Պուտին–Փաշինյան–Ալիև եռակողմ հեռախոսազրույց է կայացել

© Sputnik / Михаил Климентьев / Անցնել ֆոտոբանկՆիկոլ Փաշինյան, Վլադիմիր Պուտին, Իլհամ Ալիև
Նիկոլ Փաշինյան, Վլադիմիր Պուտին, Իլհամ Ալիև - Sputnik Արմենիա, 1920, 31.03.2022
Բաժանորդագրվեք
Yandex newsTelegram
Երեք երկրի ղեկավարների հեռախոսազրույցը վերաբերել է Արցախի հարցին․ նրանք վերահաստատել են եռակողմ հայտարարություններին հետևելու կարևորությունը։
ԵՐԵՎԱՆ, 31 մարտի – Sputnik. ՌԴ նախագահ Վլադիմիր Պուտինը հեռախոսազրույց է ունեցել ՀՀ վարչապետ Նիկոլ Փաշինյանի և Ադրբեջանի նախագահ Իլհամ ԱԼիևի հետ։ Տեղեկությունը հայտնում է Կրեմլի մամուլի ծառայությունը։
«Եռակողմ հեռախոսազրույցի ժամանակ քննարկվել է Լեռնային Ղարաբաղի շուրջ իրավիճակի զարգացումը, հատուկ շեշտադրվել է տարածաշրջանի անվտանգության և կայունության ապահովման գործնական խնդիրների լուծումը: Հաստատվել է 2020 թվականի նոյեմբերի 9-ի, 2021 թվականի հունվարի 11-ի և նոյեմբերի 26-ի եռակողմ հայտարարությունների բոլոր դրույթների հետևողական կատարման կարևորությունը»,- նշված է հաղորդագրության մեջ:
Կողմերը պայմանավորվել են շարունակել շփումները։
Ավելի վաղ հայտնել էինք, որ ապրիլի 6-ին Բրյուսելում Եվրոպական խորհրդի ղեկավար Շառլ Միշելը համատեղ հանդիպում է ունենալու Ադրբեջանի նախագահ Իլհամ Ալիևի և ՀՀ վարչապետ Նիկոլ Փաշինյանի հետ։
Հիշեցնենք` Ադրբեջանի զինված ուժերը մարտի 24-ին` ժամը 16։00-ին, ԼՂ Ասկերանի շրջանի Փառուխ գյուղի ուղղությամբ խախտել էին շփման գիծը ու առաջ շարժվել Քարագլխի դիրքերի ուղղությամբ։
Մարտի 25–ի գիշերը նրանք կրակ էին բացել ՊԲ ստորաբաժանումների վրա, արդյունքում հայկական կողմից վիրավորում են ստացել 5 պայմանագրային զինծառայողներ։
Մարտի 25-ի կեսօրից Ադրբեջանի ԶՈւ ստորաբաժանումները, բացի հրաձգային զինատեսակներից, կիրառել էին նաև հարվածային անօդաչու թռչող սարքեր, այդ թվում` «Bayraktar TB-2»: Հայկական կողմից զոհվել են ՊԲ 3 պայմանագրային զինծառայող, վիրավորները 14-ն են:
Իրավիճակի սրացման պատճառով Խրամորթից տարհանվել են երեխաներն ու կանայք։
Մարտի 29-ին ադրբեջանցիները հեռացել են Փառուխից ու այնտեղ ռուս խաղաղապահներ են տեղակայվել, բայց նրանք շարունակում են մնալ Քարագլխի դիրքերի մի հատվածում։
Արցախի իշխանություններն ու խաղաղապահները բանակցություններ են վարում ադրբեջանցիներին այդտեղից հեռացնելու նպատակով։
Լրահոս
0