https://arm.sputniknews.ru/20220331/qaraglkhi-taratsqum-gtnvvogh-mshakutajin-zharangutjunn-ajs-pahin-vtangvats-e-hvovhannisjan-40409100.html
Քարագլխի տարածքում գտնվող մշակութային ժառանգությունն այս պահին վտանգված է. Հովհաննիսյան
Քարագլխի տարածքում գտնվող մշակութային ժառանգությունն այս պահին վտանգված է. Հովհաննիսյան
Sputnik Արմենիա
Արցախի ԿԳՄՍ փոխնախարարը նշում է, որ Արցախի պատմամշակութային հարուստ ժառանգությունը պաշտպանության կարիք ունի ու միջազգային կառույցների ուշադրությունն է... 31.03.2022, Sputnik Արմենիա
2022-03-31T18:22+0400
2022-03-31T18:22+0400
2022-03-31T18:23+0400
քարագլուխ
փառուխ
արցախ
խաչքար
https://cdn.am.sputniknews.ru/img/07e6/03/1f/40408196_0:338:768:770_1920x0_80_0_0_0aa636b651deea0493be72da483a4ecd.jpg
ԵՐԵՎԱՆ, 31 մարտի – Sputnik. Փառուխում, Քարագլխի տարածքում գտնվող մեր մշակութային ժառանգության մի կարևոր հատված այս պահին վտանգված է: Նման կարծիք է հայտնել Արցախի ԿԳՄՍ նախարարի տեղակալ Լեռնիկ Հովհաննիսյանը, տեղեկանում ենք նախարարության պաշտոնական կայքից։«Վերոնշյալ տեղանքն առանձնանում է Արցախի դարավոր պատմությունն ու մեր ինքնությունը վավերագրող հարուստ պատմամշակութային արժեքներով: Տարածքն ավելի մանրամասն հետազոտության կարիք ունի, քանզի ընդամենը մի քանի ամիս առաջ «Պատմական միջավայրի պահպանության պետական ծառայություն» ՊՈԱԿ-ի կողմից այնտեղ հետազոտություններ են կատարվել և հայտնաբերվել են 20-ից ավելի նոր խաչքարեր: Սա փաստում է, որ Քարագլուխը, հավանաբար, դեռ ունի չբացահայտված հուշարձաններ»,–ասել է Հովհաննիսյանը։Նա մշակութային ժառանգության պաշտպանությամբ զբաղվող միջազգային կազմակերպությունների ուշադրությունն է հրավիրում այս խնդրին, քանի որ Արցախի պատմամշակութային հարուստ ժառանգությունը պաշտպանության կարիք ունի։Ի դեպ, Քարագլուխը գտնվում է Ասկերան քաղաքից 10 կմ հյուսիս-արևմուտք, Շիկաքար կոչվող ժայռի շրջակայքում։ Գյուղի Շիկաքար բերդը պատմական կարևոր վայրերից է և նշանակալի դեր է խաղացել Արցախի պաշտպանության գործում։ Հին ժամանակներում այն եղել է Խաչենի նշանավոր բնական բերդերից մեկը:2011թթ. Արցախի կառավարության որոշմամբ՝ Փառուխի պատմամշակութային հուշարձանները ներառվել են Ասկերանի շրջանի պատմության և մշակույթի անշարժ հուշարձանների պետական ցուցակի մեջ: Ըստ այդմ, Փառուխում կա ավելի քան 20 հուշարձան, այդ թվում՝ 2 եկեղեցի, հանրահայտ Շիկաքար–Քարագլուխ ամրոցը, հնագիտական արժեք ունեցող մշակույթի հուշարձաններ, գերեզմանոցներ, մոնումենտալ արվեստի կոթողներ, մասնավորապես՝ խաչքարեր, տապանաքարեր: Այստեղ է գտնվում նաև Շիկաքարի քարանձավը, որտեղ 2011թ. հետազոտություն է կատարել Ազոխի միջազգային հնագիտական արշավախումբը:
քարագլուխ
փառուխ
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
քարագլուխ, փառուխ, արցախ, խաչքար
քարագլուխ, փառուխ, արցախ, խաչքար
Քարագլխի տարածքում գտնվող մշակութային ժառանգությունն այս պահին վտանգված է. Հովհաննիսյան
18:22 31.03.2022 (Թարմացված է: 18:23 31.03.2022) Արցախի ԿԳՄՍ փոխնախարարը նշում է, որ Արցախի պատմամշակութային հարուստ ժառանգությունը պաշտպանության կարիք ունի ու միջազգային կառույցների ուշադրությունն է հրավիրում այս խնդրի վրա։
ԵՐԵՎԱՆ, 31 մարտի – Sputnik. Փառուխում, Քարագլխի տարածքում գտնվող մեր մշակութային ժառանգության մի կարևոր հատված այս պահին վտանգված է: Նման կարծիք է հայտնել Արցախի ԿԳՄՍ նախարարի տեղակալ Լեռնիկ Հովհաննիսյանը, տեղեկանում ենք
նախարարության պաշտոնական կայքից։
«Վերոնշյալ տեղանքն առանձնանում է Արցախի դարավոր պատմությունն ու մեր ինքնությունը վավերագրող հարուստ պատմամշակութային արժեքներով: Տարածքն ավելի մանրամասն հետազոտության կարիք ունի, քանզի ընդամենը մի քանի ամիս առաջ «Պատմական միջավայրի պահպանության պետական ծառայություն» ՊՈԱԿ-ի կողմից այնտեղ հետազոտություններ են կատարվել և հայտնաբերվել են 20-ից ավելի նոր խաչքարեր: Սա փաստում է, որ Քարագլուխը, հավանաբար, դեռ ունի չբացահայտված հուշարձաններ»,–ասել է Հովհաննիսյանը։
Նա մշակութային ժառանգության պաշտպանությամբ զբաղվող միջազգային կազմակերպությունների ուշադրությունն է հրավիրում այս խնդրին, քանի որ Արցախի պատմամշակութային հարուստ ժառանգությունը պաշտպանության կարիք ունի։
Ի դեպ, Քարագլուխը գտնվում է Ասկերան քաղաքից 10 կմ հյուսիս-արևմուտք, Շիկաքար կոչվող ժայռի շրջակայքում։ Գյուղի Շիկաքար բերդը պատմական կարևոր վայրերից է և նշանակալի դեր է խաղացել Արցախի պաշտպանության գործում։ Հին ժամանակներում այն եղել է Խաչենի նշանավոր բնական բերդերից մեկը:
2011թթ. Արցախի կառավարության որոշմամբ՝ Փառուխի պատմամշակութային հուշարձանները ներառվել են Ասկերանի շրջանի պատմության և մշակույթի անշարժ հուշարձանների պետական ցուցակի մեջ: Ըստ այդմ, Փառուխում կա ավելի քան 20 հուշարձան, այդ թվում՝ 2 եկեղեցի, հանրահայտ Շիկաքար–Քարագլուխ ամրոցը, հնագիտական արժեք ունեցող մշակույթի հուշարձաններ, գերեզմանոցներ, մոնումենտալ արվեստի կոթողներ, մասնավորապես՝ խաչքարեր, տապանաքարեր:
Այստեղ է գտնվում նաև Շիկաքարի քարանձավը, որտեղ 2011թ. հետազոտություն է կատարել Ազոխի միջազգային հնագիտական արշավախումբը:
