Մանրամասներ քրգործից. նախարար Փիլոյանի տանը ջեռուցման կաթսա է հայտնաբերվել. «Ժողովուրդ»

© Sputnik / Aram NersesyanՀՀ Արտակարգ իրավիճակների նախարար Անդրանիկ Փիլոյան
ՀՀ Արտակարգ իրավիճակների նախարար Անդրանիկ Փիլոյան - Sputnik Արմենիա, 1920, 31.03.2022
Բաժանորդագրվեք
Yandex newsTelegram
Մինչ նախաքննական մարմինը հրաժարվում է գործի ու նախարարի ձերբակալության վերաբերյալ մեկնաբանություններ տալ, թերթին հայտնի է դարձել, որ ԱԻՆ–ում պաշտոնի նշանակելու դիմաց Փիլոյանին որպես «մաղարիչ» ոսկե շղթա և այլ նվերներ են տվել։
ԵՐԵՎԱՆ, 31 մարտի – Sputnik. «Ժողովուրդ» օրաթերթն այսօր որոշ մանրամասներ է հրապարակել ԱԻՆ–ում կոռուպցիոն շղթայի վերաբերյալ հարուցված քրական գործից։

Մինչ նախաքննական մարմինը հրաժարվում է այս գործի ու նախարար Անդրանիկ Փիլոյանի ձերբակալության վերաբերյալ մեկնաբանություններ տալ, թերթին հայտնի է դարձել, որ ԱԻՆ–ում ինչ–որ մեկին պաշտոնի նշանակելու դիմաց Փիլոյանը նրանից որպես «մաղարիչ» ոսկե շղթա և այլ նվերներ է ստացել, ինչը նախաքննական մարմինը որակել է որպես կաշառք:

Բացի այդ, նախարար Անդրանիկ Փիլոյանի տանն իրականացված խուզարկության ժամանակ այնտեղ հայտնաբերվել է ջեռուցման կաթսա, որը, ըստ նախնական վարկածի, հաշվառված է նախարարության հաշվեկշռում։
Հիշեցնենք` երեկ ուշ երեկոյան հայտնի դարձավ, որ ՀՀ արտակարգ իրավիճակների նախարար, Հայաստանի ազգային հերոս Անդրանիկ Փիլոյանը ձերբակալվել է։ Տեղեկությունը Sputnik Արմենիայի հետ զրույցում հաստատեցին հակակոռուպցիոն կոմիտեից։
Մեր աղբյուրներն ավելի վաղ հայտնել էին, որ հակակոռուպցիոն կոմիտեն երեկ հարցաքննության է հրավիրել Փիլոյանին: Երեկվա դրությամբ նախարարը հարուցված քրեական գործով որևէ կարգավիճակ չուներ։
Մեր տեղեկություններով` նախարարից բացի ԱԻՆ-ի որոշ աշխատակիցներ ևս ձերբակալվել են:
Հիշեցնենք` ավելի վաղ մամուլը գրել էր, որ հակակոռուպցիոն կոմիտեում ԱԻՆ պաշտոնատար անձանց կոռուպցիոն գործողությունների փաստի առթիվ հարուցված քրեական գործով ԱԻՆ–ի շուրջ 150 աշխատակից է հարցաքննվել, որոնց մեծ մասին մեղադրանք է առաջադրվել, և ավելի քան 5 մարդ էլ կալանավորվել են:
Ըստ լրատվամիջոցի` ԱԻՆ-ի պաշտոնյաները տարբեր անձանց պաշտոնների նշանակման գործընթացում կոռուպցիոն գործարքների են գնացել, ու շղթան, ըստ լուրերի, հասնում է նախարար Անդրանիկ Փիլոյանին: Գործով անցնող անձինք ցուցմունքներում տվել են նախարարի անունը:
Հիշեցնենք` ՀՀ վարչապետ Նիկոլ Փաշինյանը Փիլոյանին 14 օրով արձակուրդ է ուղարկել։
Մինչ այդ ՀՀ Ազգային անվտանգության ծառայությունը խուզարկություն էր իրականացրել ԱԻՆ–ում։
Լրահոս
0