https://arm.sputniknews.ru/20220403/italian-erbeq-chi-zlana-ajakcel-hajastanin-luiji-de-majvo-40491384.html
«Իտալիան երբեք չի զլանա աջակցել Հայաստանին»․ արտգործնախարար Լուիջի դե Մայոն Երևանում է
«Իտալիան երբեք չի զլանա աջակցել Հայաստանին»․ արտգործնախարար Լուիջի դե Մայոն Երևանում է
Sputnik Արմենիա
Իտալիայի արտաքին գործերի և միջազգային համագործակցության նախարար Լուիջի դի Մայոն նշեց, որ Հայաստանի հետ պետք է ընդլայնել տնտեսական համագործակցության շրջանակը։ 03.04.2022, Sputnik Արմենիա
2022-04-03T11:17+0400
2022-04-03T11:17+0400
2022-04-03T11:26+0400
իտալիա
հայաստան
արտաքին գործերի նախարարություն (ագն)
https://cdn.am.sputniknews.ru/img/07e6/04/03/40491878_0:0:1600:901_1920x0_80_0_0_2a69970f3463fbdb17b11fd1a08f4801.jpg
ԵՐԵՎԱՆ, 3 ապրիլի – Sputnik. Հայաստանի արտաքին գործերի նախարար Արարատ Միրզոյանը և Իտալիայի արտաքին գործերի և միջազգային համագործակցության նախարար Լուիջի դի Մայոն հանդես են եկել համատեղ ասուլիսով։Նշենք, որ Իտալիայի նախարարը ապրիլի 2-3-ը Հայաստանում է աշխատանքային այցով։ Իր այցի շրջանակում նա բացի ՀՀ ԱԳ նախարարից կհանդիպի նաև ՀՀ նախագահի, ՀՀ վարչապետի և ՀՀ ԱԺ նախագահի հետ:Միրզոյանը նշել է, որ երկուստեք գոհունակություն են հայտնել ՀՀ—Իտալիա փոխհամագործակցությամբ, սակայն նշել են, որ տնտեսական ոլորտում առկա է չիրացված հսկայական ներուժ։ ԱԳ նախարարը ողջունել է Իտալիայի համալսարաններում հայագիտական ամբիոնների աշխատանքը։«Գործընկերոջը ներկայացրել եմ ադրբեջանական զինուժի ներխուժումը Փառուխ գյուղ, ադրբեջանական զինուժի կողմից հրադադարի ռեժիմի խախտումները։ Խոսել եմ հայ ռազմագերիների, հուշարձանների ճակատագիրը 44-օրյա պատերազմից հետո Բաքվի վերահսկողության տակ անցած տարածքներում։ Վերահաստատել եմ ՀՀ պատրաստակամությունը խաղաղության համաձայանգիր կնքել Ադրբեջանի հետ», - ասել է Միրզոյանը։Դի Մայոն նշել է, որ շնորհակալ է սիրալիր և ջերմ ընդունելության համար։«Իտալիան բարեկամ երկիր է, որը երբեք չի զլանա աջակցել Հայաստանին։ Իտալիան և Հայաստանը ունեն երկկողմանի տնտեսական բազմաթիվ ծրագրեր, հիմնականում ենթակառուցվածքների և էներգետիկայի ոլորտներում։ Սակայն անհրաժեշտություն կա տնտեսական նոր ծրագրերի և կապերի», - ասել է նախարարը։Նրա խոսքով՝ գնահատելի է իտալերենի ուսուցումը հայկական որոշ դպրոցներում և համալսարաններում։ Նա նաև ընդգծել է, որ մշակութային բոլոր նյութական և ոչ նյութական արժեքների պահպանումը խիստ կարևոր է։Նշենք, որ առավոտյան նախարարները այցելել են Ծիծեռնակաբերդ։
իտալիա
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
իտալիա, հայաստան, արտաքին գործերի նախարարություն (ագն)
իտալիա, հայաստան, արտաքին գործերի նախարարություն (ագն)
«Իտալիան երբեք չի զլանա աջակցել Հայաստանին»․ արտգործնախարար Լուիջի դե Մայոն Երևանում է
11:17 03.04.2022 (Թարմացված է: 11:26 03.04.2022) Իտալիայի արտաքին գործերի և միջազգային համագործակցության նախարար Լուիջի դի Մայոն նշեց, որ Հայաստանի հետ պետք է ընդլայնել տնտեսական համագործակցության շրջանակը։
ԵՐԵՎԱՆ, 3 ապրիլի – Sputnik. Հայաստանի արտաքին գործերի նախարար Արարատ Միրզոյանը և Իտալիայի արտաքին գործերի և միջազգային համագործակցության նախարար Լուիջի դի Մայոն հանդես են եկել համատեղ ասուլիսով։
Նշենք, որ Իտալիայի նախարարը ապրիլի 2-3-ը Հայաստանում է աշխատանքային այցով։ Իր այցի շրջանակում նա բացի ՀՀ ԱԳ նախարարից կհանդիպի նաև ՀՀ նախագահի, ՀՀ վարչապետի և ՀՀ ԱԺ նախագահի հետ:
Միրզոյանը նշել է, որ երկուստեք գոհունակություն են հայտնել ՀՀ—Իտալիա փոխհամագործակցությամբ, սակայն նշել են, որ տնտեսական ոլորտում առկա է չիրացված հսկայական ներուժ։ ԱԳ նախարարը ողջունել է Իտալիայի համալսարաններում հայագիտական ամբիոնների աշխատանքը։
«Գործընկերոջը ներկայացրել եմ ադրբեջանական զինուժի ներխուժումը Փառուխ գյուղ, ադրբեջանական զինուժի կողմից հրադադարի ռեժիմի խախտումները։ Խոսել եմ հայ ռազմագերիների, հուշարձանների ճակատագիրը 44-օրյա պատերազմից հետո Բաքվի վերահսկողության տակ անցած տարածքներում։ Վերահաստատել եմ ՀՀ պատրաստակամությունը խաղաղության համաձայանգիր կնքել Ադրբեջանի հետ», - ասել է Միրզոյանը։
Դի Մայոն նշել է, որ շնորհակալ է սիրալիր և ջերմ ընդունելության համար։
«Իտալիան բարեկամ երկիր է, որը երբեք չի զլանա աջակցել Հայաստանին։ Իտալիան և Հայաստանը ունեն երկկողմանի տնտեսական բազմաթիվ ծրագրեր, հիմնականում ենթակառուցվածքների և էներգետիկայի ոլորտներում։ Սակայն անհրաժեշտություն կա տնտեսական նոր ծրագրերի և կապերի», - ասել է նախարարը։
Նրա խոսքով՝ գնահատելի է իտալերենի ուսուցումը հայկական որոշ դպրոցներում և համալսարաններում։ Նա նաև ընդգծել է, որ մշակութային բոլոր նյութական և ոչ նյութական արժեքների պահպանումը խիստ կարևոր է։
Նշենք, որ առավոտյան նախարարները այցելել են Ծիծեռնակաբերդ։
