Արևմուտքը փորձում է դեմագոգիկ դատողություններում տարալուծել Բուչայի մասին ֆեյքը. Լավրով

© Sputnik / Сергей Гунеев / Անցնել ֆոտոբանկՍերգեյ Լավրով
Սերգեյ Լավրով - Sputnik Արմենիա, 1920, 04.04.2022
Սերգեյ Լավրով. Արխիվային լուսանկար
Բաժանորդագրվեք
Yandex newsTelegram
Ավելի վաղ Ռուսաստանը երկու անգամ ՄԱԿ-ի Անվտանգության խորհրդի համապատասխան նիստի հարցում էր արել:
ԵՐԵՎԱՆ, 4 ապրիլի - Sputnik. Բեմադրված տեսանյութի հրապարակումից հետո Արևմուտքը փորձում է Բուչա քաղաքի դեպքերը «տարրալուծել» ուկրաինական ճգնաժամի մասին դեմագոգիկ դատողությունների մեջ։ Նման կարծիք է հայտնել ՌԴ արտգործնախարար Սերգեյ Լավրովը:
«Իմանալով բրիտանական դիվանագիտությունը` ենթադրում եմ` խնդիրն այն է, որ լ այդ կոնկրետ ֆեյքը Բուչա քաղաքում մատուցեն ուկրաինական ճգնաժամի բնույթի մասին դեմագոգիկ դատողություններում»,-ասել է Լավրովը Մոսկվայում Արաբական պետությունների կոնտակտային խմբի հետ կայացած մամուլի ասուլիսում:
Նախարարի խոսքով՝ Ռուսաստանը պնդելու է, որ ուկրաինացի զինվորականների հանցագործություններն անհետևանք չմնան, ընդ որում այդ մեղադրանքները հիմնված են փաստերի, ոչ թե ֆեյքերի վրա:
«Մենք պնդելու ենք, որ այն հանցագործությունները, որոնք գործել են Ուկրաինայի զինված ուժերը, որոնք առաջնորդվում են ազգայնական, նեոնացիստական գումարտակներով, նույնպես անհետևանք չեն մնան։ Մենք աշխատում ենք մեր ընկերների, գործընկերների հետ, որ կիրառենք միջազգային հումանիտար իրավունքի համապատասխան նորմերը, քանի որ այդ մեղադրանքները հիմնված են շատ հստակ կոնկրետ, անհերքելի փաստերի վրա», - ասել է Լավրովը։
Ռուսաստանը պատրաստ է Արևմուտքի հետ անկեղծ զրույց վարել, բայց նրանք Մոսկվային են միայն «նշաններով քարտեր» առաջարկում:
«Մենք դրան սովոր ենք, դա արդեն անլուրջ է, սովորական խաղ է մեղավորներ գտնելու և սեփական մեծությունը ի ցույց դնելու համար», - ասել է Լավրովը:
Ի՞նչ է իրականում կատարվել Բուչայում․ռուս ռազմական թղթակիցը մանրամասներ է ներկայացրել
Երեկ համաշխարհային կազմակերպությանն առընթեր Ռուսաստանի մշտական ներկայացուցչի տեղակալ Դմիտրի Պոլյանսկին ասել է, որ Ռուսաստանը ՄԱԿ-ի Անվտանգության խորհուրդ է հրավիրել այդ կապակցությամբ։ Նա պարզաբանել է, որ Մոսկվան պահանջում է ապրիլի 4-ին նիստ գումարել «ուկրաինացի ծայրահեղականների աղաղակող սադրանքի» պատճառով: Սակայն Ռուսաստանի հարցումը չէր բավարարվել։
Նրա խոսքով՝ դրանով Լոնդոնը ցույց է տալիս, թե ինչ տեսք ունի այսպես կոչված «կանոնների վրա հիմնված համաշխարհային կարգը», որը «կարծես, հիմնված է միջազգային իրավունքի բոլոր հնարավոր ու անհնար նորմերի, համապատասխան պայմանավորվածությունների ու ընդհանրապես քաղաքակիրթ վարքագծի ցանկացած նորմերի խախտման վրա»:
Ավելի վաղ Ուկրաինայի իշխանությունն ու մի շարք արտասահմանյան ԶԼՄ-ներ տեղեկատվություն էին տարածել ռուս զինվորականների կողմից խաղաղ բնակիչների զանգվածային սպանությունների մասին: Հրապարակվել է տեսանյութ, որում երևում են ռուսաստանցիների հեռանալուց հետո քաղաքի փողոցներում գտնվող մարդկանց մարմինները: Ռուսաստանում այդ կադրերը կեղծ են անվանել՝ ուշադրություն դարձնելով, որ տեսագրությունում մարմինները շարժվում են, ինչը թույլ է տալիս խոսել հոլովակի բեմադրված լինելու մասին։
ՌԴ պաշտպանության նախարարությունը ռուս զինվորականների` սպանություններին մասնակցության մասին տեղեկությունը սադրանք է անվանել։ «Այս ամենն անհերքելիորեն հաստատում է, որ Բուչայի լուսանկարներն ու վիդեոկադրերը Կիևի ռեժիմի հերթական բեմադրությունն են արևմտյան ԶԼՄ-ների համար»։
Բայդենը հայտարարել է, որ Բուչայի իրադարձությունները ցեղասպանություն չի համարում
Լրահոս
0