Հակառուսական պատժամիջոցները փշրել են համաշխարհային տնտեսության աճի կանխատեսումները

© Пресс-служба МИД РФ / Անցնել ֆոտոբանկՄևլութ Չավուշօղլու
Մևլութ Չավուշօղլու - Sputnik Արմենիա, 1920, 01.04.2022
Բաժանորդագրվեք
Yandex newsTelegram
Թուրքիայի արտաքին քաղաքական գերատեսչության ղեկավար Մևլութ Չավուշօղլուն նշել է, որ Ուկրաինայի շուրջ ստեղծված իրավիճակն իր հետքն է թողնում աշխարհում գնաճի մակարդակի վրա։
ԵՐԵՎԱՆ, 1 ապրիլի – Sputnik. Ռուսաստանի դեմ Արևմուտքի պատժամիջոցները փշրել են համաշխարհային տնտեսության աճի կանխատեսումները։ Այս մասին Թուրքիայի արտաքին գործերի նախարար Մևլյութ Չավուշօղլուն հայտարարել է Անթալիայում Առևտրաարդյունաբերական պալատի պարգևատրման արարողության ժամանակ։
«Այն պահին, երբ համավարակի ալիքը սկսել էր իբրև թե թուլանալ, սկսվեց Ռուսաստանի և Ուկարինայի միջև պատերազմը։ Ռոսաստանի դեմ շատ կոշտ պատժամիջոցները փշրեցին համաշխարհային տնտեսության աճի մասին կանխատեսումները»,-ասել է Չավուշօղլուն։
Ինչպես նշել է թուրք նախարարը` ներկայում տարբեր կազմակերպություններից, այդ թվում՝ Արժույթի միջազգային հիմնադրամից, շատ տարբեր կանխատեսումներ են հնչում։
«Կան այնպիսիք, որոնք ասում են, որ այն (համաշխարհային տնտեսությունը,– խմբ․) կկրճատվի։ Շատ բան է կախված նրանից, թե որքան երկար կձգվի այս պատերազմը, որքան երկար կձգվեն պատժամիջոցները»,-ասել է նա, փոխանցում է ՌԻԱ Նովոստին։
Թուրքիայի արտգործնախարարը հիշեցրել է, որ թե՛ Ռուսաստանը, թե՛ Ուկրաինան էներգետիկայի և սննդի ոլորտներում շատ կարևոր մատակարարներ են։ Չավուշօղլուն հավելել է, որ ներկայիս իրավիճակն իր հետքն է թողնում նաև աշխարհում գնաճի մակարդակի վրա:
Հիշեցնենք, որ փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։ Ռուսաստանցիներին ուղղված հեռուստաուղերձում նա ասաց, որ հանգամանքները վճռական և անհապաղ գործողություններ են պահանջում։
Փետրվարի 21–ից սկսած, երբ Վլադիմիր Պուտինը հայտարարեց ԼԺՀ–ն ու ԴԺՀ–ն ճանաչելու որոշման մասին, ԱՄՆ–ն, Եվրամիությունն ու Արևմուտքի շատ երկրներ պատժամիջոցների շարք սկսեցին Ռուսաստանի դեմ։
Պատժամիջոցներն առնչվում են բանկային ոլորտին, ավիացիային, տնտեսության տարբեր ճյուղերին, կապի ոլորտին և անգամ մշակույթին ու սպորտին։
Ուկրաինայում մարտական գործողություններն ընթանում են արդեն 37–րդ օրը։
Լրահոս
0