https://arm.sputniknews.ru/20220402/gjughum-kjanq-ka-abvovjani-dprvocin-petq-e-ognel-vorpeszi-pghic-voch-mi-patar-chmna-40477473.html

Գյուղում կյանք կա․ Աբովյանի դպրոցին պետք է օգնել, որպեսզի «փղից» ոչ մի պատառ չմնա

Գյուղում կյանք կա․ Աբովյանի դպրոցին պետք է օգնել, որպեսզի «փղից» ոչ մի պատառ չմնա

Sputnik Արմենիա

Արդեն ավելի քան քառորդ դար է` Աբովյան գյուղի դպրոցի ֆիզկուլտուրայի ուսուցիչը երազում է մարզադահլիճի վերանորոգման մասին։ Մասնավոր նախաձեռնություն է, ամբողջ... 02.04.2022, Sputnik Արմենիա

2022-04-02T22:42+0400

2022-04-02T22:42+0400

2022-04-02T22:42+0400

գյուղ

դպրոց

մարզասրահ

արարատի մարզ

աբովյան

https://cdn.am.sputniknews.ru/img/07e6/04/01/40437238_115:158:1543:961_1920x0_80_0_0_7e1a57a40c17d804d6e334009b82e8bc.jpg

Փղին կարելի է ուտել կտորներով։ Այս արտահայտությունը սիրում է կրկնել «Արի գյուղ, գյուղում կյանք կա» նախաձեռնության հիմնադիր Անահիտ Գևորգյանը։ Նա ապրում և աշխատում է Երևանում, բայց յուրաքանչյուր ազատ րոպեն գյուղերում է անցկացնում, որտեղ արցախյան պատերազմից հետո սկսել է զանազան նախաձեռնություններ իրականացնել, ընդ որում՝ միանգամայն անվճար, հանրային սկզբունքով։«Գաղափարն այն է, որ նախագծի վրա աշխատի ոչ թե մեկ մարդ կամ մեկենաս, այլ ամբողջ գյուղը, հովանավորները և անգամ երեխաները։ Որպեսզի քար առ քար կառուցեն պատը, որի մասին հոգ կտանեն և կհասկանան, որ ուժը միասնականության մեջ է։ Նաև կարևոր է, որ ամեն մեկը հասկանա` ամեն ինչ նաև իրենից է կախված, իր անձնական ջանքից»,-ասաց Անահիտը Sputnik Արմենիայի հետ զրույցում։Նրա ջանքերի և համառության, ինչպես նաև գյուղացիների աջակցության շնորհիվ վերանորոգվել է Արարատի մարզի Արևշատ համայնքի երաժշտական դպրոցի հանդիսությունների սրահը, մեկնարկել է ևս մի քանի նախագիծ։Այժմ նոր հայտ կա՝ ավելի ընդգրկուն և բարդ նախագծի օգնելու, բայց Անահիտը վստահ է, որ համատեղ ջանքերով ցանկացած խնդիր կարելի է լուծել։«Արևշատի երաժշտական դպրոցում հաշվետու համերգից հետո ինձ գրեց հարևան գյուղի ֆիզկուլտուրայի ուսուցչուհի Գոհար Գևորգյանը։ Պարզվեց, որ Աբովյանի դպրոցի մարզադահլիճը անմխիթար վիճակում է, երեխաները ձմռանը ֆիզկուլտուրայի դասը դասարանում են անցկացնում, իսկ տարվա տաք եղանակին՝ փողոցում»,-պատմեց մեր հերոսուհին:Ֆիզկուլտուրայի ուսուցչուհին որոշել է դիմել հենց Անահիտին, քանի որ ի դեմս նրա համախոհ է տեսել։ Գոհար Գևորգյանը 32 տարի աշխատել է այս դպրոցում որպես ֆիզկուլտուրայի ուսուցչուհի և միշտ երազել է մարզադահլիճը համապատասխան տեսքի բերելու մասին:Երկու տարի հետո նա թոշակի կանցնի և իրենից հետո ուզում է երեխաներին երազանքների մարզադահլիճ թողնել։ Ուսուցչուհին վստահ է, որ այդ դպրոցի երեխաները կարող են հայտնի մարզիկներ դառնալ:«Մենք բոլորս մեր հնարավորությունների սահմաններում պատրաստ ենք մեր լուման ներդնել և օգնել։ Չէ՞ որ բոլորը՝ ուսուցիչներն ու ծնողները, ուզում են, որ երեխաները սովորեն արժանապատիվ պայմաններում, վոլեյբոլ և ֆուտբոլ խաղան, որը նրանք այդքան սիրում են»,- ասաց նա։Դպրոցի տնօրեն Մարիետա Գրիգորյանն էլ իր հերթին պատրաստ է և արդեն աջակցել է նախաձեռնությանը: Նա դպրոցի միջոցներով վերանորոգել է մարզադահլիճի տանիքը, պատուհաններն ավելի շուտ էին փոխարինվել, իսկ ահա պատերի, հատակի, առաստաղի, էլեկտրալարերի ու սպորտային պարագաների հարցը շատ բարդ է։ Ընդհանուր առմամբ վերանորոգման աշխատանքների համար անհրաժեշտ է ավելի քան յոթ հազար դոլար, միջոցների մի մասն արդեն հավաքել են, բայց հիմնական գումարը դեռ չկա։«Դպրոցը կառուցվել է 1973թ.-ին։ Երբեք չի վերանորոգվել։ Համեմատաբար վերջերս փոխեցինք պատուհանները, դռներն ու հատակի ծածկը։ Հիմա առաջնահերթություն են ջեռուցումն ու մարզասրահը։ Չէ՞ որ երեխաները չեն կարող միշտ դասարանում զբաղվել սպորտով»,-ասաց Գրիգորյանը։Դպրոցի աշակերտները՝ Ռոբերտը, Նարեկը, Լիլիթը, Նեկտարը և էլի շատերը, պատրաստ են ազատ ժամանակ աշխատել և օգնել նորոգման հարցում, ինչ-որ բան ներկել կամ մաքրել։ Չնայած ֆիզկուլտուրայի դասերը շատ հետաքրքրիր են անցնում, քանի որ Գևորգյանը հատուկ նրանց համար սպորտի հետ կապված ինտելեկտուալ խաղ է հորինել, երեխաներն այնուամենայնիվ շատ են ուզում լիարժեք պարապմունքներ ունենալ։Նրանք արդեն ակտիվ արշավ են սկսել։ Անահիտին օգնում են տեղեկություններ տարածել նախաձեռնության մասին, մասնակցում են տարբեր տեսանյութերի նկարահանմանն ու մոնտաժին։ Թիմը վստահ է՝ «փղի պոչն» արդեն կերել են, իսկ եթե մեծ թիմ հավաքեն, «փղից» ոչ մի պատառ չի մնա։Ռուսական թուղթը թանկացել է, ներկրողները որոշել են առիթից օգտվել. ՀՀ–ում թղթի դեֆիցիտ կա՞

արարատի մարզ

աբովյան

2022

Լուրեր

am_HY

գյուղ, դպրոց, մարզասրահ, արարատի մարզ, աբովյան