Սևանում ևս 4 հանրային լողափ կստեղծվի, եղածներն էլ կկահավորվեն

© Sputnik / Andranik GhazaryanՍևան, լողափ
Սևան, լողափ - Sputnik Արմենիա, 1920, 31.03.2022
Բաժանորդագրվեք
Yandex newsTelegram
Հանրային լողափերում ամառային հանգստի սեզոնին տարեկան իրենց հանգիստն են անցկացնում մինչև 90 000 քաղաքացիներ։
ԵՐԵՎԱՆ, 31 մարտի – Sputnik. ՀՀ շրջակա միջավայրի նախարարությունը հանրային քննարկման է ներկայացրել Սևանում 4 հանրային լողափ ստեղծելու նախագիծ։ Մասնավորապես, իրավական ակտերի նախագծերի հրապարակման միասնական հարթակից տեղեկանում ենք, որ առաջարկվում է ստեղծել և կահավորել 4 նոր հանրային լողափ` Լճափ, Շողակաթ, Գավառ և Մարտունի համայնքներին կից։
Ի դեպ, Սևանում արդեն իսկ 8 հանրային լողափ կա՝ Սևանի քաղաքային երկու և Թերակղզու, Դրախտիկի, Լճաշենի, Ծովազարդի, Նորատուսի, Ծովագյուղի հանրային լողափերը: Սակայն 8-ից լողափնյա պարագաներով (պառկելաթոռներ, հովանոցներ, զուգարաններ, խաղահրապարակներ, նստարաններ ավտոկայանատեղիներ, հանդերձարաններ, բուժկետ, փրկարարական կետ) կահավորված են միայն 3-ը: Հանրային լողափերում ամառային հանգստի սեզոնին տարեկան իրենց հանգիստն են անցկացնում մինչև 90 000 քաղաքացիներ։
Ի՞նչ ծառայություններ են մատուցվում Սևանա լճի երեք հանրային լողափերում. լուսանկարներ
Սակայն մարզի հավասարաչափ զարգացման և հանրապետության այլ մարզերից այցելուների համար անհրաժեշտ է ոչ միայն կահավորել չգործող հանրային լողափերը, այնպես էլ ստեղծել և կահավորել նոր հանրային լողափեր։ Արդյունքում նախատեսվում է ունենալ գեղեցիկ կահավորված, հարդարված և գրավիչ ծառայություններ մատուցող նոր հանրային լողափեր, իսկ այդկերպ նաև հավելյալ աշխատատեղեր կստեղծվեն:
Հավելենք, որ նախագիծը բաց է կարծիքների համար մինչև ապրիլի 17-ը։
Լրահոս
0