https://arm.sputniknews.ru/20220401/amen-angam-petq-e-tanen-cujc-tan-ohanjani-kartsiqvov-varchapeti-khvosqn-arzhanahavat-che-40445280.html
«Ամեն անգամ պիտի տանեն, ցույց տա՞ն, Փաշինյանի խոսքը բավարար չէ՞ր. Սեյրան Օհանյան
«Ամեն անգամ պիտի տանեն, ցույց տա՞ն, Փաշինյանի խոսքը բավարար չէ՞ր. Սեյրան Օհանյան
Sputnik Արմենիա
ՀՀ պաշտպանության նախկին նախարար Սեյրան Օհանյանը Sputnik Արմենիայի հետ զրույցում մեկնաբանել է ԵՄ-ի և ՆԱՏՕ-ի անդամ պետությունների ռազմական կցորդների այցը ՀՀ ՊՆ... 01.04.2022, Sputnik Արմենիա
2022-04-01T16:44+0400
2022-04-01T16:44+0400
2022-04-01T17:59+0400
սեյրան օհանյան
զինված ուժեր
սու–30 սմ
հայաստան
ռազմական կցորդ
եվրամիություն
նատօ
https://cdn.am.sputniknews.ru/img/07e5/04/0e/27179770_0:84:1601:984_1920x0_80_0_0_faa4becad9dbee5de7f1879d4954dbca.jpg
ԵՐԵՎԱՆ, 1 ապրիլի – Sputnik. ԵՄ-ի և ՆԱՏՕ-ի անդամ պետությունների ռազմական կցորդների այցը ՀՀ ՊՆ ավիաբազա, ԱԺ «Հայաստան» խմբակցության ղեկավար, պաշտպանության նախկին նախարար Սեյրան Օհանյանն անընդունելի է համարում։ Այս մասին նա ասաց Sputnik Արմենիայի հետ զրույցում։Նախկին նախարարի համոզմամբ` այս իրադարձությունը վկայում է, որ գործող իշխանությունը լիարժեք չի տիրապետում իրադրությանը, միջազգային հարթակներում միջազգային հարաբերությունները պատշաճ մակարդակի չեն ու նաև` վարչապետի խոսքն արժանահավատություն չունի։«Ի՞նչ է` ամեն անգամ, ամեն մի խոսք ասելիս պետք է տանեն ցույց տան, թե տեղում ինչ կա»,– ասաց Օհանյանը` միաժամանակ արձանագրելով, որ վերջին տարիներին իրարամերժ հայտարարություններն այնքան շատ են` թե՛ Արցախի, թե՛ ՀՀ–ի, թե՛ ԶՈւ–ի մասին, որ ամեն նման արտահայտությունից հետո վարչապետի քաղաքական թիմը փորձում է մեկնաբանել, վերաձևակերպել վարչապետի խոսքը։Ինչ վերաբերում է երկրի սպառազինությունը օտար երկրների ներկայացուցիչներին ի ցույց դնելուն, պաշտպանության նախկին նախարարը հիշեցրեց, որ գոյություն ունեն սպառազինությունների վերահսկման միջազգային մեխանիզմներ։ Բայց դրանք նախապես պլանավորված միջոցառումներ են, իրականացվում են պլանավորված ժամանակացույցով։Ինչու է ընդդիմությունը մերժել Փաշինյանին հանդիպելու առաջարկը. Սեյրան Օհանյանի պարզաբանումըՀիշեցնենք` մարտի 31-ին Հայաստանի Հանրապետությունում հավատարմագրված ԵՄ-ի և ՆԱՏՕ-ի անդամ պետությունների ռազմական կցորդներն այցելել էին ՀՀ ՊՆ ավիաբազա։ՀՀ պաշտպանության նախարարության մամուլի ծառայությունը հայտարարել էր, որ նրանք շրջայց են կատարել, ծանոթացել ավիացիոն սպառազինությանն ու ռազմական տեխնիկային: Նշվում է, որ հյուրերի համար առավել մեծ հետաքրքրություն են ներկայացրել ՍՈւ-30ՍՄ ինքնաթիռները։«Ռազմական կցորդները նշել են, որ այցի արդյունքում իրենք կրկին համոզվել են, որ բոլոր 4 ՍՈւ-30ՍՄ ինքնաթիռները տեղում են, և որ ադրբեջանական ու թուրքական մամուլում շրջանառվող այն տեղեկությունները, թե դրանք մասնակցում են Ուկրաինայում ընթացող ռազմական գործողություններին, չեն համապատասխանում իրականությանը»,- նշված էր ՊՆ հաղորդագրության մեջ։Հիշեցնենք՝ ՀՀ վարչապետ Նիկոլ Փաշինյանն երեկվա կառավարության նիստում «աղաղակող ապատեղեկատվություն» էր անվանել ադրբեջանական մամուլում ու Արևմուտքում ակտիվորեն տարածվող այն լուրը, թե Հայաստանն իր 4 ՍՈւ–30 բազմաֆունկցիոնալ ինքնաթիռները տրամադրել է Ռուսաստանին` Ուկրաինայում օգտագործելու համար։
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
սեյրան օհանյան, զինված ուժեր, սու–30 սմ, հայաստան, ռազմական կցորդ, եվրամիություն, նատօ
սեյրան օհանյան, զինված ուժեր, սու–30 սմ, հայաստան, ռազմական կցորդ, եվրամիություն, նատօ
«Ամեն անգամ պիտի տանեն, ցույց տա՞ն, Փաշինյանի խոսքը բավարար չէ՞ր. Սեյրան Օհանյան
16:44 01.04.2022 (Թարմացված է: 17:59 01.04.2022) ՀՀ պաշտպանության նախկին նախարար Սեյրան Օհանյանը Sputnik Արմենիայի հետ զրույցում մեկնաբանել է ԵՄ-ի և ՆԱՏՕ-ի անդամ պետությունների ռազմական կցորդների այցը ՀՀ ՊՆ ավիաբազա ու ՍՈւ-30ՍՄ ռազմական ինքնաթիռների առկայությունը ստուգելը։
ԵՐԵՎԱՆ, 1 ապրիլի – Sputnik. ԵՄ-ի և ՆԱՏՕ-ի անդամ պետությունների ռազմական կցորդների այցը ՀՀ ՊՆ ավիաբազա, ԱԺ «Հայաստան» խմբակցության ղեկավար, պաշտպանության նախկին նախարար Սեյրան Օհանյանն անընդունելի է համարում։ Այս մասին նա ասաց Sputnik Արմենիայի հետ զրույցում։
Նախկին նախարարի համոզմամբ` այս իրադարձությունը վկայում է, որ գործող իշխանությունը լիարժեք չի տիրապետում իրադրությանը, միջազգային հարթակներում միջազգային հարաբերությունները պատշաճ մակարդակի չեն ու նաև` վարչապետի խոսքն արժանահավատություն չունի։
«Ես կարծում եմ, որ, եթե երկրի ղեկավարը խոսում է ինչ-որ բանի մասին, ասում, որ իրականությունը դա է, դա պետք է արժանահավատ լինի։ Երկրի վարչապետի խոսքը պետք է լինի մեկ անգամ ու վերջնական»,– ասաց Օհանյանը` հավելելով, որ եթե այցը կազմակերպել են Հայաստանի իշխանություններն ու զինված ուժերի ղեկավարությունը, նշանակում է, որ նրանց համար ՀՀ վարչապետի արած հայտարարություններն արժանահավատ չեն։
«Ի՞նչ է` ամեն անգամ, ամեն մի խոսք ասելիս պետք է տանեն ցույց տան, թե տեղում ինչ կա»,– ասաց Օհանյանը` միաժամանակ արձանագրելով, որ վերջին տարիներին իրարամերժ հայտարարություններն այնքան շատ են` թե՛ Արցախի, թե՛ ՀՀ–ի, թե՛ ԶՈւ–ի մասին, որ ամեն նման արտահայտությունից հետո վարչապետի քաղաքական թիմը փորձում է մեկնաբանել, վերաձևակերպել վարչապետի խոսքը։
Ինչ վերաբերում է երկրի սպառազինությունը օտար երկրների ներկայացուցիչներին ի ցույց դնելուն, պաշտպանության նախկին նախարարը հիշեցրեց, որ գոյություն ունեն սպառազինությունների վերահսկման միջազգային մեխանիզմներ։ Բայց դրանք նախապես պլանավորված միջոցառումներ են, իրականացվում են պլանավորված ժամանակացույցով։
Հիշեցնենք` մարտի 31-ին Հայաստանի Հանրապետությունում հավատարմագրված ԵՄ-ի և ՆԱՏՕ-ի անդամ պետությունների ռազմական կցորդներն
այցելել էին ՀՀ ՊՆ ավիաբազա։
ՀՀ պաշտպանության նախարարության մամուլի ծառայությունը հայտարարել էր, որ նրանք շրջայց են կատարել, ծանոթացել ավիացիոն սպառազինությանն ու ռազմական տեխնիկային: Նշվում է, որ հյուրերի համար առավել մեծ հետաքրքրություն են ներկայացրել ՍՈւ-30ՍՄ ինքնաթիռները։
«Ռազմական կցորդները նշել են, որ այցի արդյունքում իրենք կրկին համոզվել են, որ բոլոր 4 ՍՈւ-30ՍՄ ինքնաթիռները տեղում են, և որ ադրբեջանական ու թուրքական մամուլում շրջանառվող այն տեղեկությունները, թե դրանք մասնակցում են Ուկրաինայում ընթացող ռազմական գործողություններին, չեն համապատասխանում իրականությանը»,- նշված էր ՊՆ հաղորդագրության մեջ։
Հիշեցնենք՝ ՀՀ վարչապետ Նիկոլ Փաշինյանն երեկվա կառավարության նիստում «աղաղակող ապատեղեկատվություն» էր
անվանել ադրբեջանական մամուլում ու Արևմուտքում ակտիվորեն տարածվող այն լուրը, թե Հայաստանն իր 4 ՍՈւ–30 բազմաֆունկցիոնալ ինքնաթիռները տրամադրել է Ռուսաստանին` Ուկրաինայում օգտագործելու համար։
