https://arm.sputniknews.ru/20220402/ynddimutjuny-khusapum-e-voreve-chapi-pataskhanatvutjun-standzneluc-maruqjan-40472985.html

Ընդդիմությունը խուսափում է որևէ չափի պատասխանատվություն ստանձնելուց. Մարուքյան

Ընդդիմությունը խուսափում է որևէ չափի պատասխանատվություն ստանձնելուց. Մարուքյան

Sputnik Արմենիա

ՀՀ հատուկ հանձնարարություններով դեսպան Էդմոն Մարուքյանը վերլուծել է, թե ինչու խորհրդարանական ընդդիմությունը չի համաձայնում Փաշինյան-Ալիև բրյուսելյան... 02.04.2022, Sputnik Արմենիա

2022-04-02T13:14+0400

2022-04-02T13:14+0400

2022-04-02T13:16+0400

հայաստան

էդմոն մարուքյան

ընդդիմություն

նիկոլ փաշինյան

https://cdn.am.sputniknews.ru/img/07e5/02/1a/26603373_0:19:1601:919_1920x0_80_0_0_f341d1627213f5843dc0a4909dc6922a.jpg

ԵՐԵՎԱՆ, 2 ապրիլի – Sputnik. «Լուսավոր Հայաստան» կուսակցության նախագահ, ՀՀ հատուկ հանձնարարություններով դեսպան Էդմոն Մարուքյանն այսօր այդ պաշտոնում իր առաջին հրապարակային հայտարարությունն է արել։Ֆեյսբուքյան պաշտոնական էջում հրապարակված հայտարարությունը վերաբերում է ՀՀ խորհրդարանական ընդդիմությանը, մասնավորապես` երկրի համար ծանր իրավիճակում ՀՀ վարչապետ Նիկոլ Փաշինյանի հետ փակ հանդիպման առաջարկը մերժելուն։Նախկին ընդդիմադիր գործիչը եզրակացնում է, որ այս ծանր իրավիճակում ընդդիմությունը խուսափում է որևէ մակարդակում որևէ չափի պատասխանատվություն ստանձնելուց կամ ներկայիս մարտահրավերները հաղթահարելու գործում իր դրական ներդրումն ունենալուց։«Ակնհայտ է, որ ընդդիմությունը սպասում է բանակցային գործընթացի մի որևէ հանգրվանի, որպեսզի հայտարարի, որ իրենք տեղյակ չեն եղել, հաղորդակից չեն եղել, և որ իրենք ավելի լավ տարբերակներ են ունեցել։ Մինչդեռ հնարավորություն դեռ կա որպես օրենսդիր իշխանության մաս այդ գործառույթներն իրականացնելու համար»,– եզրափակել է Մարուքյանը։Հիշեցնենք` ԱԺ փոխնախագահ Ռուբեն Ռուբինյանն ապրիլի 1-ին ԱԺ նիստում հայտարարել էր, որ ինքն ընդդիմությանն առաջարկել է վարչապետի մասնակցությամբ փակ աշխատանքային քննարկում կազմակերպել և մերժում է ստացել։Դրանից հետո, իր խոսքով, նա նաև երկրորդ առաջարկն է արել` կազմակերպել վարչապետի հետ քննարկում ԱԺ խորհրդի ձևաչափով, որում ներկայացված են նաև ընդդիմադիր պատգամավորներ։ Ըստ Ռուբինյանի ո՛չ դրական, ո՛չ բացասական պատասխան ընդդիմադիրներից չեն ստացել։Ավելի ուշ ԱԺ–ում լրագրողների հետ ճեպազրույցում «Հայաստան» խմբակցության ղեկավար Սեյրան Օհանյանը հայտնել էր, որ ընդդիմությունը դրանից օրեր առաջ դիմել է ԱԳՆ–ին` Հայաստանի ու Արցախի անվտանգությանը վերաբերող փաստաթղթերին ծանոթանալու համար, բայց Արարատ Միրզոյանն, ըստ նրա, իր խոսքը չի կատարում ու թույլ չի տվել ընդդիմադիրներին ծանոթանալ փաստաթղթերին։«Ծանոթանանք, որից հետո մենք կառաջարկենք, թե ինչ ձևաչափով ՀՀ վարչապետը գա ԱԺ ու ներկայացնի իրավիճակը»,– ասել էր Օհանյանը։Նախկին նախարարը նաև հայտնել էր, որ կառավարության նիստում վարչապետի ելույթից հետո ինքն անձամբ է ԱԺ փոխնախագահ Ռուբեն Ռուբինյանին առաջարկել Փաշինյանի ներկայացրած ծանր իրավիճակը քննարկել ԱԺ խորհրդի նիստում։ Ռուբինյանն էլ առաջարկել է հրավիրել վարչապետին, ինչին իրենք դեմ են եղել, քանի որ դեռ չեն ստացել բոլոր կարևոր փաստաթղթերին ծանոթանալու թույլտվությունը։Հիշեցնենք` Էդմոն Մարուքյանը ՀՀ վարչապետ Նիկոլ Փաշինյանի հրամանով հատուկ հանձնարարություններով դեսպան էր նշանակվել մարտի 14-ին:

2022

Լուրեր

am_HY

հայաստան, էդմոն մարուքյան, ընդդիմություն, նիկոլ փաշինյան