռուսական զինված ուժերի հատուկ գործողության կարևոր արդյունքը դարձել է Կիևի այդ հինգ բիոլաբորատորիաների գործունեության դադարեցումը, որոնցում աշխատանքներ են իրականացվել այդ բակտերիաների և վիրուսների հետ:
«Ուկրաինայի առողջապահության նախարարության հանրային առողջության կենտրոնում իրականացվել է միանգամից մի քանի UP նախագիծ՝ ֆինանսավորման ավելի քան 30 մլն դոլար ընդհանուր ծավալով», - ավելացրել է Կիրիլովը։
Նա ուշադրություն է հրավիրել այդ կենտրոնի էթիկայի կոմիտեի ղեկավարի` 2019 թվականի հունիսի 12-ին UP-8 նախագծի շրջանակում ստորագրած որոշման վրա։
«Փաստաթուղթը վկայում է մասնակիցների կյանքի և առողջության համար անհայտ վտանգ պարունակող հետազոտություններ անցկացնելու, ինչպես նաև փորձարկվողների ինքնությունը թաքցնելու մասին», - ասել է Կիրիլովը:
Ուկրաինան պատրաստվում էր ԱԹՍ–ներ կիրառել, որոնք մահացու վտանգավոր նյութեր էին տարածելու
Նա չի բացառել, որ հետազոտության պաշտոնական ծրագիրը միայն «այսբերգի տեսանելի մասն է»։ Կիրիլովի խոսքով՝ գործնականում կամավորների վարակում է իրականացվել Կոնգո-Ղրիմյան տենդի վիրուսով, հանտավիրուսներով և լեպտոսպիրոզի հարուցիչով:
Հիշեցնենք, որ փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։ Ռուսաստանցիներին ուղղված հեռուստաուղերձում նա ասաց, որ հանգամանքները վճռական և անհապաղ գործողություններ են պահանջում։
Ուկրաինայում մարտական գործողություններն ընթանում են արդեն 36–րդ օրը։
Լրահոս
0